08/11/2026
Vandag is ek ongelooflik dankbaar.
Ek was bevoorreg om tussen soveel pragtige, inspirerende vroue te staan by die Voelgoed Inspirasievrou Toekennings 2026.
Om uit 500 inskrywings as een van die TOP 25 gekies te word, is reeds ’n ongelooflike eer en ervaring wat ek vir altyd sal koester.
Ek het nie die toekenning gewen nie, maar ek kan met my hele hart sê: Ek voel soos ’n wenner!
Want ek hoef nie ’n trofee te wen om vroue se lewens te verander nie. Ek hoef nie ’n titel te hê om ’n verskil te maak nie. As ek net een vrou kan help om weer haar eie waarde raak te sien, haarself lief te kry en met nuwe selfvertroue na haarself te kyk, dan doen ek reeds waarvoor ek geroep is.
Om deel te wees van hierdie besondere erkenning beteken vir my soveel meer as net ’n plek in die Top 25. Dit bevestig dat die werk wat ons doen, die vroue wat ons aanraak en die verskil wat ons probeer
maak, wel betekenis het.
Ek wil eerstens ALLE EER AAN GOD gee. Dankie Here vir die talent wat U aan my toevertrou het en vir die geleentheid om dit te gebruik om ander mense se lewens aan te raak.
Aan my liefste man en my kinders: dankie vir julle onvoorwaardelike liefde, geduld en ondersteuning. Aan my familie en vriende, dankie dat julle altyd daar is.
Aan Michelle, my ongelooflike spanmaat in die studio, dankie dat jy deel is van hierdie droom en saam met my vroue se selfvertroue help bou.
En dan aan elkeen van julle wat my ondersteun:
My followers, my kliënte, my stalkers 😂 en selfs die mense wat nog altyd gesê het hulle wil by my uitkom — EK SIEN JULLE!
Dankie vir elke like, deel, boodskap, bespreking, aanbeveling en woord van ondersteuning. Julle is deel van hierdie reis. Sonder julle sou Obsession nie wees waar dit vandag is nie.
Ek het dalk nie vandag met ’n titel huis toe gegaan nie, maar ek gaan huis toe met ’n hart vol dankbaarheid, trots en nuwe inspirasie.
Want my doel was nog nooit net om mooi foto's te neem nie. My doel is om vroue te help om weer die mooi in hulself raak te sien.
En dit, vir my, is ’n oorwinning wat geen trofee ooit kan vervang nie. ❤️
ALLE EER AAN GOD. 🙏
***irPhotography
VoelgoedEvents Voelgoed Michelle Draper Cindy Lentz Chantelle Van Hamersveld Private M Collection : Make-Up & Hair Obsession Photography SA Obsession Bo***ir Photography