14/08/2026
ٹھل میں 14 اگست جشنِ آزادی کے موقع پر میونسپل کمیٹی میں ایک پروقار تقریب کا انعقاد کیا گیا، جس میں پی پی ایم پی ڈاکٹر ڈاکٹر سہراب خان سرکی، سردار ذوالفقار خان سرکی، محمد نواز گولو سمیت سیاسی و سماجی شخصیات، معززین اور شہریوں نے بڑی تعداد میں شرکت کی۔
تقریب کے دوران قومی پرچم لہرایا گیا اور پاکستان کی آزادی کی خوشی میں کیک بھی کاٹا گیا۔ شرکاء نے وطنِ عزیز کی سلامتی، استحکام، ترقی اور خوشحالی کے لیے خصوصی دعائیں کیں۔
اس موقع پر مقررین نے خطاب کرتے ہوئے کہا کہ پاکستان بڑی قربانیوں کے بعد حاصل کیا گیا، ہمیں ملک کی ترقی، خوشحالی اور استحکام کے لیے متحد ہو کر اپنا کردار ادا کرنا ہوگا۔
تقریب کے اختتام پر پاکستان زندہ باد کے نعروں سے فضا گونج اٹھی اور شرکاء نے قومی جذبے کے ساتھ جشنِ آزادی منایا۔
