04/10/2026
وادی سماہنی منانہ کے معروف سیاسی و سماجی خاندان جیون فیملی کے چشم و چراغ اعتزاز عاصم چوہدری برطانیہ میں لیبر پارٹی کے امیدوار نامزد
روچڈیل کونسل کے بلدیاتی انتخابات مئی 2027 میں اپنی آبائی وارڈ سمال برج اینڈ فرگروو سے انتخابات میں حصہ لیں گے اس قبل وہ پاکستان کے معروف نیوز چینل 92 نیوز و دیگر کئی صحافتی اداروں سے منسلک راہ چکے ھیں
وادیٔ سماہنی کے معروف سیاسی و سماجی خاندان جیون فیملی کے چشم و چراغ اور برطانیہ میں مقیم معروف سماجی و سیاسی صحافتی شخصیت اعتزاز عاصم چوہدری کو برطانیہ کی حکمران جماعت لیبر پارٹی نے روچڈیل کونسل کے آئندہ بلدیاتی انتخابات، مئی 2027، کے لیے اپنا امیدوار نامزد کر دیا ہے۔ وہ روچڈیل کی سمال برج اینڈ فرگروو وارڈ سے کونسلر کے امیدوار کی حیثیت سے انتخابی میدان میں اتریں گے۔
یاد رہے کہ برطانیہ میں سیاسی جماعتیں عموماً بلدیاتی انتخابات سے کئی ماہ قبل اپنے امیدواروں کا انتخاب اور نامزدگی کا عمل مکمل کرتی ہیں، تاکہ امیدواروں کو انتخابی مہم اور عوامی رابطوں کے لیے مناسب وقت مل سکے۔
اعتزاز عاصم چوہدری کا تعلق وادیٔ سماہنی کے ایک معروف سیاسی و سماجی گھرانے سے ہے۔ وہ وادیٔ سماہنی کی بزرگ سیاسی و سماجی شخصیت چوہدری محمد رشید کے فرزند، ۔ سینئر صحافی سابق صدر کشمیر پریس کلب سماہنی روزنامہ پاکستان کے تحصیل رپوٹر عدنان رشید چودھری اور نوجوان سیاسی رہنما فیضان رشید چوھدری کے برادرِ محترم ہیں، جبکہ چیئرمین یونین کونسل منانہ سرسالہ چوہدری عبدالرحمن سدھو کے حقیقی بھانجے ہیں۔۔چوھدری ثاقب منانوی کے ماموں زاد بھائی ھیں
ان کی نامزدگی کو برطانیہ میں مقیم پاکستانی و کشمیری کمیونٹی کے لیے ایک اہم پیش رفت قرار دیا جا رہا ہے، جو نہ صرف ان کے سیاسی سفر میں ایک نئے باب کا آغاز ہے بلکہ وادیٔ سماہنی سے تعلق رکھنے والے خاندان کے لیے بھی باعثِ مسرت ہے۔
