Kashmirians, Mirpur (2026)

25/09/2026

آصف رضا صاحب — ایک یادگار شخصیت

اِنَّا لِلّٰهِ وَإِنَّا إِلَيْهِ رَاجِعُون

آج پاکستان کی موٹر سائیکلنگ برادری ایک عظیم، بااخلاق اور قابلِ احترام شخصیت سے محروم ہو گئی ہے۔، پاکستان کی موٹر سائیکلنگ سیاحت کے حوالے سے ایک جانی پہچانی اور قابلِ احترام شخصیت تھے۔ بلکہ یہ کہنا بھی بے جا نہ ہوگا کہ وہ پاکستان کے سب سے زیادہ عمر کے موٹر سائیکل سیاحوں میں شمار ہوتے تھے۔ وہ گزشتہ کم از کم پچاس برس سے موٹر سائیکلنگ کا یہ شوق جاری رکھے ہوئے تھے، جس کا اندازہ ان کی وہ پرانی تصاویر دیکھ کر بخوبی لگایا جا سکتا ہے جو وہ اکثر ہمارے ساتھ شیئر کیا کرتے تھے۔

آصف رضا صاحب سے ہماری پہلی ملاقات 2016ء میں ہوئی، جب ہم نے پاکستان میں موٹر سائیکلنگ سیاحت کا آغاز کیا۔ وہ نہایت خوش مزاج، ملنسار، بااخلاق اور حسنِ کردار کے مالک انسان تھے۔ ان کی صحبت میں ہمیں ہمیشہ کچھ نہ کچھ نیا سیکھنے کو ملتا رہا۔ اکثر وہ راولپنڈی سے خصوصی طور پر ہم سے ملنے میرپور آیا کرتے تھے، اور جب بھی ہمارا راولپنڈی جانا ہوتا، ان سے ملاقات ضرور ہوتی۔ ان کی محفل میں ہمیشہ لطف آتا، خوشگوار وقت گزرتا اور ساتھ ہی ان کے تجربات سے بہت کچھ سیکھنے کا موقع ملتا۔ پاکستان میں موٹر سائیکلنگ سے متعلق کوئی بھی تقریب، سرگرمی یا پروگرام ہو، آصف رضا صاحب اپنی شرکت ضرور یقینی بناتے تھے۔ موٹر سائیکلنگ سیاحت کے لیے ان کا جذبہ، شوق اور محبت واقعی قابلِ ذکر تھا۔
آج وہ ہمیں چھوڑ کر اگلی دنیا کی جانب روانہ ہو گئے ہیں۔ ان کی وفات کا دکھ ہم سب کے لیے بہت بڑا صدمہ ہے۔ ان کی خوبصورت یادیں، ان کی محبت، خلوص اور ان کے ساتھ گزارے ہوئے لمحات ہمیشہ ہمارے دلوں میں زندہ رہیں گے۔
اللہ تعالیٰ آصف رضا صاحب کی کامل مغفرت فرمائے، ان کے درجات بلند فرمائے، انہیں جنت الفردوس میں اعلیٰ مقام عطا فرمائے اور ان کے تمام لواحقین، اہلِ خانہ، دوست احباب کو صبرِ جمیل عطا فرمائے۔

آمین یا رب العالمین۔
Asif Raza - Personal
Asif Raza

Kashmirians

03/11/2026

25/09/2026

Address

Telephone

Website

Alerts

Contact The Business

Shortcuts

Share

Category

Nearby photography services

Other Photography Videography in Mirpur

Listing takedown request