20/09/2026
خــوي "عبــدالمــاجد"
في ناس تدخــل حيــاتنا وتعلمــنا دروس مـن غيــر ما تتكــلم ، وناس وجــودها في حيــاتنا يكــون نعمــة أكبــر من إن الكلمــات تقــدر توصــفها ، وخــوي "مــاجد" زي مـا أنــادو فيـه على رأس القــائمة هــادي ..
خــوي من الأشخــاص إللي عنــدهم "متــلازمة داون"
لكـن لو بنــحكي عليــه ما نبيــش نختصــره في كلمـة "متــلازمة داون" لأن ماجــد أكبـر من التشخيــص ، وأجمــل من أي وصــف طبـي ، وأعمــق من إن مجمــوعة كلمــات تقــدر تختـصر شخصيــته ..
قاعــد نتــذكر الأيــام الأولى إللـي جـي فيــها "ماجــد" للدنيــا في 2006 ونتـًذكر قــداش كــان الموضــوع غــريب في البــداية ، ومـع الوقــت بديــت نـدرك إن ربي سبحــانه وتعـالى نعـم عليــنا بهــدية من عنــده ، وكـل ما تفــوت السنيــن ويكبــر نعــرف قيــمة الهــدية أكثــر لأن خــوي تزيــد حنيــته وصــدقه وأهميــة وجــوده في حيــاتنا 🤍
أنا أكثــر شخــص في العيــلة يخــاف مني أو يحتــرم فيـا مـش عــارف الحـق أما منــهم إللي صـح ، مـع هــذا مـش هـو إللي تعــلم مني حاجــات ، بالعــكس أنا اللي تعلــمت ..
تعلمــت منـه إن الفــرحة ممــكن تكــون في أصغــر التفــاصيل ، وإن الابتســامة الصــادقة تقــدر تبــدل يـوم كامــل ، وإن المحبــة الحقــانية مــرات ما تحتــاجش تفسيــر ، تعلمـت أن نشــوف الدنيــا بطــريقة أبســط بعيــد عن التعقيــد ، وبعيــد عن الحســابات إللي إحــنا الكبــار نعيــشوا فيــها ، وعلــمني أن أجــمل القلــوب في الدنيــا ما تحتــاجش تكــون مثــالية ، وما تحتــاجش تكــون زي غيــرها باش تستــحق الحـب ، يكــفي إنهـا صــادقة 🤍
"ماجــد" يفــرح من قلبــه ، ويزعــل مـن قلبــه ، ويحــب بصــدق ، ويعبــر بطريقتــه ، ويفــرح بالنــاس إللي يحبــهم ، ووجــوده في الحــوش ليه طعــم خــاص ما يعرفــاش إلا إللي عــاش مـع شخــص زيـه ..
يمكــن أنا أكثــر واحــد في العيــلة ما ننتبــهش للحــاجات الصغيــرة إللي يديــر فيــها ، لكـن مـع الوقــت فهــمت إنهــا هي نفســها الحاجــات إللي تخــلي وجــوده غــالي عليــنا ، لأن "مــاجد" مـن أذكى النــاس إللي عرفتــهم في حيــاتي ، يعــرف كيــف ياخــد حاجتــه اللي يعــرف ان هي حقــه وليــه ، ومستحيــل ياخــد حــاجة مـش ليـه ولا يظــلم حــد ..
ربي يحفظــك يا "مــاجد" ويعطيــك الصــحة والعافيــة ، ويفتــحلك أبــواب الخيــر ، ويكتبــلك في كـل خطــوة فرحــة ، ويخـلي أيامــك مليــانة بالضحــكة إللي نعرفــوها عليــك ..
أنـت مـش مجــرد أخ ، أنـت هــدية الرحمــن وفخــر ليــنا كلنــا 🤍