Abd alhade Ramadan - عبدالهادي رمضان

31/08/2026

يتبع...🔥

29/08/2026

فيديو دعائي لصالح مركز العـودي🔥

وجهتك الأولى لعالم السيارات والتعديل الاحترافي.

متخصصون في تحويل وتعديل جميع أنواع السيارات،
مع ورشة متكاملة لأعمال السمكرة والدهان بأعلى مستوى من الدقة والاحتراف.

نوفر كذلك مجموعة واسعة من الكِتات الداخلية والخارجية،
ونحوّل رؤيتك لسيارتك إلى واقع بتفاصيل تصنع الفرق.

من الشكل… إلى التفاصيل… إلى الهوية.
سيارتك، بأسلوبك🔥

19/08/2026

الفيلم مزال يبي شوية وقت نضراً للضروف اللي تمر باها البلاد ووضع الكهرباء مأخرنا في مرحلة المونتاج ...

هذا تسريب لمشهد من الفلم اعطونا رايكم فالالوان 🤍

08/08/2026

رسمياً الانتهاء من تصوير فلم عجز 🤍

كانت رحلة جميلة وممتعة مع الشباب

08/08/2026

04/08/2026

بسم الله الرحمن الرحيم

نفتح باب المشاركة لكل الشباب، كبارًا وصغارًا، ليكونوا جزءًا من المشهد الختامي لفيلم “عجز”، في مشهد ضخم يُجسّد مظاهرة حضارية تحمل رسالة قوية ستبقى في ذاكرة كل من يشاهدها.

هذه ليست مجرد مشاركة في التصوير… بل فرصة لتكون جزءًا من عمل سينمائي يُروى ويُشاهد.

📍 مكان التصوير: قاعة الشعب - صبراتة

جميع التفاصيل الخاصة بموعد التصوير وآلية المشاركة سيتم نشرها داخل مجموعة الواتساب، لذا يُرجى الالتزام بالانضمام إليها، واتباع جميع التعليمات الصادرة من فريق العمل، والحضور في الموعد المحدد لضمان خروج المشهد بأفضل صورة ممكنة.

كن أحد الوجوه التي ستصنع النهاية… لأن كل شخص حاضر سيترك أثرًا في هذه الحكاية

قروب المشاركة

https://chat.whatsapp.com/FLbqOU4CatrGMHsf2tN49M?s=sh&p=i&ilr=4&amv=0

04/08/2026

بدمها وعرقها وزيتها نحن قادمون😂😂

المخرج دخل عالخط بشخصية ...🌚

02/08/2026

الحمدلله🤍

28/07/2026

اغلب اللي تم استدعائهم للتمثيل لما سمعو بيا انا اللي نخدم فالفيلم وافقو قبل حتى ما يعرفو شن محتواه😂

وبعد منشور امس صاير ضغط عالواتساب بشوي شباب
باذن الله حتشاركو الكل حتى لو مش في هذا فاللي جاي

مشعارف شن بنقوللكم الا بارك الله فيكم على ثقتكم وحسن ظنكم وبالاخص الجهات الراعية اللي حطت فينا امال كبيرة رغم قلة الامكانيات وكثرة التحديات

لكن نحنُ لها بإذن الله🤝🏻

28/07/2026

الطريق صعبة لكن ممتعة ...

اغلبكم يتسائل عالفيلم الجاي شن فكرته وعلى شن يحكي .

الفيلم باختصار يحكي على مشكلة الضي في ليبيا من منظور شبابي ،فالفيلم حيكون توعوي لكن بطريقتنا

كذلك فيه رسالة معينة باش يركزو فاها الجيل الصغير تحديداً لانهم هم بذرة المجتمع

تجربة جميلة مع شباب يخاف على بلاده ويبي يوصل رسالة بطريقة محترمة واحترافية وتليق بينا ك ليبيين

نزيدكم شي بسيط الفترة الجاية حنبدو انزلو في كواليس الخدمة من الصفر باش تعيشو معانا الاجواء وتشوفو كمية التعب ومنها اللي حاب يدخل للمجال هذا يستفيد ويفهم ولو شي بسيط

شكراً لكل من ساعد وساهم ولو بكلمة طيبة

خلال الاسبوع القادم حنصورو المشهد الختامي للفيلم حنعطيكم التفاصيل كل شاب مقتدر نبيه يحضر ويشاركنا

امسية طيبة جميعاً