Miles Graphy 影留

Miles Graphy 影留 Contact information, map and directions, contact form, opening hours, services, ratings, photos, videos and announcements from Miles Graphy 影留, Photographer, 7/F. , Glassview Commercial Building, No. 65-67 Castle Peak Road, Yuen Long, Hong Kong.

Tin Hau Fest Procession 2026 • 成就解鎖Not a perfect weather, but personally I quite like the shots haha. Thx for the invita...
10/05/2026

Tin Hau Fest Procession 2026 • 成就解鎖

Not a perfect weather, but personally I quite like the shots haha. Thx for the invitation :)

謝謝花炮會邀請 成就解鎖
有幸可以跟住獅隊記錄天后寶誕巡遊
拍下了不同角度嘅元朗年度文化盛事
雖然天公不做美 無咩太陽
但感謝天后庇佑 全程無落雨
超好氣氛 希望下年天氣好又抽到時間記錄啦

•⁠ ⁠May 2026 •

Theme:
#北部都會區 #十八鄉天后寶誕巡禮 #非物質文化遺產 #香港文化 #香港非遺 #舞龍 #舞獅 #舞麒麟 #英歌舞 #文化攝影 #活動攝影 #盛事經濟 #元朗區日夜都繽紛 #元朗

09/05/2026

Tin Hau Fest • 十八鄉天后寶誕巡禮 2026

Shap Pat Heung Tin Hau (Empress Of Heaven) Festival Procession is a traditional celebration of Yuen Long since 1963. It happens on the 23rd day of the 3rd Lunar Month every year. Over 30 teams performed the procession from Yuen Long Town To Tau Shu Ha’s Tin Hau Temple this year.

今年有幸獲花炮會邀請
成功跟到獅隊記錄元朗年度盛事
「十八鄉天后寶誕巡禮」
八點多出發到集合點
十點左右便會開始巡遊
巡遊期間除咗有唔同嘅表演
都有商户會準備採青環節俾獅隊
更有花炮會帶同天后娘娘出巡
俾大家拜拜保平安

•⁠ ⁠May 2026 •
Theme:
#北部都會區 #十八鄉天后寶誕巡禮 #非物質文化遺產 #香港文化 #香港非遺 #舞龍 #舞獅 #舞麒麟 #英歌舞 #文化攝影 #活動攝影 #盛事經濟 #元朗區日夜都繽紛 #元朗

Last Celebration & Farewell • 古洞古董Didn’t expect there will be Guan Yin Festival at Kwu Tung happening this year, came he...
07/04/2026

Last Celebration & Farewell • 古洞古董

Didn’t expect there will be Guan Yin Festival at Kwu Tung happening this year, came here to document and said goodbye to my Kwu Tung friends.

原以為土地寶誕後再沒有大型節興在古洞發生
殊不知古洞面臨重大變遷前迎來了觀音寶誕
謝謝友人串連有幸可同 義和堂 食到大樹下的盆菜
記錄外 也跟古洞相熟街坊好好道別
天下無不散之筵席 且行且珍惜
別了 古「董」 (老街坊喜歡用「董」而非「洞」讀音）

•⁠ ⁠Apr 2026 •

Theme:
#北部都會區 #古洞 #觀音寶誕

Time Travel · 穿越到漢朝今個Easter 假好長呀 你喺留港/外遊派？如果留港嘅你 對展覽、中華文化有興趣可以不妨睇睇喺九龍公園香港文物探知館嘅新展「漢風泱泱：雄渾與交融的盛世」展覽共分2層 6個單元從政治制度、經濟發展、文化...
31/03/2026

Time Travel · 穿越到漢朝

今個Easter 假好長呀 你喺留港/外遊派？
如果留港嘅你 對展覽、中華文化有興趣
可以不妨睇睇喺
九龍公園香港文物探知館嘅新展
「漢風泱泱：雄渾與交融的盛世」
展覽共分2層 6個單元
從政治制度、經濟發展、文化與信仰、
科技發展、社會生活，以及對外交流
都有不同展品展示大漢開拓創新的盛世

至於講到邊件展品最鐘意
我個人最鐘意係五層彩繪陶倉樓
導賞員講話個結構有啲似
九龍麵粉廠的圓柱形小麥倉庫
另外仲驚喜見到有香港出土嘅五銖錢
香港出產嘅石印章

如果大家對中華文化歷史有興趣
不妨去九龍公園香港文物探知館
睇下呢個免費展覽
展期去到9月20日~

而復活節期間仲有特別節目㗎
例如有投壺遊戲
係漢代宴會熱門遊戲俾大家挑戰準繩度
另外仲有泱泱影樓
有專屬背景+道具俾大家打卡
最後如果大家玩樂以外都想深入認識歷史
都可以參加4月4號 星期六限定嘅升級講座
講者：丁新豹先生會有一個以
「東西通衢：張騫通西域的啟示」嘅分享

《漢風泱泱：雄渾與交融的盛世》
📅 即日至9月20日 (逢星期四休館)
🕰️ 10:00-18:00 (平日)/ 10:00-19:00 (星期六、日及公眾假期)

Theme:
#漢風泱泱 #香港文物探知館 #香港好去處 #中華文化

Revisit before fully redeveloped • 一訪再訪古洞是個香港製造和文化寶藏之地其關注度和名氣也有一定程度所以有段時間頗排斥去該地因為想把自己有限的時間和資源留給比較少熱度的鄉村/產業後來因洪水橋村民邀請記錄同一...
20/03/2026

Revisit before fully redeveloped • 一訪再訪

古洞是個香港製造和文化寶藏之地
其關注度和名氣也有一定程度
所以有段時間頗排斥去該地
因為想把自己有限的時間和資源
留給比較少熱度的鄉村/產業

後來因洪水橋村民邀請記錄同一同食盆菜
到後來有不同組織和院校
辦古洞導賞、放映會和座談會
自己漸漸地由古洞遊客
到後來因喜愛這地方、味道和溫度
自己也成為了古洞的一份子和同行者

由以往有活動先到訪古洞
到發覺每次來古洞都有不同的發現
到近月會來探街坊、嘗試為花炮會救舊物
以至農曆年試辦單車導賞
我想大概也是因對這個地方的連結和感情
才願意為古洞記錄同連結不同人去為這地方做更多吧～

上次單車導賞串連了自己欣賞的社工
讓大家走訪安置屋邨、塱原和古洞北
了解古洞變遷、城鄉共融和村民故事
今次古洞散步團和《茶粿》記錄片交流會
邀請咗兩個村民和村外人組織代表
細説古洞文化和古洞人精神
一齊走訪古洞北和南

因場地空間、資源、義工人手有限
所以鄉郊旅遊和交流會名額十分有限
相信今年只辦一場 不設加場 敬請見諒
如報名人數超出限額
將會以抽籤方式/按大家的報名表內容
揀選入選參加者並作另行通知

【北.值一提】古洞導賞+《茶粿》記錄片交流團報名
日期：29/3/2026 （日)
時間：10:00-13:00
對象：喜歡香港文化/ 拍攝愛好者/ 關注北都發展的你
人數：約20人
支持費：需購買至少一杯冰室飲品和自由定價 （於活動後收取）

•⁠ ⁠Jul 2025 - Mar 2026 •

Theme: 
#北部都會區 #古洞 #鄉郊旅遊

Link Fortune Wall • 來自黃大仙的祝福 講起黃大仙呢個社區喺未深入行區前 我第一時間會諗起黃大仙祠但經歷完二、三月社區考察同記錄黃大仙再加朋友以街坊身份帶嘅導賞令我了解更多呢個社區亦發掘了最新地標－黃大仙《福牆》原來黃大仙...
10/03/2026

Link Fortune Wall • 來自黃大仙的祝福

講起黃大仙呢個社區
喺未深入行區前
我第一時間會諗起黃大仙祠
但經歷完二、三月社區考察同記錄黃大仙
再加朋友以街坊身份帶嘅導賞
令我了解更多呢個社區
亦發掘了最新地標－黃大仙《福牆》
原來黃大仙嘅祈福文化唔止存在喺黃大仙祠
而係融入喺整個地區嘅社區空間、建築同生活

黃大仙祠 － 香火文化並存 據朋友分享
黃大仙祠係集「三教」於一身：佛、道、儒三教精神
建築參考咗「五行」金木水火土
獨特風水佈局 加上富麗嘅屋脊裝飾 飛檐彩瓦與石獅雕刻
充分展現咗傳統文化嘅美
祠內有約40個香檔和82個解簽檔
每個簽檔前都擺着小木椅
坐滿虔誠求籤問卜嘅街坊
香火氣息、籤竹聲聲
添上一份人情味

全新《福牆》 － 藝術中的祝福
走出祠外亦感受到一樣嘅平安感
黃大仙中心北館外新設嘅《福牆》
係由108個不同字體「福」字組成嘅藝術牆
出自社會名人、社區朋友，以至青年學子共同創作
自己最鍾意嘅係
香港劍擊運動員 Ryan 蔡俊彥寫嘅福字 (圖6) 好有動感
當日見到都好多遊客和黃大仙街坊同啲福字打卡接福
仲好好彩見到有份提字嘅藝術家帶埋家人過來欣賞
一同感受《福牆》所帶來的快樂、平安同祝福

另外聖雲先小堂同樣吸引
自己最鐘意小堂嘅十字架窗花同彩色玻璃

為期近一個月的黃大仙考察和記錄完成
希望下次再去黃大仙
又搵到啲新嘅社區特色同大家分享啦

🎨 Link Fortune Wall • 黃大仙《福牆》
📍黃大仙中心北館外 (黃大仙地鐵站B3出口)

•⁠ ⁠Feb & Mar 2026 •


#黃大仙福牆 #108福 #福氣滿城

Happy CNY • 祝大家健康快樂加「馬」Wishing you all have a fabulous year of horse有幸入左厦村新圍喺圍村同村民共渡除夕和馬年感受農曆年氣氛仲喺楊侯古廟一齊上咗頭注香聽 厦村新圍青年團 鄧...
17/02/2026

Happy CNY • 祝大家健康快樂加「馬」

Wishing you all have a fabulous year of horse

有幸入左厦村新圍
喺圍村同村民共渡除夕和馬年
感受農曆年氣氛
仲喺楊侯古廟一齊上咗頭注香
聽 厦村新圍青年團 鄧師傅講喺香港
圍頭麒麟比起客家麒麟更罕有
自己覺得呢款麒麟更加生動
同埋睇落比客家麒麟大隻啲

•⁠ ⁠FEB 2025 •

Theme:
#北部都會區 #圍頭麒麟 #非物質文化遺產 #新慶圍 #厦村 #香港圍村 #元朗 #香港文化 #厦村新圍青年團

Chinese Cultural Heritage • 易的啟示最近留意到大館 .hk 搞咗個同攝影有關嘅展覽可以睇到攝影藝術家鮑皓昕先生嘅作品個展覽用佢嘅相重新詮釋古籍《易經》智慧所以就同友人去左大館欣賞同體驗卜卦展覽分2層 上層LG1...
09/02/2026

Chinese Cultural Heritage • 易的啟示

最近留意到大館 .hk
搞咗個同攝影有關嘅展覽
可以睇到攝影藝術家鮑皓昕先生嘅作品
個展覽用佢嘅相重新詮釋古籍《易經》智慧
所以就同友人去左大館欣賞同體驗卜卦

展覽分2層
上層LG1/F 係《觀靜錄》攝影系列
係鮑先生抽到旅卦後
轉咗做旅遊攝影師時所拍嘅
一系列自然風景嘅傳統菲林相
下層LG2/F 則是《中國牆城》攝影系列
捕捉咗中國唔同地方一啲城牆歷經歲月侵蝕嘅變化
這兩個系列嘅相片都係
詮釋 《易經》嘅深遠哲理

上層一入到去主要介紹易經這個中國文化遺產
睇完介紹 了解到「易」代表著變化
《易經》係古代卜卦文獻和哲學論述
有「天、地、人」三才概念
代表宇宙結構與萬物運行的基本秩序
認識完易經 便會進入一個展廳睇《觀靜錄》
靜坐住睇鮑皓昕先生這40多年來
在不同地方拍嘅風景相
片長16分鐘
當年未有航拍機 有啲相更係鮑皓昕先生坐直升機影
難怪坐喺度睇相嗰時
有種感覺好似喺上空欣賞不同國家嘅美景

呢一系列嘅作品係鮑先生猶豫
是否該離開美國荷里活的工作
開啟創作生涯新篇章時
占得「旅」（第五十六卦）後決定成為旅遊攝影師時拍下
同時都想借相表達《易經》的天人合一概念

睇完相就會進來另一空間
講多少少易經、術數同古今嘅關聯
同行友人睇完意會到易經、人類圖和DNA 當中
都有共通點
例如 易經 64卦、DNA 的 64個密碼子
和人類圖的 64個閘門

下層就係自己較鐘意的部分《中國牆城》
大家入到去可先想一個處境
再按屏幕6下以拋擲虛擬銅錢抽卦象
抽到卦象後就可憑貼紙上的號碼
喺64支立柱上搵返相應號碼的卦辭
同欣賞《中國牆城》攝影作品點樣同卦象影像重疊嘅重現
當日我占到嘅係第 30卦 「離」卦
原以為是一支不好的卦
點知細看才知道係一支
代表「吉祥」、「正固」的卦
也提醒我要「展現光明來照耀四方百性」
也頗符合原本我問自己社區工作的處境

大家有時間可以喺22/2 或之前去大館
睇下攝影作品點樣詮釋一個中國文代遺產

《易經：鮑皓昕攝影藝術》
Book of Changes: The Art of Basil Pao
📅 From Now Till 22.02.2026
🕰️ 11:00-19:00
📍 中環大館警察總部大樓LG1樓及LG2樓複式展室 LG1/F & LG2/F, Duplex Studio, Tai Kwun, Central
🎟️ 免費入場 Free Admission
了解更多 Learn more: https://qrs.ly/s8h8xxy

**相片嗚謝：尾頁的相片由大館提供*

Theme:
#大館 #易經 #攝影

Not Far Away • 遠在天邊 近在眼前看過香港和外國不同類型的劇場從未諗過作為觀眾可以置身喺劇場的場景成為演員仲可以近在眼前咁欣賞演員喺你身邊演岀和高歌、最誇張喺可以瞓喺度享受藝術x科技所帶來的視覺和聽覺多感官體驗仲要喺一票包含2...
23/01/2026

Not Far Away • 遠在天邊 近在眼前

看過香港和外國不同類型的劇場
從未諗過作為觀眾可以置身喺劇場的場景成為演員
仲可以近在眼前咁欣賞演員喺你身邊演岀和高歌、
最誇張喺可以瞓喺度享受藝術x科技
所帶來的視覺和聽覺多感官體驗
仲要喺一票包含2個高質同令人深思嘅演出

自己睇完兩兄弟演出 「Song From FAR Away II FAR Away From Song」
有個很強烈的感覺：同呼同吸 沉澱共創
每次開場都會聽到「Inhale、Exhale」
「放下發光和響鬧裝置」再加倒計時
仿佛提醒我哋注意當下
放大感官一同置身喺不同場景
去跟劇中的兩兄弟同呼同吸共同經歷
同時因現場會有收音和錄制
大家嘅哼音和呼吸也會共創劇中的安魂曲
大家嘅一舉一動以至和兄弟的互動也會喺
劇場電子屏幕出現 仿佛我哋都喺現場一同經歷
仲要兩套劇在不同場地同時演
這個體驗係前所未有～

老實説 看完其中一個演出我是不太明白劇想表達的意思
因Song From Far Away 哥哥致亡弟寫的七封信
讀信的部分因混合了電子音 不是聽得很清楚
再加上劇場不同角落都有不同事情發生和聲效
是很大的資訊量 但感受到哥哥不同的情緒
而亡弟的FAR Away From Song
則放棄了哥哥的獨白/台詞部分
反而用上了形體以肢體語言去表達
比哥哥的Song From Far Away 更難明白
但去到FAR Away From Song的最後近20分鐘的部分
從亡弟的「陰」空間聽到哥哥在「陽」空間的聲音
以至在「陰」空間尾段劇場跟 .hk 合唱團的特別安排和細節位
我才恍然大悟了解到當中相隔相通、時空交疊、同步發生的意境
當中的起承轉合真喺令我喜出望外

睇劇後回家沉澱 睇返
創作總監、導演及編舞林俊浩先生 .ivanhoe.lam
過往的創作和訪問 原來是次創作歷程超過 10 年
2014年林俊浩媽媽離世 他當時也寫信給逝去他至親的人
將信放到河流送俾媽媽 後來媽媽仲報夢話收到
在劇中也有類似的溫柔和體貼的方式呈現
另外也有睇到原來 Ivanhoe 都有做好多有關生死主題的劇場
他希望大家「在Living與Death之間，希望觀眾可以關注前者」
同時為深重的課題給予溫度和前行方向

P.S 因演出期間不準拍攝
所以用上了林俊浩團隊提供的相片
作拼貼/後制表達自己的感受
並特意不在相中加上文字表達自己的心思
以致敬Ivanhoe 對劇場「不是即時消費，而是一段需要時間消化的關係」想法

𝑺𝒐𝒏𝒈 𝑭𝒓𝒐𝒎 𝑭𝑨𝑹 𝑨𝒘𝒂𝒚 || 𝑭𝑨𝑹 𝑨𝒘𝒂𝒚 𝑭𝒓𝒐𝒎 𝑺𝒐𝒏𝒈
🗓️ 21-31.1.2026
📍 東九文化中心形館、創館 The Turns &The Labs, EKCC
🎫 $780 (包括兩場演出 Two performances included)
🗣️粵語及英語演出，附英文字幕 Performance in Cantonese & English, with English subtitle
🔗門票現於art-mate 及撲飛公開發售 Tickets are now available on art-mate & POPTICKET

Theme:

#林俊浩 #東九文化中心 #香港藝術 #香港劇場

謝謝康參與我哋同豬農合作搞嘅導賞交流活動，很厲害的民間就記錄同報導~整合左有約40年歷史的順利農場故事、養豬技術、豬農對收地和直立式多層豬場睇法，並加入自己對香港農業、多元文化同保育的睇法，讓公眾反思同諗諗計~
12/01/2026

謝謝康參與我哋同豬農合作搞嘅導賞交流活動，很厲害的民間就記錄同報導~
整合左有約40年歷史的順利農場故事、養豬技術、豬農對收地和直立式多層豬場睇法，並加入自己對香港農業、多元文化同保育的睇法，讓公眾反思同諗諗計~

Address

7/F. , Glassview Commercial Building, No. 65-67 Castle Peak Road, Yuen Long
Hong Kong

Website

Alerts

Be the first to know and let us send you an email when Miles Graphy 影留 posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Miles Graphy 影留:

Shortcuts

Share

Category