11/09/2026
PJESË NGA LIGJËRIMI NË XHAMINË E FSHATIT LYBENIQ DHE NËPËR TË GJITHA XHAMITË E KOSOVËS
Padyshim se një nga begatitë më të mëdha që Zoti ia ka dhënë popullit të Kosovës është liria, shtetësia dhe mundësia që të jetojmë të lirë në vendin tonë.
Liria nuk erdhi rastësisht. Ajo erdhi pas shumë dhimbjesh, sakrificash, dëbimesh, burgosjesh dhe gjaku të derdhur. Pas kësaj lirie qëndrojnë lutjet e nënave, qëndresa e popullit, gjaku i dëshmorëve dhe martirëve, si dhe lufta e Ushtrisë Çlirimtare të Kosovës.
Andaj, sot, në të gjitha xhamitë e Kosovës, si dhe nga xhamia e fshatit Lybeniq, është bërë thirrje që më 12 shtator të marrim pjesë në organizimin e marshimit “Liri për Çlirimtarët”, në përkrahje të ish-krerëve të UÇK-së që po gjykohen në Hagë.
Pjesëmarrja në këtë marshim duhet të jetë paqësore, dinjitoze dhe gjithëpopullore.
Prandaj, ju bëjmë thirrje që të shtunën t’i bashkohemi marshimit për liri, i cili do të mbahet në Prishtinë.
Ky është një tubim qytetar në mbështetje të lirisë, drejtësisë, dinjitetit dhe kujtesës sonë kombëtare, si dhe në përkrahje të ish-krerëve të UÇK-së.🇦🇱🇽🇰
