25/03/2026
Marshi përkujtimor.
Gjaku juaj,Liria jonë!
FTESË PËR PJESËMARRJE NË MARSHIN PËRKUJTIMOR NË NDERIM TË DËSHMORËVE DHE MARTIRËVE TË LYBENIQIT.
Të nderuar anëtarë dhe adhurues të bjeshkatarisë, ju njoftojmë se të dielën, më 05.04.2026, Shoqëria Bjeshkatare Alpiniste “Lybeniqi” organizon marshin përkujtimor në nderim të dëshmorëve dhe martirëve të Lybeniqit dhe shënimin e 27-vjetorit të Masakrës së 1 dhe 7 prillit 1999.
Ju ftojmë të bashkoheni me ne në këtë marsh përkujtimor, i cili do të jetë tradicional.
Vendtakimi:
Tubimi i pjesëmarrësve do të bëhet në fshatin Lybeniq – Komuna e Pejës, në rrugën magjistrale Pejë–Deçan, te Kompleksi Memorial i Dëshmorëve dhe Martirëve, në orën 08:00.
Detajet e shtegut:
Lybeniq – Gjakovë – Qafë Prushi – Krumë.
Për shkak të rrugës së gjatë, një pjesë e rruges do të përshkohet me makina, ndërsa ecja do të vazhdojë nga fshati Golaj në drejtim të Krumës dhe anasjelltas, në një gjatësi prej rreth 12–13 km.
Kjo rrugë do të përshkohet edhe në mënyrë simbolike, duke kujtuar rrugëtimin e familjarëve të fshatit Lybeniq, të cilët më 1 prill 1999 u detyruan të largohen nga trojet e tyre.
Shtegu hyn në kategorinë e ecjes me vështirësi të lehtë dhe është i kalueshëm për të gjithë.
Pas përfundimit të marsh*t do të ndahen letërfalënderime për shoqatat/klubet bjeshkatare që do të marrin pjesë në këtë aktivitet.
Numrat kontaktues:
Besnik Huskaj: +38349100081
Ahmet Mahmutaj: +38349400080
Albert Rexhaj +38349562599
Paraprakisht ju falënderojmë!
Me respekt,
Shoqata Bjeshkatare Alpiniste “Lybeniqi”
Gjaku juaj.Liria jonë!
