Fshati Rekë

Home
Kosovo
Mitrovica
Fshati Rekë

Kjo faqe dokumenton dhe promovon jetën, natyrën dhe trashëgiminë e fshatit Rekë. E gjithë përmbajtja në këtë faqe është e mbrojtur me të drejta autoriale. ©

18/08/2026

Përshëndetje nga vendlindja jonë e bukur! 🫶🏽

15/08/2026

Mirëmbrëma nga Reka, ju urojmë një fundjavë të këndshme!

11/08/2026

Dasëm megalitike

Mbrëmë, më datën 10 Gusht 2026, kurorëzuan lidhjen e tyre kushëriri ynë Gjenis (Astrit) Nimani dhe Donisa Brahimi.

Dasma u madhështua nga prania e mbi 400 mysafirëve në ambientet e restaurantit “ELAN” në Vushtrri, këngëtarës Shkurte Gashi, moderatorit Labinot Gashi, grupit “Baboo Darabuka”, orkestrës së shkëlqyer, duke shënjuar kështu edhe njëherë rolin dhe ndikimin e madh të familjes Nimani në shoqërinë tonë.

Me urimet më të përzemërta urojmë çiftin më të ri të fshatit për lumturi, begati dhe harmoni në jetën e re të nisur tanimë.

URIME

10/08/2026

Një kontribut i çmuar për Rekën…

Dy mërgimtarë nga fshati Rekë, Gzim Sylejmani dhe Milaim Avdiu, kanë ndërmarrë një veprim të rëndësishëm në të mirë të vendlindjes, duke bërë shtrimin me zall të rrugës që çon drejt varrezave të fshatit.

Ky kontribut përbën një shembull të mirë të përkushtimit dhe përgjegjësisë që mërgimtarët e Rekës vazhdojnë të tregojnë ndaj vendlindjes së tyre. Përmirësimi i kësaj rruge lehtëson qasjen e banorëve drejt varrezave të fshatit dhe paraqet një ndërhyrje konkrete në një hapësirë me rëndësi për të gjithë banorët e Rekës.

Gzimi dhe Milaimi, si dy kushërinj nga Reka, me këtë veprim kanë dëshmuar se lidhja me vendlindjen nuk matet me largësinë gjeografike. Përkundrazi, ajo ruhet dhe dëshmohet përmes veprave dhe kontributit konkret.

Ky gjest është mirëpritur me respekt nga banorët e Rekës dhe meriton të vlerësohet si një shembull pozitiv i bashkëpunimit dhe përkushtimit ndaj vendit prej nga kanë origjinën.

Në emër të Rekës dhe banorëve të saj, shprehim mirënjohjen dhe falënderimin tonë për Gzimin dhe Milaimin për këtë kontribut kaq të duhur.

06/08/2026

Respekt për ata që nuk i harruan rrënjët…

Nga familja e respektuar Sylejmani e Rekës, rrjedhin edhe dy vëllezërit Fadili dhe Sabedini dy nga djemtë tjerë e të ndjerit Hetemit, një burrë me vlera të larta, i cili la pas një emër të nderuar dhe një trashëgimi të mirë që sot vazhdon të pasqyrohet te fëmijët e tij.

Prej më shumë se tri dekadash, Fadili dhe Sabedini jetojnë dhe veprojnë në Suedi, por lidhja e tyre me Rekën nuk është zbehur asnjëherë. Përkundrazi, ajo është forcuar ndër vite përmes dashurisë, respektit dhe përkushtimit që tregojnë vazhdimisht ndaj vendlindjes.

Fadili, së bashku me familjen e tij, është çdo vit i pranishëm në Kosovë, duke dëshmuar se vendlindja nuk harrohet kurrë. Ai mbetet shembull i mërgimtarit që e ruan me krenari lidhjen me vendin ku u rrit dhe ku i ka kujtimet më të bukura.

Edhe Sabedini, së bashku me familjen e tij, ka dëshmuar ndër vite dashuri të veçantë për Rekën, vëllezërit, kushërinjtë dhe gjithë familjen. Humanizmi, bujaria dhe gatishmëria e tij për të qenë pranë familjes në çdo kohë, kanë lënë gjurmë të çmuara, duke fituar respekt e mirënjohje nga të gjithë ata që e njohin.

Një vlerë e veçantë e të dy vëllezërve është edhe përkushtimi si prindër. Ata i kanë edukuar fëmijët e tyre me dashuri për gjuhën shqipe, kulturën dhe prejardhjen e tyre, duke u mësuar se rrënjët nuk duhen harruar kurrë dhe se vendlindja do të mbetet gjithmonë pjesë e identitetit të tyre.

Me respekt dhe mirënjohje, Fshati Rekë i falënderon Fadilin dhe Sabedinin për shembullin që japin si mërgimtarë, familjarë dhe si kusherinj të denjë të Rekës.

Ne ju urojmë shëndet, suksese dhe të gjitha të mirat në jetë!

01/08/2026

Nga arsimi te angazhimi shoqëror…

Ne vazhdën e përshkrimeve për figurat e dalluara të fshatit në domenin e gjithmbarshëm, nuk mund të anashkalohet një ndër zërat dhe aktivistët më signifikant të Rekës, profesori mr. sc. Valon Jusufi.

Ky i fundit ka përfunduar studimet bachelor në Fakultetin Filologjik, dega “Gjuhë dhe letërsi angleze”, duke fituar kualifikimin e mësimdhënësit në shkollimin fillor dhe të mesëm në lëndën korresponduese.

Angazhimin si profesor i gjuhës dhe letërsisë angleze e pati në shumë shkolla fillore të mesme të ulëta, ndërkaq glosarin më të madh kohor e ka kaluar në Shkollën e Mesme të Mjekësisë “Dr. Xheladin Deda” për më shumë se një dekadë.

Ai nuk u mjaftua me kaq dhe vazhdoi studimet e specializuara (master), nën mentorimin e profesor doktor Xhavit Rexhaj, ku specializoi në një fushë të ngushtë që lidhet me prevalencën e vështirësive të nxënësve në përdorimin e parafjalëve të vendit, kohës e kështu me radhë, duke u vlerësuar me notën më të lartë 10, në temën e tij të masterit.

Në këtë shtjellim ai ka qenë vazhdimisht aktiv e kreativ në fshatin tonë, një herë edhe duke kandiduar si asambleist në zgjedhjet lokale të vitit 2021. Si rrjedhojë, nga stafi i faqes sonë u propozua që ta marrë rolin e kryesuesit të fshatit bazuar në premisat e lartpërmendura të merituara.

Neve si faqe dhe banorë të Rekës jemi të kënaqur me punën dhe angazhimin e tij dhe i urojmë shëndet dhe fat në jetë!

23/07/2026

Përshëndetje nga familja e nderuar Sylejmani!

20/07/2026

Përshëndetje nga familja e respektuar Haliti.

19/07/2026

Kur do të vijë radha e Rekës?

Pamjet që po publikojmë nuk i kanë hije fshatit Rekë.

Në vitin 2026 është e papranueshme që rruga kryesore “Shalë e Bajgorës”, në segmentin që kalon nëpër fshatin tonë, të jetë e mbushur me gropa të shumta, duke u bërë çdo ditë e më të rrezikshme për qarkullim.

Çdo ditë banorët përballen me vështirësi gjatë lëvizjes, ndërsa gjatë sezonit të verës situata rëndohet edhe më shumë. Mijëra mërgimtarë e qytetarë të thjeshtë, kalojnë në këtë rrugë dhe shumë prej tyre duke mos i njohur gropat, rrezikojnë të dëmtojnë automjetet.

Kujtojmë se Qeveria e Republikës së Kosovë kishte nënshkruar një kontratë, për rehabilitimin e rrugës deri në Bajgorë. Punimet disa kohë më parë kanë nisur në disa pjesë të zonës së Shalës, por për segmentin që kalon nëpër fshatin Rekë, ende nuk ka asnjë njoftim zyrtar për fillimin e punimeve. Shpresojmë që ky segment të mos lihet në fund të listës, por të trajtohet me prioritet.

Mjafton të shohim gjendjen e këtij asfalti për të kuptuar se sa vite kanë kaluar pa një investim serioz. Kjo rrugë nuk ka më nevojë për arnim pas arnimi. Ajo ka nevojë për një shtresë të re asfalti në të gjithë segmentin që kalon nëpër fshatin Rekë, si e vetmja zgjidhje afatgjatë që garanton siguri, qarkullim normal dhe dinjitet për banorët.

Një falënderim i veçantë shkon për disa banorë të Rekës, të cilët, me iniciativën dhe shpenzimet e tyre, kanë bërë çfarë kanë mundur për të mbyllur disa nga gropat. Ky është një gjest që tregon dashuri për vendlindjen, por mirëmbajtja e një rruge rajonale është përgjegjësi e institucioneve dhe jo e qytetarëve.

Reka nuk po kërkon privilegje. Po kërkon vetëm atë që e meriton: një rrugë të sigurt dhe të denjë për të gjithë.

18/07/2026

Një arritje që meriton duartrokitje…

𝗗𝗿𝗶𝗹𝗼𝗻 𝗕𝗲𝗷𝘁𝘂𝗹𝗹𝗮𝗵𝘂, djali i Ilazit nga Reka, ka diplomuar me sukses në Fakultetin e Inxhinierisë Elektrike dhe Kompjuterike në Kiel të Gjermanisë, duke kurorëzuar me përkushtim, punë dhe sakrificë një etapë të rëndësishme të jetës së tij akademike.

Driloni është një shembull i një të riu të zgjuar, punëtor dhe këmbëngulës, i cili me angazhimin e tij dëshmoi se suksesi arrihet përmes dijes, disiplinës dhe përkushtimit. Arritje të tilla na bëjnë krenarë dhe janë frymëzim për brezat e rinj të Rekës.

Një meritë e veçantë i takon edhe familjes së nderuar Bejtullahu, një familje e respektuar që njihet për vlerat e larta njerëzore, edukatën, dashurinë për arsimin dhe kontributin e saj në shoqëri.
Me të drejtë, kjo familje gëzon respekt të madh në fshatin Rekë.

Fshati Rekë e uron nga zemra Drilon Bejtullahun për këtë arritje të rëndësishme dhe i dëshiron shëndet, suksese të pandërprera dhe një karrierë sa më të suksesshme në profesionin e tij.

Address

Mitrovica

Website

http://www.instagram.com/fshati__reke

Alerts

Be the first to know and let us send you an email when Fshati Rekë posts news and promotions. Your email address will not be used for any other purpose, and you can unsubscribe at any time.

Want your business to be the top-listed Photography Service in Mitrovica?