05/14/2022
Minsan, solo mo lang talaga.
Ikaw lahat. Ikaw ang bubuo ng pangarap. Ikaw ang tutulong sa sarili mong pag-unlad. Hindi dahil sa ayaw ka nilang tulungan subalit lahat naman tayo, may kanya-kanyang bigat na pinapasan.
Minsan, mabigat na ang mundo para sa ilan kaya sila man, nahihirapan.
Hindi sa dahil galit sa'yo ang mundo. Sadyang minsan, ang buhay ay ganito -- kung hindi mo ikikilos, walang gagawa para sa'yo. Ikaw ang pangunahing bida sa istorya mo. Ikaw ang papanday sa ninanais mong buhay.
Minsan, solo mo lang talaga. Solong byahe ng buhay. Malungkot? Siguro, minsan. Hanggang sa nasasanay ka nang maraming laban sa buhay na ikaw lang talaga.
Pero mananatili kang lumalaban.
