06/16/2026
ដាំស្រូវចំការវិលជុំជនជាតិដើមភាគតិចពូនង ភូមិពូត្រែង ឃុំដាក់ដាំ ស្រុកអូររាំង ខេត្តមណ្ឌលគិរី
ការធ្វើចំការវិលជុំរបស់ជនជាតិដើមភាគតិច៖
តាមលក្ខណៈប្រពៃណី ជនជាតិដើមភាគតិចភាគច្រើន ដែលរស់នៅតំបន់ខ្ពងរាបគឺអនុវត្តការដំាដុះជាលក្ខណៈចំការវិលជុំ។ ការធ្វើចំការមានលក្ខណៈពិសេសដោយបង្កើតអោយមាននិរន្តរភាពនៃបរិស្ថាន និងមុខរបរចិញ្ចឹមជីវិតរបស់ពួកគាត់ព្រោះ ទំលាប់ដែលគាត់ធ្វើគឺ ក្នុងមួយគ្រួសារជនជាតិដើមភាគតិចជាទូទៅមានចំការបួន ទៅប្រាំកន្លែង ការកំណត់ជ្រើសរើសទីតាំងចំការ គឺត្រូវធ្វើឡើងដោយយកចិត្តទុក្ខដាក់បំផុត មិនអោយប៉ៈពាល់ដល់តំបន់ប្រភពទឹក ជំរកសត្វ និងធនធានធម្មជាតិនោះទេ ហើយរបៀបដែលពួគគាត់ ធ្វើចំការទៀតគឺ មុនកាប់ត្រូវធ្វើការសែនព្រេនជាមុនដើម្បីរំលឺកដឹងគុណ និងសុំការអនុវត្តពីអរុកអរក្សអ្នកតា ពេលគាត់កាបគឺតែងតែទុក្ខដើមឈើ ធំអោយនៅដដែល ហើយដើមដែលគាត់កាប់គឺមិនអោយងាប់ទាំងស្រុកទេ ដោយតម្រូវអោយកាប់ត្រឹមតែជង្គុង រឺចង្គេះដើម្បីអោយដើមនោះអាចលួតលាស់ទៅមុខទៀតបាន។
ជាធម្មតាមគាត់ធ្វើក្នុងចំការមួយរយៈពេល៣ ទៅបួនឆ្នាំ រួចដូរទៅកន្លែងទីពីរ ហើយបី បួនឆ្នាំ ទៅកន្លែងមួយទៀតដោយទុកចំការ ចាស់អោយព្រៃដុះលួតលាល់ឡើងវិញ គាត់ធ្វើបែបនេះបន្តដល់ចំការទីបួន រឺទីប្រាំទើបវិលចូលចំការដើមវិញដែលក្នុងរយៈពេលប្រហែលជា ១៥ ទៅ២០ ឆ្នាំ។
Copyright ©️ of this image is retained by the owner of this image
© Tong Len All rights Reserved
#ឞូន៝ង
