تعرف على مدينة دركوش Discover Darkoûch- City

تعرف على مدينة دركوش Discover Darkoûch- City احد الصفحات الاجتماعية للتعريف بسوريا التابعة لمجموعة DISCOVER SYRIA

صور يومية من مدينة دركوش
صور تروي الواقع في دركوش
صور تروي تاريخ مدينة دركوش
صو تعبر عن الواقع في مدينة دركوش............
Daily images of the city of Darkuch. Photographs telling the story actually in Darkuch photographs telling the story provine Darkuch of imagesreflect reality in the province of Darkuch f

دركوش والحياة المدنية فيهاطبعا َ عرفت دركوش الحياة المدنية من زمن بعيد وهالشي ميزها عن غيرها من القرى والبلدات المحيطة ف...
22/06/2026

دركوش والحياة المدنية فيها

طبعا َ عرفت دركوش الحياة المدنية من زمن بعيد وهالشي ميزها عن غيرها من القرى والبلدات المحيطة فيها. فكانت متل كل المدن والممالك السورية القديمة مسورة بسور قوي ومتين

وكان للمدينة تلات بواب : (باب الشرقي.. باب الغربي.. باب الجسر)... وبتتألف دركوش من البلدة القديمة بحاراتها وزقاقاتها التاريخية الجميلة. أبنيتها وبيوتها ودورها العتيقة اللي بتشبه بالشكل حارات وبيوت الشام القديمة.. أما جبالها فبتشبه جبال عين الفيجة بالغوطة الغربية بدمشق... وبتشتهر دركوش بالصناعات اليدوية القديمة متل.. الفخار.. شباك الصيد.. طباق القش.. سلال القصب.. قوارب الصيد..

وبسبب. وقوعها على ضفاف العاصي فتربتها لحقية خصبة ومياهها كتيرة ووفيرة ففيها اكتر من 32 نبع بيغذوا المدينة و نهر العاصي..

وأشهر الينابيع فيها.. نبع الدباغة اللي بيصب بالعاصي بجرن حجري اثري مربع الشكل كان يستعمل قديما َ لأعمال الدباغة.. و عين التكية اللي مياهها معدنية عذبة.. وعين السخنة.. وعين الزرقا.. وعين مشتو.. عين الخضر..

وبيشتغلوا اهل دركوش بالزراعة و َبيشتهروا بزراعة أشجار الفواكه واشهرها الزيتون والرمان وزراعة الخضراوات..

أما عن بقية آثارها.. فكان فيها طاحونة أثرية وعدد من النواعير عالعاصي.. وكان في كمان جسر حجري قديم (مهدم حالياََ).. ومجموعة خرائب كانت قديما َ معابد وقصور وحصون.. وحمام اثري روماني!! وعدد كبير من المغر كان بعضها مسكون.. متل مغارة الحكيم اللي بترجع لاحد الأطباء القدماء وبعدن موجودين رفوف وطوق المربعات الحجرية لوضع الأدوية فيها.. ومغارة النمر اللي عا رأي اهل دركوش كان ساكنها نمر خطير.. ومغارة العبد والجارية (طبعا َ الاسم حديث والاغلب اسمها كان زينو َزينا) َفيها رسم جداري.. صورة لشخص واقف ومقابله شخص راكع قدامه..

وكمان كان في كتير من المدافن القديمة على جوانب الجبل وهنن عبارة عن مغر بمعظمها في تلات فتحات.. متل المدافن اللي عالمدخل الشرقي الجنوبي للجبل الوسطاني.. وفي عدة مدافن رومانية محفورة بالصخر بالسفح الغربي للجبل ومطلة على وادي العاصي.. منقوش عليها رسوم نافرة لأشخاص الموتى مع رموز وثنية (هيدي الرموز الوثنية هي اللي دلت على هوية فنانين ونحاتين الرسوم).. متل صورة لاحد الموتى وفوق فتحة المدفن موجود نحت نافر لشخصين( زوج وزوجة) ضمن حفرة مستطيلة ملتفتين باتجاه الفتحة اليسرى وفيها نحت نافر بيمثل ابنهن.. وهالمدافن بترجع للقرن الثاني ميلادي...

وكمان في قلعة دركوش اللي كانت حصن قديم فوق الجبل.. اتحولت بايام الصليبيين لحصن دفاعي وبايام المسلمين اتحولت لقلعة..
وبعد الزلزال الكبير1822 م. اتهدمت القلعة وانهارت صخورها وحجارتها عالبلدة بالوادى.. وحاليا َ اتحولت لخرائب وصار اسمها الخربة الشمالية..

المصدر :Manal Zaffou

تعمل إدارة صفحتنا حالياً على إعداد بحثٍ يوثّق تاريخ مدينة دركوش القديم، ونأمل من جميع الأصدقاء وأبناء المنطقة الكرام الم...
21/06/2026

تعمل إدارة صفحتنا حالياً على إعداد بحثٍ يوثّق تاريخ مدينة دركوش القديم، ونأمل من جميع الأصدقاء وأبناء المنطقة الكرام المساهمة في هذا العمل من خلال تزويدنا بما لديهم من مواد ووثائق تتعلق بتاريخ دركوش، مثل:

• الصور القديمة
• الوثائق والمستندات
• المعلومات والروايات التاريخية
• الشخصيات البارزة
• الحقائق والأحداث المرتبطة بتاريخ المدينة

يرجى إرسال ما يتوفر لديكم عبر رسالة خاصة إلى الصفحة، ليتم الاطلاع عليه ومراجعته، ومن ثم نشره بما يخدم توثيق تاريخ مدينتنا العريقة.

نتقدم لكم بجزيل الشكر والتقدير على تعاونكم ودعمكم.

وللمساهمة في وصول هذا النداء إلى أكبر عدد ممكن، نرجو منكم التفاعل عبر التعليق أو المشاركة أو الإشارة إلى المهتمين .

" دركوش "عن جبل صخره منحوت بهيئة (أوطيخا) رئيس البحارة اللي قطع السبع بحور ودار السبع نهور وبالنهاية اتجسد شكله عا صخرة ...
20/06/2026

" دركوش "

عن جبل صخره منحوت بهيئة (أوطيخا) رئيس البحارة اللي قطع السبع بحور ودار السبع نهور وبالنهاية اتجسد شكله عا صخرة عاسفح الجبل يتأمل الاورند قدامه..�َوعن العوامل الجوية الدركوشية اللي قال هي الفنانة النحاتة اللي نحتت التمثال الضخم عاجدار الجبل ونحتت اسم العاصي والملاح

والتاريخ .. ها!!!!!!... مو ايدين صناع السفن الدركوشيين.....

وقبل ما ابدا الحكاية رح عرفكن عا دركوش..

هونيك عالعاصي بمحافظة ادلب بآخر نقطة قبل ما يدخل النهر عا انطاكيا .. عالضفة اليمين موجودة بلدة او مدينة صغيرة ساحرة بجمال طبيعتها اسمها دركوش..

واسم دركوش بالسريانية يعني المحطة الصغيرة.. أو الطريق الضيقة او بمعنى تاني مهد الطفل لأنها بتشبه المهد بسبب وقوعها بين جبلين...

أما اسمها القديم فكان = كوش (كوش بن كنعان !!! ).. وكان فيها ببداية الميلاد دير صغير اتسمى عا اسمها فصارت ديركوش ومع الزمن اتحورت ل دركوش..

و دركوش كانت ممر إجباري بالطريق بين (انطاكيا.. جسر الشغور.. أفاميا) ..

يعني هي موجودة من قبل الميلاد بزمن بعيد.. وكانت عبارة عن فجوة او هوة جبلية فيها بيجري نهر العاصي بوادي جبلي.. فكانت المراكب النهرية تسرح وتبحر بالعاصي لنقل الأخشاب والحجارة اللي كمان كانت العوامل الجوية هي اللي تحجّرها وتقطعها وتكسرها وتنحتها.. مو اهل دركوش..!!!

شو ماعرفتوا وين موقعها؟؟؟

طيب رح نرجع شوي لورا.. وحسب الجغرافيين القدماء هي واقعة بفجوة جبلية بين انطاكيا وافاميا يعني بجنوب العاصي بالجهة اليمنى للنهر بتلاقو دركوش طالعة هيك و متسلقة عا هاك الجبل الوعر الشديد الانحدار.. بالفتحة اللي بتفصل بين جبال الوسطاني والدويلي والقصير (هودي الجبال كلهن بمحافظة إدلب) .. وعند دركوش.. بيشكل العاصي منعطف كبير بيتجه بالأول نيح الغرب وبعدين نيح الشمال عند نهاية خانق الصخور الكلسية بمنحدر سحيق..

طبعا هي تابعة ادارياََ لجسر الشغور وبتبعد عن مركز محافظة إدلب بجهة الغرب

بحوالي35 كم .. وكان لموقعها عالعاصي أهمية تجارية فكانت ميناء نهري كبير وكانت تتحكم بالطرق الرئيسية بالمنطقة.. (فيها بقايا حجار كبيرة َضخمة عا ضفة النهر بتدل على موقع مرسى السفن النهرية القديمة)

كان لبلدة دركوش بالتاريخ موقع مميز.. ولمن اكتشفوا المنحوت الصخري الضخم.. قالوا انو من أروع واجمل المنحوتآت الصخرية بتتجلى قدسيتها عند غروب الشمس لمن بتتعانق الطبيعة مع براعة فن النحت بطابعه الدركوشي...

وقبل ما احكي عالمنحوت.. رح احكيلكن حكاية صغيرة عن أوطيخا.. رئيس البحارة

بتقول الحكاية..

كان في شب من دركوش طلع بالغلط بسفينة كانت راسية بالمينا لتتبضع قبل ما تكفي رحلتها صوب انطاكيا وبعدين عالبحر السوري (المتوسط).. وتابعت السفينة رحلتها و غابت وغاب معها الشب الدركوشي.. وبعد عشر سنين وصل خبر لدركوش انو ملك البحارة .. الملاح اللي دار السبع بحور وعبر السبع نهور اللي شاف عجايب الدنيا والعالم برا السور.. حب يزور هالمدينة دوناََ عن كل البلاد المعروفة بوقتها.. فحضرت دركوش حالها لاستقبال ملك البحارة.. و َلمن وصل الضيف وشافوه اهل دركوش عرفوا انو هالملك هو اوطيخا ابن مدينتهن.. رجع بعد غياب وحامل معه علم ومعرفة وخبرة وجاه ومال.. اللي ما توانى على انو يسخر كل ما يملك لخدمة اهل مدينته.. فطور المينا وخلاه يصير مينا تجاري استراتيجي وخلا دركوش اهم مركز لصناعة السفن بالعالم القديم وعلم الشباب الملاحة وساعدن بتطوير أنفسهم وتجارتهن... منشان هيك صار من أشهر الشخصيات السورية اللي نحنا مو سمعانين عنها شي ومفتكرينه يوناني او روماني!!!.. المهم لما مات أوطيخا عم الحزن بالمدينة وقاموا الاورنديين اهل دركوش مع زعيمهن زينو زوروس بإقامة ونحت تمثال لاوطيخا عاطول الجبل مواجه العاصي .. وكان هالجبل من أول وأقدم المنحوتآت الجبلية الضخمة بالعالم القديم والحديث.. مو منحوتة جبل راشمور تاع داكوتا الامريكية.. ولا بانوراما الجرف الصخري الرائعة ببرمانة المشايخ....

منحوتة نحتوها ملاحين و َبحارة دركوشيين سوريين وفاءََ وتقديرا لرئيس بحارتهم أوطيخا وفضله عليهم...

و المنحوت الصخري فوق المدفن الجماعي الموجود بالجهة الجنوبية ( قبل ما نوصل لعين الدباغة عاليمين) وقريب من عين التكية.... فالمدفن محفور بجدار الجبل على واجهته الشمالية المطلة عالعاصي.. فيه تمثال لرئيس صناع السفن ورئيس البحارة.. والنحت بيمثل وجه رجل واقف ولابس التاج ووجه متجه صوب العاصي.. نحتوه بحارة دركوش وفاءََ منهن لملك البحار اوطيخا.. وبأسفل التمثال في مدخل المدفن الجماعي المحفور بالجبل وفوقه في كتابتين باللغة اليونانية القديمة وعبارات بتدل على صاحب المنحوت الصخري.. متل عبارة : "أوطيخا كبير الملاحين يتأمل نهر أورند"..

والكتابة الآولى بتقول :

"زينو ذوروس والأورنديون نحتوا وأقاموا هذا المدفن"..

زينو ذورس كان زعيم او قائد بدركوش.. و الأورنديين يعني الدركوشيين اهل دركوش.. نسبة ل أورند = وهو الاسم القديم لنهر العاصي من دركوش لانطاكيا.. واورند بالسرياني يعني اللبوة انثي الاسد.. (حكيتلكن عن أورند بحكاية نهر العاصي)..

وترجمة الكتابة : انو زينو ذوروس تزعم الأورنديين أبناء نهر دركوش صناع السفن والملاحين نحتوا وأقاموا المدفن وفاءََ لرئيسهن أوطيخا..

والكتابة التانية بتقول :

"في سنة 350 م. من شهر تموز.. أوتيخوس رئيس صناع السفن هنا، يرقد.. كما رقدت دومتيلا امه الحبيبة جداََ.. ابتهجي أيتها الأم.. ما من احد خالد.."

وترجمة العبارة بتدل على أهمية دركوش كمركز لصناعة السفن...

منرجع لتمثال اوطيخوس فهو رسم لشكل انسان كبير الحجم بالصخر نحتوه صناع السفن فوق مرقده ومرقد والدته دومتيلا... طبعا ملامح التمثال وتفاصيله ما بتبين اذا واقفين قدامه ولازم نبعد كتير لحتى نشوف تفاصيله وملامحه.. فالنحاتين الدركوشيين اعتمدوا على حسابات ومقاييس دقيقة بتتعلق بالضوء والظل ودرجات سطوع أشعة الشمس بحيث انو تظهر ملامح التمثال بفعل سطوع أشعة الشمس.. فالنحت تم بدقة هندسية وفنية عالية.. والفنانيين مزجوا ببراعة بين الرسم والنحت.. فاستغلوا عوامل الحت الطبيعي وآثاره عالصخرة فغمقوا وحفروا اللي بحاجة لللتغميق من تفاصيل وملامح الوجه وركز ا على حسابات دقيقة لمدى الرؤية.. منشان هيك كلما ابتعدنا عن التمثال بتبرز و بتوضح تفاصيله ومعالمه اكتر.....

وهيدا كان التمثال.. المنحوت الصخري بدركوش من أضخم وأقدم الجبال المنحوتة بالعالم القديم والحديث...

المصدر : Manal Zaffou

📢 فرصة تطوع في صفحة “تعرّف على مدينة دركوش”تعلن صفحة “تعرّف على مدينة دركوش” عن حاجتها إلى أدمن/أدمنة للانضمام إلى فريق ...
10/06/2026

📢 فرصة تطوع في صفحة “تعرّف على مدينة دركوش”

تعلن صفحة “تعرّف على مدينة دركوش” عن حاجتها إلى أدمن/أدمنة للانضمام إلى فريق العمل والمساهمة في نقل الحياة اليومية في المدينة من خلال الصور والفيديوهات والتغطيات الميدانية.

📸 إذا كنت من محبي التصوير وتوثيق الأحداث والأنشطة اليومية، فهذه فرصة لتكون جزءاً من منصة تهدف إلى إبراز جمال دركوش وحياة أهلها.

🔹 المهام:
• تصوير ونشر مشاهد من الحياة اليومية في المدينة.
• توثيق الفعاليات والأنشطة والمبادرات المحلية.
• المساهمة في إبراز المعالم والطبيعة والجوانب الإيجابية في دركوش.

🔹 الشروط:
✅ الالتزام بالمصداقية والموضوعية.
✅ مراعاة جودة ودقة التصوير وإخراج المحتوى بشكل لائق.
✅ احترام خصوصية الأفراد والحصول على الموافقات اللازمة عند الحاجة.
✅ القدرة على المتابعة والتفاعل بشكل مستمر.

📩 للراغبين بالانضمام، يرجى التواصل عبر رسائل الصفحة.

معاً نُعرّف العالم على دركوش وننقل صورتها الحقيقية بكل مهنية .

�✨ عيد أضحى مبارك ✨🌙تتقدم صفحة تعرف على مدينة دركوش بأحرّ التهاني والتبريكات لكم جميعاً بمناسبة حلول عيد الأضحى المبارك ...
26/05/2026

�✨ عيد أضحى مبارك ✨🌙

تتقدم صفحة تعرف على مدينة دركوش بأحرّ التهاني والتبريكات لكم جميعاً بمناسبة حلول عيد الأضحى المبارك 🐑💚
نسأل الله أن يعيده عليكم بالخير واليمن والبركات، وأن يديم المحبة والسلام على أهلنا وأحبتنا في دركوش وفي كل مكان.

كل عام وأنتم بخير،
أعاده الله علينا وعليكم بالصحة والسعادة والأمان 🤍


#دركوش

وجهٌ من أصل دركوشمؤذن المسجد الكبير في دركوش في خمسينيات القرن الماضي،أحمد وحيد شيخ حمادي،صاحب الصوت الجهوري القوي.كان ي...
29/04/2026

وجهٌ من أصل دركوش

مؤذن المسجد الكبير في دركوش في خمسينيات القرن الماضي،

أحمد وحيد شيخ حمادي،

صاحب الصوت الجهوري القوي.

كان يصعد إلى مئذنة المسجد ويؤذن، فيسمع البعيد صوته لقوته،

وكان من أشهر القصّابين في دركوش، معروفًا بنظافته وإتقانه في عمله،

كما كان صوته جميلًا في الإنشاد.

انتقل إلى القامشلي، وكان أيضًا يؤذن في المسجد الكبير هناك،

وتوفي بعد صلاة العصر إثر جلطة قلبية، وهو في ريعان شبابه،

عن عمرٍ ناهز ٤٨ عامًا.

رحمه الله

المصدر :شعاع من بلدي

� نهر العاصي.. هوية دركوش وجمالها 🌿نهر العاصي ليس مجرد مياه تجري، بل هو روح دركوش وذاكرتها وجمالها الذي نفتخر به جميعاً....
29/04/2026

� نهر العاصي.. هوية دركوش وجمالها 🌿

نهر العاصي ليس مجرد مياه تجري، بل هو روح دركوش وذاكرتها وجمالها الذي نفتخر به جميعاً.

من واجبنا أن نحافظ عليه نظيفاً وصافياً للأجيال القادمة 💚

🚯 لا ترمِ النفايات في النهر أو على ضفافه

♻️ تخلّص من المخلفات في أماكنها المخصصة

💧 شارك في نشر ثقافة الوعي والنظافة

🌱 ساهم في حماية البيئة من التلوث

لنجعل نهر العاصي في دركوش رمزاً للجمال والحياة، لا مكاناً للتلوث.

نظافة النهر مسؤوليتنا جميعاً 🤝

#دركوش #معاً_لنهر_أنظف

بعد إجراء استطلاع للرأي العام في مجموعة “دركوش اليوم Darkoush Today” وصفحة “تعرف على مدينة دركوش” حول إيجابيات وسلبيات ا...
27/04/2026

بعد إجراء استطلاع للرأي العام في مجموعة “دركوش اليوم Darkoush Today” وصفحة “تعرف على مدينة دركوش” حول إيجابيات وسلبيات الحياة في المدينة، أظهرت النتائج أن نحو 90% من الآراء والتعليقات ركّزت على مشكلة سلبية رئيسية، وهي عدم الالتزام بالنظافة العامة.

ومن أكثر الأمور التي أثارت الاستغراب:

* قيام بعض السكان برمي النفايات من شرفات المنازل مباشرة إلى نهر العاصي، الذي يُعد الشريان الحيوي للمدينة.
* ضعف الاهتمام بالمرافق العامة.
* رمي النفايات من المسابح والأماكن السياحية في النهر.

وهنا يبرز تساؤل مهم:
هل من الممكن أن تكون مدينة سياحية مهمة مثل دركوش بهذا المستوى من النظافة؟

⸻

الحلول المقترحة:

لمعالجة هذه المشكلة، يجب أن يكون هناك دور فعّال للجهات المعنية، وخاصة البلدية، وذلك من خلال:

* تركيب كاميرات مراقبة في الأماكن العامة.
* فرض غرامات مالية على كل من يخالف قواعد النظافة.
* تعزيز التوعية المجتمعية بأهمية الحفاظ على نظافة المدينة ونهرها.

Address

فندق زادا
Istanbul
3400

Telephone

00905363339874

Website

Alerts

Be the first to know and let us send you an email when تعرف على مدينة دركوش Discover Darkoûch- City posts news and promotions. Your email address will not be used for any other purpose, and you can unsubscribe at any time.

Contact The Business

Send a message to تعرف على مدينة دركوش Discover Darkoûch- City:

Shortcuts

Share

Category