04/03/2026
"الراجل اللي يخليك تهز حمل فوق الحمل متاعك مايحبكش…"
خاطر اللي يحبك بلحق عمرو مايخليك مش فاهمة شيء، مايخليكش حايرة و مخك وحدو يهز و يجيب ، مايخليش عندك اسئلة ماعندكش ليهم و مش لاقية اجابات ، ديما تلقاه يلوج باش يطمنك و يعمل الف حساب لعقلك و للجوجمة اللي تهرب النوم من عينيك ، مايخليكش تدخل بعضك و مايسمحش للشيطان باش يلعب بيك، اللي يحبك بلحق عمرو ما يطيق تعبك و وجيعتك، يخاف من حيرتك و مايقبلش الهلواس ياكلك…
الراجل كي يحب بحقيقة يحارب الخوف اللي في داخلك، مايساومش في احساس الامان اتجاهو ، يعطيك الراحة النفسية اللازمة في علاقتكم و مايحملش دموعك و ماينجمش يشوفك داخل بعضك و لا ينجم يخليك تلوج على حاجة هو يعرفها ، باختصار اللي يحبك بلحق يعطيك راحة البال و هز الحمل و يسندك و يقويك ..
