https://www.facebook.com/609906959132983/

Omar Akremi Artvision, Sfax (2026)

20/12/2021

TN ❤️

03/11/2021

❤️📸

29/09/2021

ما تقولش وفيت ولا عطيت و ما خذيت خليك بروحك انت ...
قالوا عليك دغفه قالوا عليك شبيك تحكي هكا و شبيه عقليتوا هكا و علاش مخوا هكا و شبيه وحيد و شبيه يخدمش مخوا مع ناس شبيه حنين ياسر و الي عندو مش ليه ولا كيفاش يحكوها ..
خلهم يشربوا بحكاياتك قهاوي و يسربيو بيك الكاس ما تعدلش و ما تقولش شبيني حنيت و عطيت و مشيت بنيه و ما لقيت شبيني كي قمت في القهوه قتلهم الدنيا الف حكايه حكاياتكم على بنات و خرافات و تراهات تستهوانيش و تهز روحك و تمشي و يحكو عليك و تخسرهم ما تخممش لحظه انك تولي كيفهم و تخممش انك تبع سياسة القطيع في اللغه و في حكاياتهم و ثقافاتهم و حلمتهم و تقاليدهم و عقدتهم مش عقائدهم ..
خليك انت كيما انت عيش مع غرامك 📷 مع قهوتك و ظلامك و نجومك و اشكي لستيلوك و اوراقك و عيش مع سماك و كاميراتك و حكاياتك خمم في الإختلاف و في الفلسفه و التنوع اثري روحك عبي و اشبع مالفكر و العلم و عيش #بالفن باش تنسى حقيقة عالمهم المر ..
عاون و هز و اعطي من روحك و افرح لفرحة غيرك .. تربينا نخلوش غيرنا و نذلوش الرجال و نحسدوش و تربينا حتى في عز وجيعتنا نضحكو باش يضحك خويا و صاحبي و تربينا نمسحوا دموع غيرنا و نهزوا و نعاونوا و نزرعوا المحبه و لغرام و روح التضامن وين مشيناا و روحنا حطينا ..
مالا خليك انت كيما انت بروحك تتصنعش تتبدلش و ما تبعش تتمهاش معاهم مع دنيتهم و عقدهم و حكايتهم خليك انت صاحبي بروحك كيما انت بضحكتك و صياحك و هبالك و ثقافتك و جنونك بوحدتك و غرامك و حنيتك بلبستك و قضيتك و حريتك و توجهك خليك انت ردبالك كي تولدت في محيط غير محيطك تتبدل و ردبالك خاطر الحب تتذل و تطيح كبريائك و روحك و قلبك لا حب و اعشق و اكتب و اهرب بحبك و غرامك اما عمرك ما تطيح روحك و من روحك و عمرك ما تخلي حد يبدلك و لا تبدل روحك خليك انت بروحك كيما انت اعطي و اوفي و ماتخونش و عيش كيما انت و لا تقول وفيت و لا عطيت و ما خذيت خليك بروحك انت.