Dahmani الدهماني-officiel

31/12/2021

اقوى برنامج سهرية راس العام شكون من قلب الحدث ههه

23/12/2021

القصة باختصار
بما أنو فينا برشة جبورة، نفسرولهم بأسلوب قصص الأطفال و شوف يفهموا و شوف لا.

23/12/2021

22/12/2021

هزني للبانكا و كان ما صبوش هزني للمركز

22/12/2021

محلاها تونس 🇹🇳 🇹🇳 🇹🇳 💕💕

21/12/2021

فضيلة :
_ ملي توفى السبوعي و حياتنا ولات كاسدة .. توحشتك يا وليدي كنت مالي علينا الدار بضحكتك بهبالك بحبك لعزة لي ميتوصفش .. تي حتى من عمايلك توحشتهم ،، توحشت وقتلي تعمل عملة و تجي تتخبا ورايا خايف من خوك و كي كل مرة ندافع عليك كانها الاولى ..
عزة :
_ اييه يامي فضيلة معندك مريت مالوجيعة وقتلي عمران و صابرة يسألوني على بوهم قلبي يتقطع .. وقتلي نشوف تصويرتو فالحيط نتخيلو يدور فالدار و يتسبم ،، كنت ندلل عليه و وين نشتهي حاجة نمشيلو قبل العرس و بعدو ميخليني ناقصة شي برغم نعرف انو مفيحالوش .. ربي يرحمك و يخفف عليك التراب الثقيل يا سبوعي .. يرحمك ! ❤️
( زينب تفيق منوم و تسمعهم يحكيو على السبوعي تتفكر امها دوجة لي توفات .. شادة الغصة و تقول :
_ ربي يرحمو سبوعي كنت ديما نزرقلو و يزرقلي يا حسرة .. مشا هوا و مشات امي .. تصاورهم بين عينيا و هوما في البلاص القديم .. البلاص لي كنت نكرهو و نحب انقل في اقرب وقت اليوم نتمنى نرجعلو و نرجع مع الناس لي مشاو و خلاونا .. حتى من حسين ولا كيفما تقلو امي حوسي توحشتو هوا زادة .. توحشتهم ..
( كي عادتو سليمان يخدم و متقلق يخرج يحب يعمل قهوة يخرج من بيروه يرا بلاصة السبوعي و خيالو كانو خارج و يسلم عليه .. عينيه تدمع .. يمسحهم و يتعدا .. ياقف قدام حانوت الباجي يتنهد تنهيدة تهد الجبال ) ويقول :
_ حتى نت يا صاحبي مشيت و خليتني .. كنت نقلك يا عتبة يا نسنسناش .. ان شاء الله تسامحني و ربي راني نحبك .. ولدك ذياب في عينيا يا باجي يا خويا في مقام بناتي منخليه ناقص شي كون مطمان يا باجي يا ماتريكس ❤️
يهبط سليمان مالدروج و يلقا فوشيكة يلم في حوايجو و خارج مالبالاص وجهو مقلوب يحب يفهم منو علاش ماشي و لوين ؟
يقلو فلوشيكة :
_ خويا سليمان ناس لعزاز عليا و لي كسبتهم في تونس مشاو .. مفماش علاش نبقا في بلاصة كل يوم نتحرق فيها و نتخيلهم ميات مرة قدام عينيا .. راجع للبلاد فماش ما نرتاح و ننسا .. منيش باش ننساهم اما خلي نبعد .. ممكن نبعد خير ابرشا 💔
( كلام فوشيكة يزعزع سليمان ) و يقلو:
_ ربي يوجهك خير يا فوشيكة .. موتهم حطمنا الكل .. اما هذي سنة الله في خلقه .. مادايم حد في ها الدنيا .. ربي يرحمهم ويصبرنا على فراقهم .. تستحق اي حاجة رقمي عندك هز تليفون و كلمني ..
فوشيكة :
_ يعيشك خويا سليمان ايا في امان الله ( يخزر للبلاص اخر نظرة بعينين كلهم دموع و يخرج ... )
هكا طفولتنا بدات و مع كل يوم بادية تمشي .. شكون فينا لليوم ميتفرهدش كي يتفرج على شوفلي حل و يحس روحو مرتاح و كأنو يعيش في احداث السيتكوم لي دخل لقلوبنا. حد ماهو دايم فالدنيا .. فراق الاحباب و الاصحاب و لا حد مالعايلة حاجة قوية علخر ربي يصبركم و يصبرنا !
ربي يرحمك سبوعي
يرحمك يا دوجة
يرحمك يا حوسي و يا عم الباجي 💔

20/12/2021

الدهماني:
بمبادرة من الإطار التربوي بالمدرسة الابتدائية الإمام الابي وبموافقة وزارة التربية وقع تسمية قاعة الإعلامية بإسم المرحوم المربي الفاضل خالد الشابي
كل الاحترام والتقدير لكل من ساهم فى هذه الفكرة.

18/03/2020

رسالة من متابع:
مجهودات تذكر وتشكر تقوم بها الجهات الأمنية هذه الايام في معتمدية الدهماني حيث لاحظنا حرص كبير من الآمنين علي متابعة العائدين من الخارج لتاكد من مدي تقيدهم باجراءات الحجر الصحي ورأينا الأمن يتدخل في بعض الأحيان لإجبار البعض منهم علي اتباع هذه الإجراءات الحساسة والمهمة كذلك الحرص الشديد علي تطبيق القرارات الوزارية الصادرة مؤخرا في ما يتعلق بالفضاءات العامة كالمقاهي والحانات وغيرها ومدي الالتزام بالشروط الصحية المتخذة في ذلك حيث لا تقصير يذكر ولا تجاوزات والحمد لله الي حد الان ..ومن النجاحات الأمنية التي تذكر أيضا بمعتمدية القصور المجاورة ان تمكن ليلة امس أعوان مركز الحرس الوطني من التفطن الي مقهي مخالف للقانون يعمل ليلا و تم اتخاذ الإجراءات اللازمة تجاه المخالفين تطبيقا للقانون وحفاظا علي سلامة المواطنين قبل كل شي.
الوضع الي حد الان تحت السيطرة و يبشر بخير وفي الختام ندعو الله أن يخرجنا من هذه المحنة لا فاقدين ولا مفقودين.

18/03/2020

توضيح :
الحديث عن اصابة موكدة بفيروس كورونا في الدهماني منذ هذا الصباح ...الامر ليس مؤكدا الي حين انتظار التأكيد او النفي من الإدارة الجهوية للصحة بالكاف.

17/03/2020

عاجل :
اكتشاف لقاح ضد فيروس كورونا قام به طلبة في جامعة الطب بالكاف وسليانة و ستتم اول التجارب السريرية بالمستشفي الجهوي صنف بالدهماني وذلك بحضور المجتمع المدني والمعتمد ووالي الجهة..

21/03/2017

سحر الربيع من قمة للة شاردة ..
عن برشة جديد عاونونا بالبرطاج نودوكم بأحلى تصاور من أحلى دهماني 3>

19/03/2017

الدهماني ... ✪ غدوة خير.. 3> ..
الباج ترجع بقوة عن برش تصاور شبان لأحلى دهماني عاونونا بالجامات و البرطاج و مرسي p: