04/02/2023
အပြစ်မဲ့ ကလေးတစ်ယောက်ရဲ့ ခံစားမှု။
ဘာဆိုဘာမှမသိသေးတဲ့ ကလေး တစ်ယောက်ရဲ့ လူ့ဘဝ အစ ဟာ ဆိုရင် ပျော်ရွှင်ခြင်း၊လွတ်လပ်ခြင်း နဲ့ အပြစ်ကင်း ခြင်းတွေ အပြည့်နဲ့ပေါ့။ ဒါကို အရွယ်ရောက်ပြီး လူတိုင်း လက်ခံကြပါတယ်။(၅) နှစ်သား ကလေး တစ်ယောက် အတွေး ထဲမှာ စားမယ်၊သောက်မယ်၊ အိပ်မယ်၊ကစားမယ် စသည် စသည်
အပြစ်ကင်း စင်တဲ့ အတွေးတွေပေါ့။
မိဘနှစ်ပါး ရဲ့ ရင်ခွင်ရိပ်အောက်မှာ သာယာအေးချမ်းစွာနဲ့ အသက်ရှင် ကြီးပြင်း ချင်ကြ မှာ ပေါ့။ ဒါတွေဟာ တစ်ယောက်ချင်းစီတိုင်းရဲ့ အိမ်မက်တွေပေါ့။
အထက်ပါ ဆိုခဲ့တဲ့ အတိုင်း ကလေး တစ်ယောက်ရဲ့ ပျော်ရွှင် ဖွယ်ရာ တွေက ပျက်စီးသွား နိုင် တယ်လို့ ဘယ်သူက ထင်ပါ့မလဲ လေ။ ဒါတွေ အကုန်လုံး ပျောက်ကွယ် သွားရတဲ့ တစ်နေ့။
ထိုနေ့က မနက်ဝေလီဝေလင်း ကောင်းကင်ယံ ပေါ် " ဒက် ဒက် ဒက် ဒက် " ဆိုပြီး အသံကြားရပြီး သိပ်မကြာ ထိုအသံကြားရတဲ့ အရာဆီ က နေ ဘာမှန်း မသိတဲ့ အရာ တွေ ကလေး ရဲ့ ရွာ လေး ကို ကျ လာ။
မြေကြီးပေါ် ရောက်ပြီး "ဝုန်း" ခနဲ အသံနဲ့ အတူ ပေါက်ကွဲသံ ထွက်ပေါ်လာ ပြီး မီးလောင်၊ လူတွေ ပြေးလွှားကြ၊ ကလေး ရဲ့ မျက်စိထဲမှာ ရှုပ်ယှက်ခတ်နေ။ ဘာကိုမှ စဉ်းစားလို့မရ။ အချို့ ဆို ဒဏ်ရာရ၊ အချို့ ဆို မလှုပ်မယှက်၊ အချို့ဆို အော်ဟစ် ညည်းညူကြ။ကလေး ဘာမှ မသိတော့ပါ။ ဘာမှ ကို မသိတော့ ပါ။ "ဝုန်း" ခနဲ အသံတွေက သူ့ရဲ့ အိမ်မက်ကို ဖျက်ဆီး သွားပြီ။ သူ့ရဲ့ မိဘ နှစ်ပါး ကို လည်း မတွေ့တော့ပါ။ သူငယ်ချင်းတွေလည်း မတွေ့တာ့ပါ။သူ ဘာဆို ဘာမှ မသိချင်တော့ပါ။မမြင်ချင်တော့ပါ။
လောကကြီး ထဲကို လူ လာဖြစ်တဲ့ ကလေး တစ်ယောက်ကို ကြိုဆိုတဲ့ လောကကြီးရဲ့ ရက်စက်မှုကြောင့်လား။ မလိုလောဘကြီး တဲ့ လူ့ အတ္တ တွေကြောင့်လား။ ကလေး မသိပါ။ ကလေးသိ သွားတာ သူ လူ ဆက်မဖြစ်ချင်တော့ပါ။
