16/02/2026
သွဟ်စမ်ရံၚ်...😊 ပုစ္ဆာဘာပိုယ်...ဘာသာမန်
🌺🌺🌺🌺🌺🌺🌺🌺🌺🌺
ပုစ္ဆာသၟာန်သွဟ် (အလန်လက္ကရဴအိုတ်)
ဘာသာမန်
ဌာနဗတောန်လိက် ဘာ - Jamper Teachable
ဍုၚ်မတ်မလီု၊ အရာပ်သာန်ကျဳ
စၟတ်တ္ၚဲ ဂိတုဖဝ်ရဂိုန် (၁၀) မံက် (16.2.2026)
***************************************************
၁။ ပုစ္ဆာသၟာန်လဝ် ဗွဲသၟဝ်တအ်ဝွံ သွဟ်နၚ်ကဵု ဗွဲမဍိုက်ပေၚ်ညိ။
(က) ပ္ဍဲကဵုဗျဉ်မန်(၃၅)မဂှ် ဗျဉ်မရနုက်ကဵု ၈ ၊ ၁၇၊ ၂၅ ၊ တအ်ဂှ် တောဲဗ္ဂပ်နၚ်ကဵု ကွက် ‘န’ ဗွဲမဍာံပြညိ။
(ခ) ပၞောဝ်ကဵုဗျဉ်ရမ်သာၚ်သာ ဗျဉ်ရမ်သာၚ်တုပ် အက္ခရ်ဟွံတုပ်တအ်ဂှ် ချူထ္ၜးနၚ်ကဵု ဗွဲမချိုတ်ပၠိုတ်ညိ။
(ဂ) ဂကောံဗျဉ်ပ္တိတ် ရမျာၚ် (၂) ဂမၠိုၚ်ချူထ္ၜးနၚ်ကဵုတုဲ တောဲဗ္ဂပ်နၚ်ကဵု ကွက်” ဟ” ညိ။
(ဃ)ဗျဉ်ကၟက်ဂမၠိုၚ် ချူထ္ၜးနၚ်ကဵုတုဲတောဲဗ္ဂပ်နၚ်ကဵု သွဵု(၁၂)မညိ။
(ၚ) ဂစိုတ် ဗျဉ်ဂစိုတ် လက်သဏ်ဂစိုတ် တအ်ဂှ် ချူထ္ၜးနၚ်ကဵုသောၚ်တုဲ၊ ဂစိုတ် “ကအ်” ကွက် “ည” တအ်ဂှ် တောဲဗ္ဂပ်နၚ်ကဵုဗွဲမဍာံပြညိ။
၂။ ဂလာန်ပေါရာဏာမ်သလးလဝ် ဗွဲသၟဝ်ဝွံ ချူဗပေၚ်နၚ်ကဵု ဗွဲမဍိုက်ပေၚ်ညိ။
(က ) မၞိဟ်ဇၞော်−−−−−−−−−−−−−−−−
(ခ) −−−−−−−−−−−−ကာလီု−−−−−−−
(ဂ) က္ဍိုပ်စိၚ်ဇၞော်−−−−−−−−−−−−−−−−
(ဃ) −−−−−−−−−−−ဒဵုဇၞော်သၟဝ်−−−−−
(ၚ) ရဲဂကူဍိက်−−−−−−−−−−−−−−−−
(စ) −−−−−−−−−−−−−−− ပိဂကူဝွံ ဟွံညှာကဵု −−−−−−−
(ဆ) −−−−−−−−−−−ဟွံကေတ်စိုတ်ညးတၞဟ်
(ဇ) −−−−−−−−−−−−−အိက်ဂၠိုၚ်−−−−
(ၛ) လောဘဍာ်ဖၞုၚ် −−−−−−−−−−−
(ည) −−−−−−−−−−−−ကၠေံသီုဍုၚ်
၃။စၞောန်ထ္ၜးလဝ် ဗွဲသၟဝ်ဝွံ သွဟ်နၚ်ကဵု ဗွဲမဍိုက်ပေၚ်ညိ။
(က) ပေါရာဏာမ် ဆေၚ်စပ်ကဵု “ကောန်” ဗၞတ် ၂ ပၞောန်
(ခ) ပေါရာဏာမ် ဆေၚ်စပ်ကဵု “ ညး” ဗၞတ် ၂ ပၞောန်
(ဂ) ပေါရာဏာမ် ဆေၚ်စပ်ကဵု “ ချိုတ်” ဗၞတ် ၂ ပၞောန်
(ဃ) ပေါရာဏာမ် ဆေၚ်စပ်ကဵု “ စိုတ်” ဗၞတ် ၂ ပၞောန်
(ၚ) ပေါရာဏာမ် ဆေၚ်စပ်ကဵု “ ဍာ်” ဗၞတ် ၂ ပၞောန်
၄။ ပုစ္ဆာသၟာန်လဝ် ဗွဲသၟဝ်တအ်ဝွံ သွဟ်နၚ်ကဵု ဗွဲမဍိုက်ပေၚ်ညိ။
(က) ပရေၚ်ပညာအလဵုအသဳကဵု ပရေၚ်ပညာကတ်လ္ရတ်ကေတ်မ္ရးဗီုလဵုတၟေၚ်တၞဟ်ခြာ ချူသှ်နၚ်ကဵုဗွဲသရောပ်ညိ။
(ခ) မူဟိုတ်မန်ပိုယ် ဂွံထေၚ်သောဲဒၟံၚ် အရေဝ်၊ ဘာသာ၊ လိက်ပတ်ပိုယ်အိုတ်ရော။
(ဂ) မန်စိုပ်ဍုၚ်သ္အာၚ်တအ် သ္ပပ္တံနူ ဟိုတ်သာ်လဵုတုဲ ကလေၚ်လဟဵုပတိုန်ဒၟံၚ် လိက်ပတ်ပိုယ်အိုတ်ရော။
(ဃ) ဟိုတ်နူ ဟိုတ်သာ်လဵုတုဲ သၟတ်နူဍုၚ်ပိုယ်တအ် ထေၚ်ဇၞော်ဒၟံၚ်ဘာသာဍုၚ်သ္အာၚ် တိတ်အာကၠောန်စ ဍုၚ်မ္ရးအိုတ်ရော။
(ၚ) မူဟိုတ် မိမညးဍုၚ်ကွာန်တအ် စိုတ်ဟွံလုပ်စကဵုပရေၚ်ပညာအိုတ်ရော။
၅။ပုစ္ဆာ ဗွဲသၟဝ်တအ်ဝွံ သွဟ်နၚ်ကဵုဗွဲမချိုတ်ပၠိုတ်ညိ။
(က) ) သၟတ်မန်ပိုယ်တအ် ယဝ်ရကၠောန်စကဵုဍုၚ်ပိုယ် ဂွံဂျိုၚ်တန်တဴအာမာန်ဂှ် ဍာ်ဒကေဝ်ဗီုလဵုနွံပၟိက် တုဲ သွက်အနာဂတ်ဇကု ဂွံလျးတၟးအာပၠန်ဂှ် မုဒးပလေဝ်ပလေတ်လဝ်ထေက်ရော။ သွဟ်နၚ်ကဵု ဗွဲတြးညိ။
(ခ) ပ္ဍဲလိုက်ဝွံ မၞိဟ်ဗွဲမဂၠိုၚ် သုၚ်စောဲဒၟံၚ်၊ Tit Tok/ Facebook / Social media/ AI တအ်ဂှ် မူဍေံကဵုဖဵု သွက်မၞိဟ်ပိုယ်တအ်ရော၊ နကဵုလညာတ်ဇကု ခိုဟ်ပရေံ ပါ်ပါဲနၚ်ကဵုညိ။
