05/04/2026
ကျွန်တော့်ဇနီး ဆေးစစ်ချက်လုပ်စဉ် သည်းခြေမှာ ကျောက်တွေ့ခဲ့ပါတယ်။ ၁.၂ စင်တီမီတာ အရွယ်တစ်လုံးတည်းပါ။ ခွဲစိတ်ရမှာ ကြောက်တာကြောင့် အင်တာနက်မှာ ရှာဖွေကြည့်ပြီး ပန်းသီးရှာလကာရည် ၂ ဇွန်းကို သံပုရာရည် ၁ ဇွန်း၊ ပျားရည်အနည်းငယ်တို့နှင့် ရောစပ်ကာ မနက်စာမစားခင် နေ့တိုင်းသောက်ခဲ့ပါတယ်။ ၄ လခန့်သောက်ပြီးချိန်မှာ ၀.၇ စင်တီမီတာထိ သေးသွားပါတယ်။ ဒါနဲ့ နောက်ထပ် ၂ လ ဆက်သောက်ရာ ၀.၄ စင်တီမီတာထိ ထပ်မံလျော့နည်းသွားပြီး နောက်ပိုင်းမှာတော့ ပုံမှန်မသောက်ဖြစ်တော့ပါ။
စကားမစပ် ကျွန်တော်တို့ ဇနီးမောင်နှံနှစ်ဦးလုံးမှာ ဆရာဝန်များ ဖြစ်ကြပါတယ်။ ဒီနေရာမှာ ကျွန်မ ပြောပြချင်တာက သည်းခြေကျောက်တည်ခြင်းမှာ အကျိုးတရားတစ်ခု ဖြစ်ပါတယ်။ ဒီအကျိုးတရား (ကျောက်တည်ခြင်းကို သဘာဝပန်းသီးရှာလကာရည် သောက်သုံးခြင်းဖြင့် သေးငယ်သွားစေနိုင်ပါတယ်) အခုလို သေးသွားပေမဲ့လည်း သည်းခြေကျောက်တည်ရတဲ့ အကြောင်းရင်းကို မပြုပြင်ရသေးသဖြင့် အချိန်မရွေး ပြန်ကြီးလာနိုင်သလို သည်းခြေအိတ်ထဲမှလည်း ထွက်သွားနိုင်ပါတယ်။
သည်းခြေအိတ်ထဲက ကျောက်ထွက်သွားသည့်အခါ သည်းခြေပြွန် (Bile duct) မှာ သွားပိတ်နေတတ်ပြီး အလွန်နာကျင်တတ်ပါတယ်။ အသားဝါခြင်း၊ မျက်လုံးဝါခြင်းတို့ ဖြစ်တတ်သလို ဖျားနာတာမျိုးလည်း ကြုံရနိုင်ပါတယ်။ ဆေးရုံသို့ အရေးပေါ်အနေနဲ့ ရောက်ရှိသွားနိုင်ပါတယ်။ အထူးသဖြင့် အဆီများသောအစားအစာများ စားမိသည့်အခါ ဖြစ်တတ်ပြီး အရေးပေါ် ခွဲစိတ်မှုလည်း ခံယူရတတ်ပါတယ်။ ဒါကြောင့် သည်းခြေကျောက်တည်နေသူများ လိုက်နာရန် အကြံပြုလိုပါတယ်။ လိုက်နာခြင်း၊ မလိုက်နာခြင်းမှာ မိမိတို့၏ သဘောသာ ဖြစ်ပါတယ်။
၁။ ကျောက်ရှိသည်ဖြစ်စေ၊ မရှိသည်ဖြစ်စေ အစာစားပြီးနောက် လေပွတာ၊ ဗိုက်ကယ်တာနှင့် အစာမကြေဖြစ်တတ်သူများမှာ များသောအားဖြင့် အဆီစားသည့်အခါ သည်းခြေက အဆီကိုချေဖျက်ပေးသော သည်းခြေရည် (Bile) ကို လုံလောက်အောင် မညှစ်ထုတ်ပေးနိုင်လို့ ဖြစ်ပါတယ်။ ဒီလိုဖြစ်ရတဲ့ အကြောင်းရင်းကို ကြည့်ရင် သည်းခြေ၏ ညှစ်အားကိုပေးသော ကြွက်သားနု (Smooth muscle) များကြားထဲမှာ Mucin လို့ခေါ်သည့် အချွဲဓာတ် ဝင်ရောက်လာသည့်အခါ ညှစ်အားများ လျော့နည်းသွားပါတယ်။
တဖြည်းဖြည်းနဲ့ လက်ကျန်များ များလာပြီး ပြစ်လာရာကနေ အနည်ထိုင်ကာ Bile pigment stone နှင့် Cholesterol stone တို့ ဖြစ်လာပါတယ်။ ဒီလိုဖြစ်ရတဲ့ အဓိကတရားခံမှာ သိုင်းရွိက်ဟော်မုန်းနည်းခြင်း (Hypothyroidism) ကြောင့် ဖြစ်ပါတယ်။ ဒါကို သွေးစစ်ရုံဖြင့် ရောဂါရှာဖွေလို့ မရနိုင်ပါဘူး။ သဘောတရားမှာ သိုင်းရွိက်အားနည်းသူများ ဝမ်းချုပ်သလိုပါပဲ။ Mucin ဓာတ်မှာ ကြွက်သားနုများထဲ ဝင်လာရင် ညှစ်အား မကောင်းတော့ပါ။ အဘိဓမ္မာသဘောနှင့် ရှင်းပြရရင် Mucin ဆိုသည်မှာ အာပေါဓာတ် ဖြစ်ပြီး ယိုစီးခြင်း၊ ဖွဲ့စည်းခြင်းသဘော ရှိပါတယ်။
အာပေါဓာတ်မှာ အလွန်သိမ်မွေ့သဖြင့် ထိတွေ့မှု (ဖောဋ္ဌဗ္ဗာရုံ) ထဲမှာ မပါဝင်သလို စမ်းသပ်ကြည့်လို့လည်း မရနိုင်ပါ။ ဓမ္မဓာတ်အနေနဲ့သာ ဖော်ပြထားပါတယ်။ သည်းခြေကျောက်တည်သူများ လိုက်နာသင့်သည့် အချက်များကို အတိုချုပ် ပြောပြရမယ်ဆိုရင် -
၁။ အဆီကို ချေဖျက်နိုင်ဖို့ Ox bile 500mg ကို အစာများများစားတိုင်း သောက်သင့်ပါတယ်။ အစာမစားမီ မိနစ် ၂၀-၃၀ ခန့် ကြိုသောက်ပါ။ သောက်သုံးခြင်းဖြင့် သည်းခြေက အားစိုက်ညှစ်စရာ မလိုတော့သဖြင့် သည်းခြေအိတ်ထဲမှ ကျောက်ထွက်လာစရာ အကြောင်းမရှိတော့ပါ။ အရေးပေါ် ဆေးရုံသွားရတာနှင့် အရေးပေါ်ခွဲစိတ်ရတာမျိုးများ မဖြစ်တော့ပါဘူး။
၂။ ဒီလို ထိန်းသိမ်းထားရင်းနှင့် သဘာဝအတိုင်း ကျောက်များ ကျေပျက်သွားအောင် ပန်းသီးရှာလကာရည်ကို ဆက်သောက်ပါ။
၃။ ရောဂါ ပြန်မဖြစ်လာစေဖို့ အဓိကအကြောင်းရင်းဖြစ်သည့် Hypothyroid ကို ကုသပြုပြင်ပေးလိုက်ပါ။
ကိုယ်စိတ်နှစ်ဖြာ ကျန်းမာချမ်းသာကြပါစေ။
ShweKhit Media
#ကျန်းမာရေးဗဟုသုတ
