24/03/2022
Premier League Hall Of Fame
~~~~~~~~~~~~~~~~~~~~~
ပရီးမီးယားလိဂ်သက်တမ်းတစ်လျှောက် ကစားခဲ့ကြတဲ့ ကစားသမားဟောင်းတွေထဲကနေရွေးချယ်ကြတဲ့ Hall of Fame စာရင်းမှာ အာဆင်နယ်ကွင်းလယ်လူဟောင်း ပက်ထရစ်ဗီအဲရာနဲ့ မန်ယူနိုက်တက်တိုက်စစ်မှူးဟောင်း ဝိန်းရွန်းနီတို့ ထပ်မံထည့်သွင်းခံခဲ့ရတယ်လို့ သိရပါတယ်။
Premier League Hall of Fame စာရင်းကို 2021 ခုနှစ်မှာ စတင်ရွေးချယ်ခဲ့ကြတာဖြစ်ပြီး ကစားသမား(၈)ယောက်ကို စတင်ထည့်သွင်းခဲ့ကြတာပါ။ ဗီအဲရာနဲ့ ရွန်းနီတို့ကတော့ 2022 ခုနှစ်မှာ ထည့်သွင်းခံရတာပါ။
Hall of Fame မှာ ထည့်သွင်းဖို့အတွက် စံသတ်မှတ်ချက်တွေနဲ့အညီ ရွေးချယ်တာဖြစ်ပါတယ်။ ကစားသမားတွေအနေနဲ့ ပရီးမီးယားလိဂ်လို့အမည်ပြောင်းလဲတဲ့ 1992ခုနှစ်ကနေစပြီး ကွင်းတွင်းအောင်မြင်မှုတွေအပြင် အခြားသောလွှမ်းမိုးနိုင်မှုတွေကိုပါ ထည့်သွင်းစဥ်းစားတာဖြစ်ပါတယ်။
ထည့်သွင်းစဥ်းစားရာတွင် လက်ရှိကစားနေတဲ့ ကစားသမားတွေမပါဝင်ပဲ ပရီးမီးယားလိဂ်ပြိုင်ပွဲတစ်ခုထဲမှာ အောင်မြင်ခဲ့ကြတဲ့ ကစားသမားဟောင်းတွေသာ အကျုံးဝင်ပါတယ်။ ဒါ့အပြင် ကစားသမားသည် အောက်ပါအချက်တွေထဲက တစ်ခုမဟုတ် တစ်ခုနှင့် ကိုက်ညီမှုရှိရမည်။
၁။ ပရီးမီးယားလိဂ်ပွဲပေါင်း (၂၅၀) နှင့်အထက် ကစားထားသူ
၂။ ကလပ်အသင်းတစ်သင်းတည်းအတွက် ပွဲပေါင်း (၂၀၀) အထက် ကစားထားသူ
၃။ "Team of the Decade" သို့မဟုတ် " 20-Year Anniversary Teams" ဆုတွေမှာ ရွေးချယ်ခံထားရသူ
၄။ ရွှေဖိနပ်ဆု သို့မဟုတ် ရွှေလက်အိတ်ဆု ရရှိထားသူ
၅။ ရာသီတစ်လျှောက်အကောင်းဆုံးကစားသမားဆု ရရှိထားသူ
၆။ ပရီးမီးယားလိဂ် ချန်ပီယံဆုဖလား ရရှိထားသူ
၇။ ပရီးမီးယားလိဂ်သွင်းဂိုး(၁၀၀)ရရှိထားသူ သို့မဟုတ် ဂိုးသမားဆိုလျှင် Clean Sheet (၁၀၀) ရရှိထားသူ စတဲ့ အချက်(၇)ချက်ဖြစ်ပါတယ်။
Premier League Hall of Fame မှာ ဖော်ပြခံထားရတဲ့ ကစားသမား (၁၀) ယောက်ကတော့
1. Alan Shearer
2. Thierry Henry
3. Eric Cantona
4. Roy Keane
5. Frank Lampard
6. Dennis Bergkamp
7. Steven Gerrard
8. David Beckham
9. Wayne Rooney
10. Patrick Vieira တို့ပဲဖြစ်ပါတယ်။
____
