photography_heba11

30/08/2021

وبعد انقطاع طويل ..
صورة من نتائج ورشة تصوير المنتجات مع الدكتور .ob
من ألطف التجارب 🙏🏻♥️

22/08/2020

تاسع صورة 🤍
---------------------
من الصور المفضلة... كتير كتير استمتعت ووانا عم صور (بالرغم من تأنيب الضمير انو المفروض كون عم ادرس 🌚)
المووووهم انوووو حطيت خلف الكواليس اخر صورة مشان لو حابين تصورو هيك شي وهيك 🤭
--------------------
في صورة تانية لنفس الساعة بس بغير وضعية حتنزل يوم الاربعاء كمان ان شاء الله😁✌🏻
--------------------
شو كمان بدي احكيلكن🌚
تعو اشرح عن خلف الكواليس شوي، ديرو لاخر صورة وتبعو الشرح 😁
اللون الازرق كان مصدرو الضو الي عملتو اخر فترة اذا بتتذكرو، الي نزلت عنو تايم لاب ومحطوط بالهايلايت، بدل ما حط عليه قماشة حطيت ورقة زرقة فعطت هاد اللون الازرق، ممكن يطلع خفيف بس اي شي مندخلو بالصورة ممكن نلعب فيه بالفوتوشوب..
الاحمر كان من ضو التحذير الي اشتريتو معكن😂😂
حطيت بوكسات احذية عالطرفين وفوقهن مرسم والضو هو ضو مكتبي عادي وجهتو لتحت ليقابل المرسم... وحطيت عليه قماشة مشان الضو ما يتشتت وينزل لتحت.. وجبت بخاخة مشان المي وبخيت بكل مكان... الحلو بالمي انو بيعكس الالوان.. كتير حبيت انعكاسو للالوان وبيحلي الصور مدري كيف😍
وبس 😌😆
اذا وصلتو لهون انتو عباقرة😂✌🏻
واخيراً وليس آخراً
شكراً على الدعم من كل قلبي🤍 @ Doha Qatar

13/08/2020

🤍
تالت عنصر من عناصر مثلث التعريض.. #الآيزو
هاد البوست كتير استمتعت بتصميمو.. كتير كتير .. ما بعرف ليش.. حسيت حالي فاهمة اشياء حلوة وبدي انقلها😂🤍
الموهممم

ما تنسوا تجاوبوا على السؤال وحكولي لو فادكم الموضوع وعن شو حابين احكي بالبوست الجاية 😍😍
وشكراً عنجد من كل قلبي على دعمكم ♥️ @ Doha Qatar

10/08/2020

سابع صورة 🤍
اول مرة بجرب هاد النوع من التصوير وكتير حبيتو وحسيت حالي بروفيشينال الا شوي 😎😂
قعد معي ٤ ساعات بحاول قصو عالفوتوشوب لاني صورتو ع خلفية بيضة🤣💔. والتصوير نوعاً ما كان سهل لان اشتريت صديق جديد انضم لعائلة المعدات بورجيكم ياه عالستوري🤭.
تقريباً هي الصورة او هاد النوع هو الtypical
تصوير منتجات السوق الالكترونية.. وغالباً بيكون سريع وبيبرز اهم الاشياء الي العميل المفروض يشوفها او يعرفها بالمنتج.
قلولي رأيكم بصراحة ولو في اي شي ممكن حسنو 🤍🤍
وشو رأيكم بهالنوع من التصوير؟
مبارح لما نزلت ستوري اني خلصت تعديلو كتير اجتني مسجات بتعبر عن الحماس فحرفياً شكرا من القلب لكل حدا بعتلي شي 🙏🏻🤍
حاسة حالي عم اتطور معكن🤓🤍
وبسسس ✌🏻

27/07/2020

🤍 سادس صورة

-----------------------
بالصورة القديمة في صديقة حكتلي انو تفاصيل الاكسسوار مو واضحة.. وشكككرا كتييير الها.. هالمرة حاولت وضح تفاصيل الاكسسوار اكتر.. حبيت النتيجة ... بس في حدا خبير نصحني وقلي ما تقتنعي بولا صورة بتصويرها... لهيك ما رح اقتنع🤭
-----------------------
هاد الحجر هو حجر كريم اسمو السلطان.. بيتغير لونو ع حسب الضو الي جاية عليه.. تحت السما بيكون زهري.. وبالليل بيكون بنفسجي.. وعالضو الأبيض اخضر.. والضو الموجه عليه اصفر او برتقالي متل مو شايفين.. وبيقولو الو الوان كتير غير هيك بس انا ما شفت غير هالالوان🤓
-----------------------
شو رأيكم اني احلى؟ هي الصورة او الي قبلها؟ وعطوني انتقادكم🤍

#تصوير #منتجات
#مجوهرات #جواهر #أساور #تصوير #تصويري #صورة #كاميرا #كانون #عدستي #لقتطي #عدسة #عدسه #صوري #الكاميرا #كاميرا #فوتشوب #تعديلي

25/07/2020

خامس صورة 🤍
اليوم صنعت ستريب بوكس يدوي بكراتين وقماش وقصدير وكتيير حاببتو.. ورح بلش صور باستخدامو ان شاء الله وطور عدتي اليدوية😂✌🏻
-----------------
شو رأيكم بالصورة؟ 😌
#مجوهرات #تصويري #تصوير #سوار #صورة #تصويري📸

15/07/2020

رابع صورة 🤍
محاولات جديدة وتدخيل اشياء وعدم كلل أو ملل ✌🏻.
رأيكم؟
بتمنى لو في شي لاحظتوه مو ظابط او ممكن حسنو تحكولي 🙏🏻
وشكراً كتير 🤍
--------------------
#تصويري #تصويري📷 #تصويري📸 #شغف #محاولة

14/07/2020

🤍
كيفكم ان شاء الله بخير 🤍

من الأساسيات المهمة جداً لكل حدا حابب يتعلم التصوير هية مثلث التعريض وعناصرو.. بهالبوست شرحت شي جداً بسيط عنو وبالبوست الجاية ان شاء الله رح اتوسع بشكل مختصر بالعناصر وبعدين نحكي عن كل وحدة بالتفصيل.

------------------

لو عجبكم الموضوع ما تنسو تشاركوه مع المهتمين بالتصوير 🤍

------------------
#معلومات #تصوير @ Doha

12/07/2020

تالت صورة 🤍
كنت خايفة نزلها هلأ تقوم ما توصل لعدد كبير من الناس.. لانو هالعطر شي جداً مميز، خاصةً انو من عند
-----------------------
التصوير كان جداً صعب واني لاقي اكسسوارات برضو كان صعب والاضاءة كتير غيرت فيها حتى هه عجبني شي، فحكولي رأيكم لان مو كتير عاجبتني☹️.. ما حسيتا طلعت متل ما بدي ☹️
----------------------
Camera settings:
Taken by Canon 70D
ISO 100
Shatter Speed 2.5sec
f\29

11/07/2020

That's why we need basics, so we can play around and do what out minds tells us 🤍.
---------------------

‎"بمجرد حصولك على ما تحتاجه ، فإن ما يمكنك القيام به لن ينتهي"
-لوك آيرس

08/07/2020

06/07/2020

منلاحظ بالفيديو انو المرآة المتحركة حاجبة الحساس الضوئي.
(راجعو البوست الماضي لصورة اوضح لاجزاء الكاميرا)
الي بيصير انو لما نلقط الصورة أو نضغط على زر التصوير بتتحرك المرآة لفوق وبتسمح للضو أنو يروح بشكل مباشر من العدسة ليضرب الحساس الضوئي (شريحة متعددة الالوان)
بس منلاحظ أنو الغالق ( موضح بشريحتين باللون الاسود امام الحساس الضوئي) حاجب الحساس الضوئي، وللغالق وسرعتو علاقة كبيرة بكمية الضوء الواصل للحساس الضوئي وحنحكي عنها ببوستات قادمة إن شاء الله.

الفيديو بيوضح أنو الغالق بيتكون من شريحتين منفصلين، وحدة بتنزل لتحت لتفتح وتعرض الحساس الضوئي للضو القادم من العدسة .. وهذا ما يسمى ب"التعريض".
بيتم تعريض الحساس الضوئي للضو وبتبلش الكاميرا تلقط الصورة رقمياً وتحفظها.
وبعد ما تنتهي الكاميرا من حفظ الصورة بتنزل شريحة الغالق التانية لتسكر وتحجب الحساس الضوئي وتمنع الضو انو يفوت وبعدها بترجع المرآة المتحركة لوضعها وبينتهي التعريض.

وهاد كلو باجزاء من الثانية او عدد من الثواني نحنا منحددو لنتحكم بكمية الضو الداخل.

مصدر الفيديو: https://youtu.be/z3h1F99woDU