24/10/2026
💝 گزشتہ سے پیوستہ 💖
میاں محمد شفیع عرف بابا بابو کوہ والے
یادِ رفتگاں 🥺
موت زندگی کی اٹل حقیقت ہے، مگر کچھ لوگ دنیا سے رخصت ہونے کے باوجود اپنے کردار، اخلاق اور محبتوں کے باعث لوگوں کے دلوں میں زندہ رہتے ہیں۔ ایسے ہی بڑاپنڈ کی ایک قابلِ احترام شخصیت میاں محمد شفیع المعروف بابا بابو کوہ والے تھے۔
بزرگ میاں محمد شفیع انسانیت کا درد رکھنے والے، اپنے ہوں یا بیگانے، سب کے ساتھ محبت و خلوص سے پیش آنے والے اور دکھی انسانوں کی ڈھارس بندھانے والے انسان تھے۔ ان کی شخصیت کا اصل حسن ان کے ظاہری رکھ رکھاؤ میں نہیں، بلکہ ان کے باطن، کردار اور دوسروں کے لیے احساس میں پوشیدہ تھا۔
جرأت و استقلال، عزم و حوصلہ، صبر و شکر، متانت و سنجیدگی، مہمان نوازی، دیانت داری اور خدمتِ خلق جیسے اوصاف ان کی شخصیت کا نمایاں حصہ تھے۔ وہ بے لوث خدمت کے جذبے سے سرشار ایسے بزرگ تھے جن کی زندگی اور طرزِ عمل سے انسانیت، خلوص اور اچھے اخلاق کا درس ملتا ہے۔
وقت گزر جاتا ہے، نسلیں بدل جاتی ہیں اور بہت سے چہرے یادوں کی دھند میں اوجھل ہو جاتے ہیں، لیکن کچھ شخصیات کی یادیں دلوں میں ہمیشہ تازہ رہتی ہیں۔ ہمارے گاؤں کے یہ انمول نگینے آج ہم میں موجود نہیں، مگر ان کی یادیں اور ان سے وابستہ محبتیں آج بھی ہمارے ماضی کا قیمتی سرمایہ ہیں۔
اللہ رب العزت بزرگ میاں محمد شفیع صاحب کی کامل بخشش و مغفرت فرمائے، ان کی قبر کو نور سے بھر دے اور جنت الفردوس میں اعلیٰ و ارفع مقام عطا فرمائے۔ آمین ثم آمین یا رب العالمین۔ 🤲
#یادِ_رفتگاں #یادِ_ماضی
