21/07/2026
میں جامعۃ الرشید کا ایک فاضل ہونے کے ناطے
دل پر بہت بڑا پتھر رکھنے کے بعد
کے فضلاء و طلباء دوستوں سے کہنا چاہونگا!
گالی کوئی بھی دے، بری بات ہے، خصوصاً اگر کوئی عالمِ دین یا مفتی گالی دے تو یہ اور بھی زیادہ نامناسب ہے۔ مگر بات صرف اتنی ہے کہ مولانا کے مخاطب کون تھے؟ گفتگو اور تقریر کن لوگوں کے متعلق تھی؟
آپ کا تذکرہ، یا آپ کے خلاف کوئی اشارہ یا کنایہ وہاں موجود نہیں تھا۔ ایک جماعت کا اپنا طویل ماضی ہے، اور وقتاً فوقتاً فوج اور اسٹیبلشمنٹ کے ساتھ ان کی نوک جھونک، اچھے برے حالات چلتے رہتے ہیں۔ اس سب کے باوجود ایک منظم اور باوقار ادارہ آئی ایس پی آر موجود ہے، جو جب مناسب سمجھتا ہے، اپنا مؤقف بیان کرتا ہے کسی سیاست دان یا اندرونی بیرونی کسی بھی بات کا جواب کا حق رکھتا ہے۔
مگر جب آپ لوگوں نے یا آپکے ادارہ یہ ذمہ داری خود سنبھالی اور جوابی وار شروع کیے تو پھر بھائی، کون برداشت کرتا ہے؟ لوگ تو وہی کہیں گے جو ان کے منہ میں آئے گا۔ کیا فضلاءِ کرام کو اس پہلو پر بھی غور نہیں کرنا چاہیے؟ کیا آپ کے استاذ صاحب جو ہمارے لیے بھی قابل احترام ہیں انکو رائے نہیں دینی چاہیے تھی؟ اگر وہ بولنے اور رائے دینے میں آزاد ہیں، تو پھر بھائی، دوسروں کے ردِعمل کو بھی برداشت کرنا ہوگا۔
جب آپ نے خود اپنے بیانیے، نظریے اور سیاست کے ساتھ میدان میں آ کر یہ کہا کہ ہم ہر موقع پر مولانا کا تقابل کریں گے، تو پھر سیاست میں قدم رکھنے کے بعد اس کے نتائج بھی قبول کرنے چاہییں۔ سیاست ایک بے رحم میدان ہے۔ یہاں نون لیگ، پی ٹی آئی، پیپلز پارٹی، سب ایک دوسرے کے قائدین کے بارے میں سخت زبان استعمال کرتے ہیں۔ ایسے ماحول میں برداشت کرنا ہی پڑتا ہے۔
اگر برداشت نہیں ہوتا اور اخلاقیات عزیز ہیں، تو پھر یہ بھی سوچنا چاہیے کہ بنوریہ کے بارے میں ایسی باتیں کیوں نہیں کہی جاتیں؟ اس لیے کہ وہ اپنے کام سے کام رکھتے ہیں۔ جامعہ الحسنین کا بھی آج تک کہیں اس طرح نام نہیں آیا، حالانکہ مولانا طارق جمیل صاحب سے لوگوں کے اختلافات بھی رہے ہیں، مگر ان کے ادارے کو کبھی کسی نے اس انداز میں نشانہ نہیں بنایا۔ اسی طرح اور بھی بیسیوں بڑے دینی مراکز ہیں جن کا جمعیت یا وفاق سے کوئی تعلق نہیں، مگر کبھی ان کو اس طرح گالیاں نہیں دی گئیں اسی لیے کہ وہ اپنے مدار میں کام میں مگن ہیں ۔
جب آپ حضرات خود میدان میں ہیں، تو پھر گلہ بھی نہیں بنتا۔ گلالئی ، مفتی قوی ، ڈاکٹر نبیحہ اشرفی صاحب کو اور نون لیگ، پیپلز پارٹی، بڑے بڑے یوٹیوبرز، فنکاروں اور اداکاروں نے جہاں سخت تنقید کی اور خوب کی ۔ آپ بھی اسی صف میں آ کھڑے ہوئے، پھر فوراً ردِعمل دینا، اور ڈنکے کی چوٹ پہ دینا اور اپنا حق یا فرض سمجھ کر دینا تو بھائی پھر بار بار اسکرین شاٹس لگانا، اور یہ کہنا کہ لوگ ہمیں گالیاں دیتے ہیں، مناسب معلوم نہیں ہوتا۔ اس میں اپنی پوزیشن پر بھی غور کرنا چاہیے کہ آپ خود کہاں کھڑے ہیں کس صف میں ہیں؟
جب تک آپ اس صف میں نہیں تھے مولانا نے خود آپکے ادارے میں آکر آپکو داد دی،حوصلہ بڑھایا اور بڑی تعداد فضلاء کی جے یو آئی سے ادارے میں زیر تعلیم ہے اور پہلے رہی یے نہ آپکو نہ اساتذہ کو کسی کبھی کسی نے گالی نہیں دی جن کرداروں کو آج گالی دی جاتی ہے انکو پہلے بھی لوگ دیتے تھے مگر آپنے خود جہاں کھڑے ہونے کا فیصلہ کیا جس مقام کا تعین کیا اب وہاں گالی پڑتی ہے لوگ دیتے ہیں۔
ہم تو آج بھی آپ سے علمی، دینی اور تدریسی مہارتوں میں تعلیم و تعلم کے خواہاں ہیں، اور اس سب کے باوجود آپ ہمارے لیے قابلِ عزت و احترام ہیں۔ آپ سے اچھا تعلق ہے اور ان شاء اللہ رہے گا، مگر اس معاملے میں میرا خیال ہے کہ آپ کو بھی سنجیدگی سے غور کرنا چاہیے آپکے استاذ جی اور آپکا ادارہ کہاں کھڑا ہے؟
سیاست میں تو کام ہی یہی یے کیا روز روز آپ ایسے ہی انہیں بکھیڑوں میں پڑے رہیں گے کس کو کیا جواب دینا اور کیا کہنا یا دینی مصروفیات زیادہ اہم۔ہیں اور ادارہ اہم ہے یہ سب دیکھ لیں باقی ہر انسان خود مختار ہے جو مناسب سمجھا عرض کردی۔۔
آخر میں اتنا ضرور کہوں گا کہ میں اسی جامعۃ الرشید میں مولانا فضل الرحمن صاحب کے بالکل سامنے بیٹھ کر مولانا صاحب کا خطاب سننے کے بعد میں انکا کارکن بن گیا تھا ۔
آج میں کیسے ان کے خلاف ہوجاوں۔۔
واجد اللہ منصوری 🖋️
