18/09/2026
یومِ والدین -17 ستمبر 2026
آج شہید نواب علی گورنمنٹ سنٹینئیل ماڈل ہائی سکول چکیسر میں یومِ والدین کی پروقار تقریب منعقد ہوئی، جس میں والدین، اساتذہ ، طلبہ وطالبات کے علاوہ اسسٹنٹ کمشنر چکیسر اور معززین علاقہ نے بھرپور شرکت کی۔ تقریب میں طلبہ نے تلاوتِ کلامِ پاک ، انگریزی و اردو تقاریر، خوبصورت نظمیں ، ملی نغمیں اور خاکیں پیش کرکے اپنی صلاحیتوں کا مظاہرہ کیا۔
تقریب کے دوران بہترین کارکردگی کا مظاہرہ کرنے والے طلبہ و طالبات اور اساتذہ میں اعزازات اور تعریفی اسناد بھی تقسیم کی گئیں۔
اس موقع پر والدین نے سکول کی تعلیمی و تربیتی سرگرمیوں کو سراہتے ہوئے سکول انتظامیہ اور اساتذہ کی کاوشوں کو خراجِ تحسین پیش کیا۔
یہ خوبصورت دن والدین، اساتذہ اور طلبہ کے باہمی تعاون اور عزم کی ایک یادگار مثال بن کر اختتام پذیر ہوا۔
