25/07/2026
السلام علیکم ورحمۃ اللہ وبرکاتہ
امید کرتا ہوں آپ سب خیریت سے ہوں گے۔
میرے خلاف ایک بار پھر جعلی اکاؤنٹس بنائے گئے ہیں۔ ان جعلی اکاؤنٹس سے مجھے گالیاں دی جا رہی ہیں، انتہائی نازیبا اور گھٹیا الفاظ استعمال کیے جا رہے ہیں۔
میں پہلے بھی واضح کر چکا ہوں اور آج پھر واضح الفاظ میں کہہ رہا ہوں کہ ان جعلی اکاؤنٹس سے میرا کسی بھی قسم کا کوئی تعلق نہیں۔ اگر کسی کو کسی بات کا شک ہے تو وہ میرے پاس آئے۔ میں اپنا موبائل دکھانے کے لیے تیار ہوں، اور اگر ضرورت پڑی تو قرآنِ پاک پر حلف دینے کے لیے بھی تیار ہوں، تاکہ حقیقت سب کے سامنے آ جائے۔
لیکن اگر اس کے باوجود بھی یہ لوگ اپنی حرکتوں سے باز نہ آئے تو ان سب کے خلاف جدید قانونی طریقۂ کار کے مطابق کارروائی کروں گا۔ خاص طور پر وہ لوگ جو بیرونِ ملک بیٹھ کر دوسروں کو استعمال کر رہے ہیں، یا یہ سمجھ رہے ہیں کہ وہ قانون کی گرفت سے بچ جائیں گے، تو یہ ان کی غلط فہمی ہے۔
اس سلسلے میں ایف آئی اے میں رپورٹ جمع کرانے کا فیصلہ کر لیا ہے، اور متعلقہ حکام سے بات بھی ہو چکی ہے کہ قانون کے مطابق ضروری کارروائی کے ذریعے ڈیٹا حاصل کیا جا سکتا ہے۔ مزید یہ کہ دوسری جانب سے متعلقہ اداروں کی تحریری اجازت کے بعد سفارتی ذرائع کے ذریعے بھی متعلقہ پلیٹ فارم سے قانونی تعاون حاصل کرنے کے حوالے سے مشاورت جاری ہے۔ ان شاء اللہ قانون کے مطابق ذمہ دار افراد تک پہنچا جائے گا۔
جتنا بھی خرچہ ہوگا، اس کا بھی حساب لیا جائے گا، اور میری عزت، ساکھ اور خاندان کو پہنچنے والے نقصان کے بارے میں بھی قانونی طور پر جواب طلب کیا جائے گا۔
مجھے معلوم ہے کہ اس معاملے میں کون کون لوگ ملوث ہیں اور کون ان کا ساتھ دے رہا ہے۔ ان شاء اللہ، جب قانون اپنا کام کرے گا تو نہ اپنے بچیں گے اور نہ پرائے۔
اب آپ سب دیکھتے جائیں، میں قانون کے مطابق کیا کرتا ہوں۔ ان شاء اللہ، حق ضرور سامنے آئے گا۔
