19/03/2026
الوداع ماہِ رمضان… 🥀 🥹
اے میرے رب…
آج دل بہت بوجھل ہے…
وہ مہینہ جا رہا ہے جس میں تیری رحمتیں برستی تھیں،
گناہوں کے بوجھ ہلکے ہو جاتے تھے،
اور دل کو سکون نصیب ہوتا تھا…
ہم نے کیا پایا…؟
چند سجدے… وہ بھی ادھورے…
چند آنسو… وہ بھی کم…
چند دعائیں… وہ بھی بکھری ہوئی…
اور کیا کھو دیا…؟
وہ راتیں… جن میں تو قریب تھا…
وہ لمحے… جن میں بخشش لکھی جا رہی تھی…
وہ ساعتیں… جو شاید ہماری نجات بن سکتی تھیں…
یا اللہ…
اگر ہم اس رمضان میں بھی نہ سنبھل سکے،
تو پھر کب سنبھلیں گے…؟
اگر ہم اس بار بھی نہ بدل سکے،
تو پھر کب بدلیں گے…؟
اے اللہ…
اگر ہم نے اس رمضان کی قدر نہ کی، تو ہمیں معاف فرما دے، اگر ہماری عبادتوں میں اخلاص نہ تھا، تو انہیں قبول فرما لے، اگر ہم تیری رحمت سے دور رہے، تو ہمیں اپنے قریب کر لے…
اللَّهُمَّ لَا تَجْعَلْ هٰذَا آخِرَ عَهْدِنَا بِرَمَضَانَ، وَإِنْ جَعَلْتَهُ فَاجْعَلْنَا مَرْحُومِينَ وَلَا تَجْعَلْنَا مَحْرُومِينَ
اے اللہ! اس رمضان کو ہمارا آخری رمضان نہ بنا، اور اگر ایسا ہو تو ہمیں اپنی رحمت والوں میں شامل کر، محروموں میں نہ کر۔
اللَّهُمَّ تَقَبَّلْ مِنَّا صِيَامَنَا وَقِيَامَنَا، وَاغْفِرْ لَنَا ذُنُوبَنَا كُلَّهَا، دِقَّهَا وَجِلَّهَا، أَوَّلَهَا وَآخِرَهَا
اے اللہ! ہمارے روزے اور عبادت قبول فرما، اور ہمارے تمام گناہ معاف فرما دے، چھوٹے بھی اور بڑے بھی، پہلے بھی اور بعد والے بھی۔
اللَّهُمَّ إِنَّكَ عَفُوٌّ تُحِبُّ الْعَفْوَ فَاعْفُ عَنَّا
اے اللہ! بے شک تو معاف کرنے والا ہے، معافی کو پسند کرتا ہے، پس ہمیں معاف فرما دے۔
یا رب…
جاتے ہوئے رمضان کے صدقے
ہمارے گناہوں کو مٹا دے…
ہماری خطاؤں کو ڈھانپ دے…
اور ہمیں ایسا دل دے دے
جو ہر وقت تیرا ہو جائے…
اے اللہ…
یہ رمضان گواہ نہ بنے ہمارے خلاف…
بلکہ شفاعت کرے ہمارے لیے…
اور ہمیں دوبارہ یہ مہینہ نصیب فرما
اس حال میں کہ ہم پہلے سے بہتر ہوں…
آمین یا رب العالمین… 🤲 🥹
