14/06/2026
Pakistan ki economy mein ek common pattern hai, jab nayi government aati hai to woh inflation, debt aur budget deficit ka blame previous government par daal deti hai. Yeh sirf politics nahi, iske peeche economic reality bhi hoti hai.
Macroeconomics ke point of view se dekhein to fiscal deficit, external debt aur currency pressure ek din mein create nahi hotay, yeh past decisions ka accumulated result hota hai. Is liye har nayi government ko ek already “pressure-loaded economy” milti hai.
Lekin doosri taraf, masla yeh bhi hai ke jab policies bar bar change hoti hain to long-term planning break ho jati hai. Investors ka trust kam hota hai, aur structural reforms complete nahi ho pate. Is tarah blame game sirf politics nahi, balkay institutional weakness ko bhi show karta hai.
As economist John Maynard Keynes ke ideas se yeh samajh aata hai ke economic stability ke liye consistency aur long-term planning bohat zaroori hoti hai, na ke short political cycles.
Masla sirf “pehle kis ne kya kiya” nahi, balke yeh hai ke Pakistan mein economic policies ki continuity hi nahi hoti.
