Social Kohati

06/08/2026

🌟 الحمدللہ! فخر کا لمحہ 🌟

الخدمت فاؤنڈیشن کوہاٹ (OFSP) کے شائننگ اسٹار محمد سدیس نے کوہاٹ بورڈ کے جماعت نہم کے سالانہ امتحان میں 600 میں سے 435 نمبر حاصل کر کے ایک شاندار کامیابی اپنے نام کی ہے۔

یہ کامیابی محمد سدیس کی محنت، اساتذہ کی رہنمائی اور سرپرستوں کی دعاؤں کا ثمر ہے۔ ہم اس قابلِ فخر کارکردگی پر محمد سدیس کو دل کی گہرائیوں سے مبارکباد پیش کرتے ہیں اور دعا گو ہیں کہ اللہ تعالیٰ انہیں مستقبل میں بھی مزید کامیابیاں، علمِ نافع اور زندگی کے ہر میدان میں سربلندی عطا فرمائے۔✨

06/08/2026

کوہاٹ تبلیغی مرکز شب جمعہ کا منظر
کس کس نے کوہاٹ تبلیغی مرکز دیکھا ہے کمنٹس میں لکھیں

06/08/2026

06/08/2026

اعلان وفات

05/08/2026

گورنرخیبرپختونخوا سے کوہاٹ چیمبر اور تاجر برادری کے وفد کی ملاقات، جنوبی اضلاع کی معاشی ترقی، صنعت و سرمایہ کاری کے فروغ کے لیے تجاویز پیش

پشاور: گورنر خیبرپختونخوا فیصل کریم کنڈی سے کوہاٹ چیمبر آف کامرس اینڈ انڈسٹری کے صدر رشید احمد پراچہ کی قیادت میں تاجر برادری کے ایک وفد نے گورنر ہاؤس پشاور میں ملاقات کی۔ ملاقات میں صوبے کی معاشی صورتحال، صنعت، توانائی، ٹیکس، سرمایہ کاری، جنوبی اضلاع کو درپیش مسائل اور کاروباری برادری کو درپیش چیلنجز پر تفصیلی تبادلہ خیال کیا گیا۔ کوہاٹ چیمبر کے وفد نے جنوبی اضلاع میں صنعت، تجارت اور سرمایہ کاری کے فروغ کے لیے ڈسٹرکٹ اکانومی اتھارٹی کے قیام، اختیارات کی نچلی سطح تک منتقلی، معاشی امور میں پالیسی تسلسل کے لیے میثاقِ معیشت، ای او بی آئی قوانین میں سمال انڈسٹریز کے لیے اصلاحات، چیف سیکریٹری کی ریجنل میٹنگز کے انعقاد، کوہاٹ ٹنل ٹول ٹیکس میں کمی، نئے صنعتکاروں کی سرکاری سطح پر حوصلہ افزائی، سمال انڈسٹریل اسٹیٹ کوہاٹ میں پیسکو کی غیر اعلانیہ لوڈشیڈنگ کے خاتمے، مؤثر سیکیورٹی انتظامات، صرافہ ایسوسی ایشن کو درپیش ٹرانزٹ مسائل کے حل اور جنوبی اضلاع کو وعدے کے مطابق گیس کی فراہمی یقینی بنانے سمیت متعدد تجاویز پیش کیں۔ وفد نے اس بات پر بھی زور دیا کہ ادارے ٹیکس تو وصول کرتے ہیں مگر کاروباری برادری کو مطلوبہ سہولیات فراہم نہیں کی جاتیں، جبکہ گیس کا پیداواری ضلع ہونے کے باوجود کوہاٹ میں مہنگی گیس اور لوڈشیڈنگ سے عوام اور صنعت دونوں شدید متاثر ہو رہے ہیں۔ وفد نے جنوبی اضلاع میں مقامی مصنوعات کے فروغ، معاشی خوشحالی کے لیے ایک خودمختار ادارہ قائم کرنے اور تاجروں و صنعتکاروں کو درپیش مسائل کے فوری حل کی ضرورت پر بھی زور دیا۔ اس موقع پر وفد نے تاجر برادری اور سی این جی ایسوسی ایشن کے مسائل کے حل میں تعاون پر گورنر خیبرپختونخوا کا شکریہ بھی ادا کیا، گورنر خیبرپختونخوا فیصل کریم کنڈی نے وفد سے گفتگو کرتے ہوئے کہا کہ اگر صوبے کو اس کا جائز حصہ مل جائے تو وہ گندم سمیت دیگر زرعی اجناس میں خودکفیل بن سکتا ہے۔ صوبہ کے مختلف مسائل کے حل کے لیے وفاقی حکومت سے بھی رابطے میں ہیں تاکہ عوام اور کاروباری برادری کے مفادات کا تحفظ یقینی بنایا جا سکے۔ انہوں نے کہا کہ کوہاٹ میں آئل ریفائنری اور صوبے میں فرٹیلائزر کمپنی کا قیام وقت کی اہم ضرورت ہے، کیونکہ نئی صنعتوں سے روزگار کے مواقع پیدا ہوں گے اور صوبے کی معیشت مضبوط ہوگی۔ گورنر نے کہا کہ واپڈا کے مطابق اگر متعلقہ کمیونٹیز ریکوری کی ذمہ داری لیں تو انہیں چوبیس گھنٹے بجلی کی فراہمی ممکن بنائی جا سکتی ہے۔ انہوں نے مزید کہا کہ دیگر صوبے ترقی کی دوڑ میں آگے بڑھ رہے ہیں جبکہ خیبرپختونخوا بدامنی جیسے چیلنجز سے نبرد آزما ہے، تاہم امن کے قیام کے لیے افواجِ پاکستان، پولیس اور عوام کی قربانیاں ناقابل فراموش ہیں۔فیصل کریم کنڈی نے اس عزم کا اظہار کیا کہ ملکی و غیر ملکی سرمایہ کاروں کو خیبرپختونخوا میں سرمایہ کاری کی طرف راغب کرنے، روزگار کے نئے مواقع پیدا کرنے اور صوبے کی معاشی ترقی کو فروغ دینے کے لیے ہر ممکن اقدامات کیے جائیں گے۔ انہوں نے کوہاٹ چیمبر کی جانب سے پیش کردہ تجاویز کو سراہتے ہوئے یقین دہانی کرائی کہ ان پر متعلقہ وفاقی و صوبائی اداروں کے ساتھ سنجیدگی سے غور کیا جائے گا اور تاجروں و صنعتکاروں کو درپیش مسائل کے حل کے لیے ہر ممکن اقدامات کیے جائیں گے۔ انہوں نے کہا کہ صوبے کی معاشی ترقی میں تاجر برادری کا کردار نہایت اہم ہے اور وہ ہر سطح پر ان کے مسائل کو مؤثر انداز میں اجاگر کرتے رہیں گے۔ وفد میں شاہد زمان شینواری، اسرار شینواری، منصور پراچہ، قاسم عتیق پراچہ، وہاب عالم، عدنان پپو، چیئرمین میانخیل بازار فاروق، شیخ ریاض، شارون، مزمل افیف، نعمان بنگش، آصف زمان، احمد ہارون، عماد، محسن نعیم، خالد محمود، اقبال، میر محمد راشد، آصف حیات، حنیف رضا اور دیگر کاروباری شخصیات شریک تھیں۔

05/08/2026

کوہاٹ میں یوم شہداء پولیس شایان شان طریقے سے ساتھ منایا گیا

کوہاٹ پولیس کلب میں یوم شہداء کی پروقار تقریب کا انعقاد کیا گیا، جس میں جی او سی نائن ڈویژن میجر جنرل شاہد عامر افسر، کمشنر کوہاٹ معتصم باللہ، ڈی پی او کوہاٹ ایس ایس پی رائے مظہر اقبال، ایم پی اے شفیع جان، صوبائی وزیر قانون آفتاب عالم، سینٹر خرم زیشان ، پولیس اور پاک فوج کے افسران و جوانوں کے علاوہ شہداء کے اہل خانہ نے بڑی تعداد میں شرکت کی۔

تقریب کے دوران شہداء کے اہل خانہ کو خصوصی خراج تحسین پیش کیا گیا، جبکہ افسران نے یادگار شہداء پر حاضری دی، پھول چڑھائے، سلامی پیش کی اور شہداء کے درجات کی بلندی کے لیے دعا کی۔

اس موقع پر ڈی پی او کوہاٹ ایس ایس پی رائے مظہر اقبال نے خطاب کرتے ہوئے کہا کہ آج یوم شہداء کے موقع پر ہم اپنے ان تمام بہادر جوانوں کو خراج عقیدت پیش کرتے ہیں جنہوں نے وطن کے امن اور عوام کے تحفظ کے لیے اپنی جانوں کا نذرانہ پیش کیا۔ انہوں نے کہا کہ کوہاٹ پولیس کو اپنے 120 شہداء پر فخر ہے، جن میں ضلع کوہاٹ پولیس، ایلیٹ فورس، ایف آر پی اور خیبر پختونخوا پولیس کے دیگر شعبوں کے اہلکار شامل ہیں۔ انہوں نے شہداء کے اہل خانہ کو یقین دلایا کہ خیبر پختونخوا پولیس ہر مشکل گھڑی میں ان کے ساتھ کھڑی رہے گی۔

کمشنر کوہاٹ معتصم باللہ نے اپنے خطاب میں کہا کہ ملک میں امن، خوشحالی اور استحکام شہداء کی قربانیوں کا ثمر ہے۔ انہوں نے کہا کہ آج اگر ہم آزادی اور سکون کی زندگی گزار رہے ہیں تو اس کے پیچھے شہداء کی لازوال قربانیاں شامل ہیں۔

جنرل آفیسر کمانڈنگ 9 ڈویژن میجر جنرل شاہد عامر افسر (ہلالِ امتیاز ملٹری) نے کہا کہ وطن کی خاطر جانوں کا نذرانہ پیش کرنے والے شہداء پوری قوم کا فخر ہیں۔ انہوں نے کہا کہ دہشت گردی کے خلاف جنگ میں پاک فوج اور پولیس نے بے مثال قربانیاں دی ہیں اور ملک کے دشمن عناصر کے خلاف یہ جدوجہد جاری رہے گی۔ انہوں نے اس بات پر زور دیا کہ پولیس نے ہر مشکل وقت میں فرنٹ لائن فورس کے طور پر اپنی ذمہ داریاں احسن انداز میں نبھائی ہیں اور آج بھی چٹان کی طرح ملک کے دفاع کے لیے کھڑی ہے۔

تقریب کے اختتام پر شہداء کے اہل خانہ میں تحائف تقسیم کیے گئے اور ملکی سلامتی، امن اور استحکام کے لیے خصوصی دعائیں کی گئیں۔

05/08/2026

ماشاء اللہ
پیر تنویر شاہ (جیالا) کے فرزند سدیس شاہ بخاری نے نویں جماعت میں نمایاں پوزیشن حاصل کی۔۔

05/08/2026

مبارک ہو مطیع اللہ جان 🌹🌹🌹