04/06/2026
ہوم ڈیلیوری کا مطلب بیڈروم ڈیلیوری نہیں ہوتا!
تمام عزیز صارفین سے ایک چھوٹی سی گزارش ہے۔
جب آپ بلڈنگ کی چوتھی، پانچویں یا چھٹی منزل پر بیٹھ کر رائیڈر کو کہتے ہیں کہ "بھائی، سیدھا کمرے تک آ جائیں"، تو ایک لمحے کے لیے یہ بھی سوچ لیجیے کہ رائیڈر بھی ایک انسان ہے، کوئی روبوٹ نہیں۔
500 یا 1000 روپے کا آرڈر کروا کر آپ نے رائیڈر کو نہیں خریدا ہوتا۔ وہ پورا دن دھوپ، گرمی، ٹریفک اور تھکن برداشت کرکے آپ تک آپ کا سامان پہنچاتا ہے۔ اگر ممکن ہو تو تھوڑا سا تعاون کر لیجیے؛ ایک دو منزل آپ نیچے آ جائیں، ایک دو منزل وہ اوپر آ جائے۔
افسوس کی بات یہ ہے کہ بعض لوگ الٹا یہ دھمکی بھی دیتے ہیں کہ "اوپر نہیں آتے تو آرڈر واپس لے جاؤ، کمپنی میں شکایت کر دیں گے۔"
مہربانی کرکے رائیڈرز کے ساتھ اچھا برتاؤ کریں۔ عزت، احترام اور تھوڑی سی سہولت دینے سے آپ کا کچھ نہیں جائے گا، لیکن کسی محنت کش کا دن ضرور آسان ہو جائے گا۔
