15/05/2022
*پولیس کا ہے فرض مدد عوام کی جلالپور بھٹیاں پولیس کا عام شہریوں سے روایتی رویہ شہری مایوس* ۔ گزشتہ روز رسولپور تارڑ میں عام شہریوں نے موقع سے رنگے ہاتھوں چور کو پکڑ لیا تھانہ جلال پور بھٹیاں پولیس کو اطلاع دی گئی پولیس کافی دیر بعد موقع پر پہنچی تو شہری چور کو لیے پولیس کے انتظار میں کھڑے تھے جب تھانہ جلال پور بھٹیاں کے پولیس اہلکار اپنی شاہی سواری میں پہنچے تو نیچے اترنے کی زحمت نہ کی اور گاڑی میں بیٹھ کر ہی حکم صادر فرماتے رہے اور الٹا شہریوں سے تلخ لہجے میں سوالات کرتے رہے جبکہ کئی ماہ سے اہل محلہ کے مطابق چوریوں کا سلسلہ جاری تھا جس کے باعث شہری خوفزدہ اور اذیت کا شکار تھے لیکن جب ایک تقریبا بیس سالہ نوجوان کو شہریوں نے ایک گھر کی چھت پر چوری کی نیت سے چڑھتے ہوئے دیکھا تو نوجوان بھاگ نکلا جسے کچھ دور ایک گلی سے دبوچ لیا گیا جب جلالپور بھٹیاں پولیس کو اطلاع دی گئی تو کافی دیر کے بعد پہنچی اور چور کو لے کر چلے گئے مگر عوام کے محافظوں نے عام شہریوں سے گاڑی سے نیچے اتر کر پورا واقعہ پوچھنے کی زحمت تک نہ کی ۔ جلالپور بھٹیاں پولیس کے اس رویے سے شہری مایوس ہیں