19/01/2026
یہ حادثہ دھند اور تیز رفتاری کے باعث پیش نہیں آیا بلکہ کوٹ مومن میں 14 افراد قتل ہوئے ہیں طریقہ واردات ہم آپکو بتاتے ہیں
برطانیہ میں کسی بھی گاڑی پر سفر کرنے سے پہلے اگر آپ کیساتھ کوئی بچہ ہو تو گاڑی میں بے بی سیٹ لگائی جاتی ہے۔ جس طرح گاڑی میں دیگر سیفٹی فیچرز کیساتھ ائربیگز مسافروں کو محفوظ رکھتے ہیں اسی طرح یہ بے بی چئیر بچے کو محفوظ رکھتی ہے۔
اگر کسی گاڑی میں یہ سیٹ نہیں اور بچہ ہے تو اسکا چالان اور لائسنس معطلی کی طرح دیگر سخت قانونی سزا کیساتھ آف روڈ کر دیا جاتا ہے۔ لہذا سو فیصد گاڑیوں میں بےبی اپنی الگ سیٹ میں بیلٹس کیساتھ بندھا ہوتا ہے کیونکہ زندگی بہت قیمتی ہے۔
اسی طرح ہر مسافر بردار گاڑی مسافروں کے سیفٹی ٹولز کے بغیر آن روڈ نہیں ہو سکتی۔ یہ ممکن ہی نہیں۔ ایسا سوچا بھی نہیں جا سکتا۔
تو یہاں یہ مژدھا ؟؟؟
کوٹ مومن حادثہ میں ایک ہی خاندان کے جانبحق ہونیوالے 14 افراد ایک مژدھے پر سفر کر رہے تھے جو جڑانوالہ سے نکلے اور اسلام آباد کے قریب کسی علاقہ میں فوتگی پر گئے اور پھر واپس آ رہے تھے۔ اس سارے سفر کے دوران کسی بھی ضلع کی ٹریفک انتظامیہ نے انہیں نہیں روکا اور نہ آف روڈ کیا۔
ایک دفعہ ٹریکٹر ٹرالی پر کوئی 40 شوقین کبڈی میچ دیکھنے جا رہے تھے تو راستے میں ایک نوجوان گر کر اسی ٹرالی کے ٹائر تلے آنے سے جانحق ہو گیا۔
سب کہتے رہے جمپ اور دھکا لگنے سے ایسے ہوا جبکہ ہلاکت کیوجہ اب آپ جان گئے ہوں گے۔
کتنے لوگ روزانہ ایسے سفر کرتے ہیں اور سسٹم انہیں نہیں روکتا!
اگر ٹریفک نظام، چالان کی عینک اتار کر دیکھے تو انکی ذمہ داری اس طرح کے کام کر کے شہریوں کو محفوظ سفر فراہم کرنا ہے
تو ان جانبحق ہونیوالے 14 افراد کی قاتل دھند اور تیز رفتاری ہے؟
کتنی باریکی سے ادارے اپنی غفلت حالات، موسم اور شہریوں پر ڈال دیتے ہیں۔
اگر یہ فیصل آباد کی تحصیل جڑنوالہ سے مزدھے پر سفر کیلیے نکلے ہیں
تو سی ٹی او فیصل آباد صاحب! آپ کے سسٹم نے انہیں روک کر آف روڈ کیوں نہیں کیا ؟ آپ کے وارڈنز کدھر تھے؟
کیا آپکو قاتل سمجھا جائے ؟
اور پھر اسی طرح ان تمام اضلاع کے سربراہان کو جن اضلاع سے وہ سفر کے دوران گزرے ؟
وزیر اعلی پنجاب مس مریم صاحبہ !
کیا آپ نے آج تک اس قانون کے مکمل نفاذ کی کوشش کی ہے جو پہلے سے ہی موجود ہے؟
جانتی تو آپ ہونگی کیونکہ آپ کے والدین نے چوتھا حصہ زندگی برطانیہ میں گزاری ہے
کیا آپ نے کبھی ایسی غفلت پر متعلقہ افسران کو سزا دی ہے ؟
یا بس انکوائری کا حکم دیا ہے، جیسے اب دیں گی ؟
مژدھا تو کسی صورت ان 20 تیس افراد کے سفر کیلیے نہ بنا تھا جو اس پر سفر کر رہے تھے۔ تو وہ کیسے 800 کلومیٹر سفر کر گئے اور کسی ضلع کے ٹریفک وارڈنز، پولیس اور نظام نے انہیں نہ روکا؟؟
آپ بھی انکی موت کیوجہ دھند اور تیزرفتاری سمجھتی ہیں یا متعلقہ افسران اور سسٹم ؟
جس نے انہیں قتل کیا ہے
#سیدھیات
City Traffic Police, Faisalabad
