13/08/2026
آئينه... غزل .. 80
د خيال.......... خوشبو په سلسله کښې بيعت شوی يمه
زۀ په فضا کښې ----------------- سراپا سرايت شوی يمه
سم د ماښام سره مې بلې شي ډېوې په زړۀ کښې
د ماسخوتن په ملاقات دې ------------- عادت شوی يمه
زۀ که فطرت يم -------------- نو نيمګړی نقل شوی يمه
که حقيقت يم----------------- نو غلط روايت شوی يمه
زۀ خو آسمان نۀ يم، انسان يم په يو حال کښې نۀ يم
يا به ټيټ شوی يمه -------------- يا به اوچت شوی يمه
چې خپل تعبير لره ----------- حېران او پرېشان ګرځمه
زۀ لکه خوب ------------- چرته ضرور خيانت شوی يمه
لکه سړک د کلي------------------- ښار ته رسېدلی يم خو
بيا بيا مات شوی يم------------- بيا بيا مرمت شوی يمه
لکه سپوږمۍ ----- چې ناپوره وم داغ مې پټ پاتې وۀ
چې پوره شوی يم -------------- دنيا ته جوت شوی يمه
د زاړۀ کور نه--------------------- نوي کور ته بهېدلی يمه
له زړو سترګو اوښکې اوښکې رخصت شوی يمه
د ملا په تير کښې مې سوړ لهر د احساس تېر شوی
د بې حسۍ له غشو، شکر-------------- بچت شوی يمه
جاوېد احساس
