02/04/2026
Gikan sa Plangana hangtod sa Krus: Pamalandong sa Gugma ug Serbisyo
Ang tinuod nga kahulogan sa pagka-Kristiyano dili makita sa gahum, kundi sa paubos nga serbisyo ug hingpit nga sakripisyo.
Ang Washing of the Feet (Pagpaubos):
Sa wala pa ang krus, niluhod una si Hesus aron manghugas sa tiil sa Iyang mga apostoles. Kini usa ka mensahe sa kalibutan karon: "Dili ka dako kay sa imong silingan." Ang tinuod nga lider mao ang andam moserbisyo sa labing ubos. Sa atong panahon nga puno sa garbo ug kompetisyon, gihagit ta sa paghugas sa "hugaw nga tiil" sa uban—ang pagdawat sa ilang mga kasaypanan ug pagtabang kanila nga walay pagpakaaron-ingnon.
Ang Last Supper (Pakig-ambitay):
Sa Panihapon, gihatag ni Hesus ang Iyang Lawas ug Dugo. Kini nagpahinumdom kanato nga ang kinabuhi gituyo aron ipakig-ambit (shared), dili aron itago para sa kaugalingon lang. Sa kalibutan nga puno sa kagutom ug kakuwang, ang Last Supper nagtawag kanato sa pagpikas-pikas sa atong "pan"—atong oras, atong grasya, ug atong kasingkasing—alang sa kaayohan sa tanan.
Ang Good Friday (Ang Hingpit nga Gugma):
Ang paghugas sa tiil ug ang panihapon nakakita sa ilang katumanan didto sa Krus. Ang serbisyo sa plangana nahimong sakripisyo sa Bukid sa Kalbaryo. Gipamatud-an ni Hesus nga ang gugma dili lang pulong, kundi lihok ug kinabuhi.
Pamalandong para sa Kaugalingon:
Sa akong pamilya o trabaho, andam ba ko "moluhod" aron moserbisyo sa uban, o pirme lang ko nagpaabot nga alagaran?
Sa akong pakig-uban sa uban, nagdala ba ko og "pan" (panaghiusa) o nagdala ko og "pagkabahin-bahin"?
WithGod
(Washing of the Feet)
