17/04/2026
edi maganda. pero wag muna umasa..masasaktan ka lang
https://www.facebook.com/share/p/1R39cpnbNB/
MAMBABATAS, ISINUSULONG NA GAWING TAX-FREE ANG MGA NAKAKATANGGAP NG P50,000 SWELDO PABABA
Inihain ni Deputy Speaker at TUCP party-list Rep. Raymund Democrito Mendoza ang House Bill (HB) 8860 o ang Patas na Ambag sa Tax para sa Angat-Sahod (PATAS) Act na gagawing libre sa buwis ang mga sweldo P50,000 pababa.
Sa kanyang pahayag, sinabi ni Mendoza na panahon na upang mabigyan ng kaginhawaan ang mga middle class na matagal ng nagdurusa sa buwis.
“For far too long, the middle class has been squeezed dry and taken for granted by our tax system: pinipiga ang karaniwang manggagawa na bihirang makinabang sa ayuda, habang ang tunay na malalaki ang kinikita ay nakakalusot,” ani Mendoza.
Sa ngayon ay tanging ang mga sumusweldo lamang ng P20,000 pababa ang ligtas mula sa income tax.
“Ibig sabihin, lahat ng kumikita ng ₱50,000 pababa kada buwan ay hindi na bubuwisan at ang bawat pisong pinaghirapan sa overtime, puyatan, at trabaho sa holiday ay buo nang maiuuwi sa pamilya. Ito ang tunay na patas: bawas buwis sa naghihirap na ordinaryong Pilipino habang ang sobrang yaman at sobrang pinagkitaan ang dapat mas buwisan, wika niya.
