24/10/2026
Madaling mag comply sa rules at batas.
Ang tanong, san napupunta ang pinaghirapan naming mga creators at negosyante?? π€
Transparency and results are what we Filipinos need. π―
Kung di nila to magawa, wag tayong titigil sa pagpukpok sa bulok nating sistema. π
Dear Bureau of Internal Revenue Philippines,
Kakaresign ko lang sa corporate. 15 YEARS. Labinlimang taong nagbabad ako sa isang kahon ng sistema. Labinlimang taong walang mintis na kaltas sa sweldo, dalawang beses kada buwan, diretsong dumeretso sa kaban ng bayan nang walang takas, walang palya, at walang reklamo. Kung susumahin, umabot sa PHP 2 Million ang buwis na ibinayad ko sa gobyernong ito habang nagpapagal ako para mabuhay nang marangal.
At ngayon, noong naglakas-loob akong iwan ang kahon na yun para magsimula ng tahimik at totoong buhay pabalik sa probinsya, para mag-aral mag-farming, magpalago ng sariling ani, at idokumento ang kwento ng pag-uugat sa lupa, ito ang sasalubong sa akin? Dami nyong paandar.
Mandato na maglagay ng digital badge at QR code ng rehistro para sa mga content creator? At mga nagveventure ngayon sa digital space?
Tigas din ng mukha nyo, ano?
Para sa inyo bang mga nakaupo sa aircon, kasingdali lang ng pag-click ng daliri ang kitain ang oras at pawis na ibinubuhos namin sa labas?
Itong current page ko, ang BRO Awakens, ay passion project lang. Hindi ito korporasyon. Hindi pa makakabuhay ng pamilya ang kaunting sentimong pumapasok mula dito, at sa totoo lang, hindi naman kailanman naging habol ko ang kita. Ang habol ko ay ang pagkamulat ng mga tao sa isang sistemang bulok at sakim, katulad na katulad ng ginagawa nyo ngayon.
Sa ngayon, sentimo lang. Pero kahit dumating pa ang araw na pumaldo ito dahil sa pagod at puyat, ang ibig niyo bang sabihin, kahit ang bawat patak ng pawis ko sa pagbabahagi ng reyalidad ng buhay ay kailangan ninyong lagyan ng metrong pang-negosyo? Kingina nyo. π€¬
Sobra nyong discouraging. Nagbayad na ako ng milyon. Ibinigay ko ang dekada ng kabataan ko sa pagiging tapat na taxpayer na ni minsan ay hindi nakatakas sa withholding tax. Ni minsan hindi ko naexperience mga ayuda nyo. Kingina nyo. Pero ngayon na pinipili ko namang huminga, lumayo sa ingay ng siyudad, at magsimula mula sa simula sa sarili kong lupa, hahabulin nyo pa rin ba ako pati sa maliit na espasyong ito kung saan gusto ko lang magkwento nang totoo?
Hindi ako employed ngayon. Wala rin akong balak mag-comply sainyo kahit kumita pa ako ng malaki rito. AYUSIN NYO MUNA ANG SISTEMA NYO.
Hindi na ito tungkol sa pagsunod sa batas. Tungkol na ito sa kawalan ng hiya ng isang sistemang walang ginawa kundi ang pulutin ang bawat patak ng dugo ng maliit na Pilipino, habang ang mga tunay na lumalamon sa kaban ng bayan ay malayang nagpapakasasa sa gitna ng luho.
Gusto nyo magpakita ang mga tao online ng proof ng registration para makasiguro kayong nagbubuwis kami?
Sige. Pero pwede rin kaya naming hingin sa gobyernong ito ang proof kung saan dumeretso ang bawat sentimo ng ibinayad namin? Fair naman siguro. Idisplay nyo rin online kung saan napunta ang bawat pisong pinaghirapan namin.
Sana ganoon din kalinaw at kabilis makita ng bayan:
Anong mga proyekto ang nakatanggap ng pondo?
Magkano ang eksaktong ginastos?
Natapos ba, o napunta lang sa wala?
Sino ang nakurakot, sino ang yumaman, at sino ang nanagot?
We deserve answers we can easily find and understand, and results we can actually see.
If transparency is required sa mga tapat na nagbubuwis it should be expected from those spending our taxes, too.
Kung gusto ninyong paghatian ang sentimong kita ng pahinang ito, sige, paghatian naten ang sentimo. Pero huwag ninyong asahan na tatahimik lang kami habang patuloy ninyong sinasakal ang bawat taong gusto lang namang mamuhay nang may dignidad at lumalaban ng patas.
Umaasang magbabago ang SISTEMA.
