𝙋𝙍𝙊𝙐𝘿 𝙁𝙈 𝘼𝙡𝙤𝙧𝙖𝙣

31/05/2026

ALYAS “REX” SIKOP SA BUY-BUST, 7 KA SACHET SA GIDUDAHANG SHABU NAKUHA!

ALORAN, Misamis Occidental – Sikop sa usa ka buy-bust operation ang usa ka lalaki nga nailhang alyas “Rex,” alas 4:50 sa hapon sa Purok 1, Barangay Dullan, Aloran.

Base sa report, malampusong nakapalit ang poseur buyer og usa ka sachet sa gidudahang shabu gikan kang alyas Rex. Human sa transaksyon, gilayon siyang gidakop sa mga operatiba. Dugang pa, ang suspetsado residente sa Barangay Talic, Oroquieta City, nidayo kini sa Aloran tungod Kay dunay Hatdan nga parokyano.

Sa lawasnong pagrekisa, nakuha pa gikan sa suspek ang dugang unom (6) ka sachet nga adunay sulod sa gidudahang shabu, hinungdan nga miabot sa pito (7) ka sachet ang kabuuang ebidensya nga narekober.

Ang operasyon gipangulohan sa Aloran Municipal Drug Enforcement Unit (MDEU) uban sa tabang sa Provincial Drug Enforcement Unit (PDEU) sa Misamis Occidental.

Ang tanang nakuhang ebidensya gidala na sa hustong awtoridad alang sa laboratory examination samtang ang suspek nag-atubang karon og kasong paglapas sa Comprehensive Dangerous Drugs Act of 2002.

27/05/2026

24/05/2026

LENDING COLLECTOR SIKOP SA DRUG BUY-BUST OPERATION SA ALORAN!

Nasikop sa gilusad nga Drug buy-bust operation ang usa ka 28-anyos nga lalaki nga nailhang si alyas Jovil, minyo ug nagtrabaho isip lending collector didto sa Purok 1, Barangay Lumbayao, Aloran.

Base sa report, napalitan ang suspek og usa ka sachet nga gidudahang shabu sa usa poseur buyer. Sa dihang gihimo ang pag body search, nakuhaan pa kini og lain pang dugang napulo ka sachet sa gidudahang ilegal nga droga.

Ang operasyon gipahigayon sa Aloran Municipal Police Station (MPS) uban sa tabang sa PDEU ug RMFB.

Padayon ang imbestigasyon sa kapulisan samtang gipangandaman ang pagpasaka sa kasong paglapas sa Comprehensive Dangerous Drugs Act of 2002 batok sa nadakpang suspek.

19/05/2026

BUY-BUST OPERATION SA ALORAN: SUSPEK DAKPAN, 14 KA SACHET SA GIDUDAHANG SHABU NAKUHA!

ALORAN, Misamis Occidental — Nasikop sa gilusad nga Drug buy-bust operation sa Purok 4, Barangay Makawa, Aloran alas 10:35 sa buntag ang usa ka suspek nga nailhang alyas “Chimy”.

Ang operasyon gipahigayon sa Provincial Drug Enforcement Unit (PDEU) uban sa tabang sa Aloran Municipal Police Station.

Matud sa kapolisan, napalitan sa poseur buyer si alyas “Chimy” og usa ka sachet sa gidudahang shabu atol sa operasyon. Human niini, gihimo dayon ang pagrekisa sa suspek diin nakuha pa ang laing 13 ka sachet nga gituohang adunay sulod nga shabu.

Gidala na sa otoridad ang mga nakuhang ebidensya alang sa hustong dokumentasyon ug laboratory examination samtang giandam usab ang kaso batok sa nadakpang suspek tungod sa paglapas sa Comprehensive Dangerous Drugs Act of 2002.

14/05/2026

BUY-BUST OPERATION SA LUNGSOD SA ALORAN, ALYAS JASPER SIKOP!

NADAKPAN sa usa ka drug buy-bust operation nga gipahigayon sa mga kapulisan sa Aloran Municipal Police Station ang usa ka lalaki sa Purok 1, Conat, Aloran alas 7:38 sa gabii. Ang suspek giila nga si Jasper, residente sa Purok 6, Conat, Aloran.

Matud pa sa kapulisan, nakapalit ang poseur buyer og usa ka sachet nga gituohang shabu gikan sa suspek atol sa operasyon.

Sa dihang gihimo ang pag body search batok sa suspek, nakuhaa pa kaniya ang laing unom ka sachet nga adunay sulod sa gituohang ilegal nga droga.

Ang operasyon gipahigayon sa mga operatiba sa Aloran Municipal Police Station isip kabahin sa kampanya batok sa ilegal nga droga sa lungsod.

07/05/2026

“SMUGGLED CI******ES, DAKPAN SA OPERASYON SA KAPULISAN SA LUNGSOD SA ALORAN!

Nasikop sa kapulisan sa Aloran ang usa ka alyas Lloyd, residente sa Purok Matinud-anon, Barangay Maningcol, Ozamis City atol sa operasyon nga gihimo alas 2:00 sa hapon, Mayo 7,2026 didto sa Purok 1 Dalisay, lungsod sa Aloran.

Base sa inisyal nga taho, nakuha gikan sa posesyon sa suspetsado ang nagkadaiyang klase sa sigarilyo nga walay klarong dokumento. Lakip sa mga nakumpiska mao ang 2 reams sa Astro White, 29 reams sa Berlin Red, 14 reams sa Cannon Menthol, 38 reams sa Astro White ug 14 reams sa Astro Red.

Gidala sa kapolisan ang suspetsado ngadto sa estasyonan sa kapulisan aron maimbestigahan ug maandam ang posibleng kaso nga ipasaka batok kaniya kabahin sa ilegal nga pagpamabaligya sa mga sigarilyo nga walay kaukulang papeles.

Padayon pa sa pagkakaron ang imbestigasyon sa mga otoridad aron matino kon asa gikan ang maong mga produkto ug kinsa pa ang posibleng nalambigit niini.

29/04/2026

Editoryal: (Glint "Papa G" Lagata Siete)

Probable Cause Ba Gyud o Politikal nga Dula?

Sa nahitabo karon nga impeachment issue, daghan ang nangutana: tinuod ba nga adunay “probable cause,” o usa lamang ba kini ka pamaagi aron ipakita nga adunay basehan bisan kulang ug lig-on nga ebidensya? Kini nga pangutana importante kaayo tungod kay ang impeachment dili ordinaryong proseso. Kini usa ka seryoso nga lakang batok sa usa ka taas nga opisyal sa gobyerno, busa kinahanglan kini ibase sa kamatuoran, lig-on nga ebidensya, ug hustong proseso sa balaod.

Ang pulong nga “probable cause” kasagaran gigamit aron ipakita nga adunay igo nga basehan sa pagsugod sa usa ka kaso. Apan dili kini pasabot nga pwede nang ipugos ang kaso bisan huyang ang mga pruweba. Kung ang gipakita nga ebidensya puro alegasyon, tsismis, hearsay, o mga dokumentong walay klarong kalabutan sa giakusahan, lisod tuohan nga adunay tinuod ug patas nga probable cause. Ang balaod wala gibuhat aron mahimong instrumento sa pamolitika, kundili aron mapanalipdan ang katawhan ug ang hustisya.

Sa mata sa katawhan, klaro kaayo kung ang usa ka proseso ginaduso tungod sa interes sa pipila ka politiko. Kung ang impeachment himuong armas batok sa kontra sa politika, dili lang usa ka tawo ang madaot kondili ang pagsalig sa publiko sa tibuok sistema sa gobyerno. Ang katawhan nabalaka, kung mahimo kini karon sa usa ka opisyal, unsa pa kaha ang mahimo sa umaabot batok sa yanong tawo nga dili pabor sa nagharing grupo?

Dili ikalimod nga adunay mga panahon nga ang impeachment ang hustong pamaagi aron papanubagon ang abusadong opisyal. Apan aron mahimong matarong kini, kinahanglan adunay klaro, konkreto, ug masaligan nga ebidensya. Dili igo ang pag-ingon nga “naa man probable cause” kung sa pagsusi sa sulod sa kaso, walay igo nga basehan. Ang probable cause dili dapat mahimong magic word aron tabunan ang kahuyang sa reklamo.

Ang mas dakong kadaut ani mao ang pag-usik sa oras ug kuwarta sa gobyerno. Samtang naglalis ang mga politiko sa impeachment, daghang problema sa nasod ang naghulat ug solusyon sa taas nga presyo sa palaliton, kakulang sa trabaho, problema sa agrikultura, krimen, ug serbisyo sa panglawas mahal ang gasolina ug labaw sa tanan, ang labing batakang hisgutanan ang " Ghost Flood Control Project" . Ang katawhan nanginahanglan og aksyon, dili politikal nga drama.

Busa, angay nga ang mga mambabalaod magmatngon ug magmatinud-anon sa ilang responsibilidad. Dili nila gamiton ang ilang gahum alang sa personal o partidong interes. Ang impeachment kinahanglan gamiton lamang kung klaro ug pamatud-anon ang sala, dili tungod kay kusog ang pressure sa politika (Numbers Game).

20/04/2026

₱1.39 MILYON NGA SHABU, NASAKMIT; GI-ARESTO ANG GIINGONG COURIER SA MISAMIS OCCIDENTAL

PLARIDEL, Misamis Occidental — Nasakmit sa kapulisan sa lungsod sa Plaridel ubos sa supervision ni PCPT. CEPRIANO A. BARON ang dako nga kantidad sa gidudahang shabu ug naaresto ang usa ka giingong drug courier atol sa ilang roving patrol sa Purok 5, Barangay Southern Poblacion, sayong kabuntagon sa Abril 20, 2026.

Ang suspek giila sa alyas nga “Harries,” 26 anyos, residente sa Lanao del Norte. Nakuha ang atensyon sa mga otoridad ang kadudahang lihok sa suspetsado samtang nagdala og kahon nga sa ulahi nasuta nga adunay sulod nga ilegal nga droga.

Misulay pa ogikyas ang suspek apan napugngan ug dayon nadakpan kini sa mga operatiba sa Plaridel Municipal Police Station.

Narekober gikan sa suspek ang gibanabana nga 205 gramos sa gidudahang shabu nga adunay Standard Drug Price nga mokabat sa ₱1,394,000. Lakip usab sa nasakmit ang kapin sa 40 ka sachet sa shabu, karton nga sudlanan, cellphone, mga bag, pitaka, relo, ug ₱1,500 nga cash.

Gikustodiya karon sa kapulisan ang suspek ug nag-atubang og kaso tungod sa paglapas sa Republic Act 9165. Padayon ang imbestigasyon aron mahibal-an ang gigikanan sa droga ug ang posibleng koneksyon niini sa ilegal nga operasyon.

15/04/2026

TULO (3) KA PERSONAHE NASIKOP SA DRUG BUY-BUST SA OROQUIETA CITY!

Oroquieta City — Nahulog sa mga kamot sa otoridad ang tulo (3) ka mga personhe sa gipahigayong drug buy-bust operationAbril 15, 2026, Alas 7:00 sa gabii didto sa Purok 3 (Lawis), Brgy. San Vicente Bajo.

Gilusad ang operasyon sa PDEA Misamis Occidental kauban ang CDEU, PNP Oroquieta ug 1002nd RMFB.

Ang mga suspetsado naila nga sila alyas “Dan Dan”, 36 anyos, laborer alyas “Danny”, 46 anyos, construction worker
ug usa ka alyas “JR”, 64 anyos, laborer nga puro residente sa P-3 (Lawis), Brgy. San Vicente Bajo, Oroquieta City.

Narekober gikan sa mga suspetsado ang Isa (1 )ka sachet sa gidudahang shabu (buy-bust item) lima (5 ) ka gagmayng sachet (nakuha sa body search) laing isa (1) ka dako nga sachet nga gidudahang shabu ug P500 nga marked money.

Sa pagkakaron giandam na ang kaso batok kanila tungod sa paglapas sa RA 9165.