16/06/2026
Ano kaya masasabi ngayon ng mga operator, driver at mga batang patokista dito ??
๐๐๐๐๐ ๐๐๐๐๐๐๐, ๐๐-๐๐๐๐๐๐๐ ๐๐ ๐๐๐๐๐๐๐๐ ๐๐๐๐๐๐๐ ๐๐๐๐๐๐๐ ๐๐ ๐๐๐๐๐๐๐๐๐๐๐ ๐๐๐๐๐๐๐๐๐๐ ๐๐๐๐๐๐๐๐๐ ๐๐ ๐๐๐ ๐๐ ๐๐๐๐๐๐๐๐; ๐๐๐โ๐ ๐๐๐๐๐ ๐๐๐๐๐๐๐๐ ๐๐๐๐๐๐๐๐๐๐, ๐๐๐๐๐๐๐๐ ๐๐ ๐๐๐๐๐๐ ๐๐๐๐๐๐๐๐๐๐
Muling pinaalalahanan ng Land Transportation Office (LTO), sa pamumuno ni Assistant Secretary Markus V. Lacanilao, ang mahigpit na pagpapatupad ng mga batas-trapiko laban sa mga driver ng pampublikong sasakyan na lumalabag sa umiiral na regulasyon at umiiwas sa mga isinasagawang enforcement operations ng LTO.
Ang paalala ay kasunod ng pagkakahuli sa isang jeepney driver sa Marikina City matapos nitong tangkaing tumakas sa isinagawang checkpoint operation ng LTO na kumakalat sa social media.
Batay sa video, hindi umano huminto ang driver nang sitahin ng mga enforcer at nagpatuloy pa rin sa pagmamaneho kahit may mga pasahero, na nagdulot ng panganib hindi lamang sa mga sakay ng sasakyan kundi maging sa iba pang motorista at mga pedestrian sa lugar. Kalaunan ay naharang din ng mga enforcer ang sasakyan at isinailalim sa inspeksyon.
Matapos ang isinagawang inspeksyon at beripikasyon ng LTO enforcer, agad na nag-isyu ng Temporary Operatorโs Permit (TOP) sa driver dahil sa mga natuklasang paglabag.
Sa pagsusuri, napag-alamang walang maipakitang driverโs license ang driver at hindi rin naiprisinta ang Official Receipt (OR) at Certificate of Registration (CR) ng sasakyan. Naitala rin na ang jeepney ay may depektibong brake lights at hindi gumaganang handbrake, na kapwa itinuturing na seryosong banta sa kaligtasan sa kalsada. Ang naturang sasakyan ay kasalukuyang naka-impound sa LTO Central Office para sa kaukulang aksyon.
Kasabay nito, naglabas na rin ang LTO ng Show Cause Order (SCO). Ang driver at rehistradong may-ari ay inaasahan na humarap sa tanggapan ng Intelligence and Investigation Division (IID) sa LTO Central Office at magsumite ng kanilang paliwanag kaugnay ng mga alegasyon.
Samantala, ang rehistradong may-ari ng sasakyan ay maaari ring managot sa paglabag na Employing Reckless Driver at Breach of Franchise, kaugnay ng nasabing insidente.
โPatuloy nating paiigtingin ang pagpapatupad ng batas laban sa mga lumalabag sa mga regulasyon sa lansangan. Inaasahan natin na ang mga driver ng pampasaherong sasakyan ay magiging responsable at susunod sa mga umiiral na alituntunin para sa kapakanan ng kanilang mga pasahero at ng publiko,โ ani Lacanilao.
Tinitiyak ng LTO ang patuloy na mahigpit na pagpapatupad ng mga umiiral na batas-trapiko sa kalsada, at binigyang-diin ni Assistant Secretary Lacanilao ang kahalagahan ng patuloy na maayos na pagganap ng mga enforcer sa kanilang tungkulin para sa isang ligtas na kalsada.
