25/09/2026
Nag signed na si PBBM.
Nilagdaan na ngayong araw ni Pangulong Bongbong Marcos Jr. bilang batas ang 𝗥𝗲𝗽𝘂𝗯𝗹𝗶𝗰 𝗔𝗰𝘁 𝗡𝗼. 𝟭𝟮𝟯𝟮𝟲 na nagtatakda sa limang (5) taon ang termino ng panunungkulan ng mga Barangay Officials at mga miyembro ng Sangguniang Kabataan.
Sa ilalim ng bagong batas, hanggang dalawang (2) magkakasunod na termino ang maaaring pagsilbihan ng mga Barangay Officials sa parehong posisyon, habang isang (1) termino naman para sa mga Sangguniang Kabataan Officials.
Ang mga kasalukuyang opisyal na saklaw ng dalawang taong extension ay ituturing nang nakapagsilbi ng isang buong limang-taong termino, habang ang mga nasa kanilang huling termino ay hindi na maaaring tumakbo muli sa parehong posisyon.
Dahil dito, ang nakatakdang Barangay at Sangguniang Kabataan Elections (BSKE) sa Nobyembre 2 ay hindi na itutuloy, at ang susunod na halalan ay sa ikalawang Lunes ng Nobyembre 2028. Ang bagong election cycle ay bahagi ng transition tungo sa limang-taong termino ng mga Barangay at SK Officials.
Nagpapasalamat ang Liga sa Pangulo sa tiwalang ipinagkaloob sa mga barangay sa pamamagitan ng mas mahabang panahon para makapaglingkod sa ating mga komunidad. Kasabay ng panibagong pagkakataong ito, hinihikayat ng Liga ang lahat ng Barangay Officials na pagbutihin pa ang serbisyo, palakasin ang mga programa, at gawing mas makabuluhan ang bawat araw ng panunungkulan para sa ating mga kabarangay.
Ang dagdad panahon sa paglilingkod ay pagkakataon para makagawa ng higit pa at mas malaking pananagutan para sa bawat barangay.
🫰🏻💙
