07/10/2026
Addendum: Para po sa mga nais na dumalaw at mag-alay ng panalangin kay Tatay Elmer, siya po ay nananatili sa Resurrection Chapel, Immaculate Heart of Mary Parish (Claret Church), 2 Mahinhin St., Diliman, Quezon City hanggang 13 ng Oktubre.
-----
Buong-pusong nakikiramay ang Inklusibo sa pamilya at mga kasama sa PISTON: sa pagpanaw ni Elmer 'Tatay Elmer' Cordero.
Sa loob ng mahabang panahon, walang tinag na nanindigan si Tatay Elmer para sa karapatan ng mga tsuper at mga komyuter. Masigasig niyang ikinampanya at ipinaglaban ang progresibo, makabayan, at makamasang uri ng pampublikong transportasyon, at aksesibleng serbisyong panlipunan para sa lahat.
Isa ang Inklusibo sa humanga sa talas ng kanyang prinsipyo at pananaw hinggil sa mga pangyayaring panlipunan. Dahil dito, lalong lumalim at tumibay ang aming relasyon sa PISTON at sa sektor ng mga tsuper. Walang pakundangan siyang nakilahok sa iba't ibang mga protesta at strike, mga kampanya, at mga gawain upang maipaglaban nang husto ang karapatan nating lahat.
Matinding kalungkutan ang dala ng pagpanaw ni Tatay Elmer. Pero kung siya man ay buhay ngayon, hihimukin niya kami na ngumiti at patuloy na lumaban.
Maraming salamat, Tatay Elmer sa ipinamalas mo na malasakit at militansya sa loob ng mahabang panahon. Dala namin ang lahat ng mga aral at mga alaala mo upang mas mapalakas ang pakikibaka natin para sa isang inklusibo at makataong bukas.
*Litrato mula kay Mga Kuha ni Bert.
