21/12/2025
"No Entry" Citation ra, settled na pagyud, Naa na dayun warrant? Worst case, detained?
Long post ahead....
Thursday, December 18, 2025 5:45 PM. Naay ni contact namo nga police thru facebook, first sa ako partner ni tawag thru messenger, ni engon "PSSG sya sa LLC station 3 daw siya, then naa daw importante tuyo need sya mu call para ma explain" so mao to, nag video call mi, so ako na huna-huna, na shock pa, like unsa ako nabuhat? fastforward. Nag video call mi gpakita sa akoa ang warrant nga naa sa eyang tab, ni explain nga di pede picturan, aria lang sa station kay pangyuan ka namo og information dili ra ka namo dakpon, so mao to 7pm-8pm, Nanawag ko sa agaw nako nga police, pa verify if tinood ba gyud, kay di katoohan manukad ang police og communicate sa facebook, so ge adto namo sa ako partner sa station 3 LLC (Hoopsdome)
Ge explainan mi, tas getagaan mig form ug usa ka bondpaper gipakita sa amoa, base sa form na shock mi kai naa nakabutang "Warrant of Arrest", "For Violation City /Municipal Ordinance Disregarding No Entry Sign", so in my mind, "ha, ngano man, settled namn to ako violation, paid nasad to nako Sept 4 pa". Now sa ka shock namo, na picturan sa ako partner ang warrant, pagclick palang, ni anah dayun siya (ang police nga nagoa adto namo),
"Mam, since emo namn g picturan, e detain nako c sir karong gabhiona, sakto kaayu aton sabot nga dili picturan" mao to nakuyan nami duha, wa nami kasabot nangayu namig sorry bsag saon pa namo d nagyud siya mupasaylo namo, so mao to na treat as kreminal nako, gkan sa picture taking, finger print etc bsta tanan pang kreminal nga handling naa na, nag loading nako sa panghitabo nanghilak nami up until na abot na pamedical sakay mig patrol car, hangtud gehatud sa detention (jail) legit jail gyud, kuyug sa mga na priso pud. Paeta goberno noha gyud.
Back story sa Citation
August 28, 2025. Nadakapan kog no entry sa Buaya merkado, nisud ko ug no entry, first time nako ni agi dha kai routa jd nako going Mactan, kato na time ge ayu ang Bankal to Mactan unya traffic kayu, so mao to nadakpan ko, admit pd nako sayup ko. So fast forward, Nangeta pako adlaw mag leave para bayaran nako ang citation.
September 4, 2025. Nibayad ko sa citation. First, didto kog City Hall, pero d sila mudawat kai wala daw naka butang nga amount, so g refer ko paadtuon sa CTMS office didto sa Hoopdome, so didto pd tawn ko, so niabayad ko 1k. So mao to, very manual ang process jd wala silay lista or excel diretso ra kuha sa ticket tagaan resibo, unya bayad, wa pd nag instruct if naa pay sunod buhaton, ni ask ko if okay naba, nitando rapd sila "okay na."
So mao to, naa nakoy peace of mind kay na settle na nako ang akong violation.
So mao to December 18, 2025. Detained, gekan sa picture taking nga mura jd kag kreminal, fingerprint tanan², pa medical sakay patrol padung prisohan, as in legit naka tulog kog prisohan sa cityhall dapit sagol sa mga legit nga naa jd kaso, mga pusher/dealer naa pd ko mga na friend nalng, shout out nalng ko nila kay grabeh ka friendly og na amigo ra nako pd.
December 19, 2025. Nag process ako paris sa tanan requirements para pyansa. Gipakita nya adto ang resibo sa akong payment ug grabe ka frustrating kay iyang storya sa akoa, ang staffs adto sa MTCC Branch 2 sa hall of justice, niingon nga daghan na kaayo same case sa akoa...nga nabayran na ang citation but nalutsan gihapon ug Warrant! niana gud kuno ang staff "grabiha ka unfair ani nila oi, wa mani nila (CTMS) gi confirm nga nakabayad na ang violators usa pa nag send sa names sa mga pakasohan!, daghan najud kaayo na ing-ani nga case." unya, gi check niya ang date na file ang case kay basin daw nag una ug file ug case usa pa nako nabayran..pero pag tan aw niya, October 10, 2025 pa na file ang case! unya ang resibo nga nabayran nako ang citation kay Sept 4, 2025, more than a month! syaro wa nila na check ug confirm nga paid nako!!
So nangutana sad mi nganong dretso warrant, wala ko kadawat ug summon. Ingon sa MTCC Brand 2, katulo na ka higayon nga ila daw ko gipangita sa akong address. Wa gyud daw nakaila nako sa akong address. Ang rason ana, nag boarding house rako diri sa Lapu2 since 2015 din balhin² of boarding house, ug mag ulian pud ko sa Carcar ug way duty ug ego ragyud ko matulog, kay eneg buntag duty sa opisina. Boarding house ug trabaho rajud ko pirme.
Ang amoa lang kai, grabeh kayg damage ang kini nga experience, ang trauma, murag hangtud karon d pako kadawat nga na priso ko sa no entry ra, d pajd akoang sala, humana akong side nabuhat na nako akong obligasyon nga bayaran ang akong violation, how come naabot sa piskal nga paid namn 5, sud pas 5 working days ang pagbayad nako sa citation. Sa below nako na timeline.
Timeline
August 28 - Citation (No entry)
September 4 - Paid citation (CTMS office) w/ receipt
October 10 - Case filed at MTCC Branch 2 Lapu-Lapu
November 27 - Na issue ang warrant
December 18 - Ni adto mi station 3 and detained sa cityhall dapit na jail
December 19 - Bailed and released na (2K ang pyansa)
Sa akoa na side grabeh ka unfair, ang nagtinarong pag bayad sa goberno mao pay ma alaot.
Released nako ron but naa mi hearing January 2026.
Unta ma actionan ning CTMS ug d na maka disturbo og laing taw. Dapat centralize na sila ug before sila mag submit names dapat e verify nila if bayad naba ayha pa i forward sa piskal. Dako kayg damage, magka record pa unya way henungdan, no entry ra.
Sa station police, unta mo consider mo sa case, di man intawn na kreminal case amo nabuhat but enyu mi etrato nga kreminal amo nabuhat, at the first place di namo sala, kai nabuhat na namo amo part, na bayad nami sa citation within the 5 working days. Sakto bang sa facebook mag contact para warrant?
Ug kamo naa sa mga government offices, kamo mismo kahibaw mo asa nga mga offices ang nagkulang ug naay sayop ug dili raman kaisa nahitabo, kadaghan naman diay (kamo na mismo nag ingon). Pwede man nga kamo mismo mu report sa kani nga issue para ma prevent pud nga daghan mo nga reklamo madawat. Kalas kaayo ang oras sa mga staffs ug sama namo nga nangahasol ug process ani nga case unya tungod ra sa negligence sa CTMS! Aksyonan pud unta nato!
Manawagan mi sa mga nakasuway na ani nga case. P**i comment sa inyohang experiences ug unsa man ang angay buhaton ani.
Mamalihog lang pud mi ug mention sa comment section sa CTMS, ni Congressman Ahong Chan ug Mayor Cindy Chan. Unta ma aksyonan ning negligence sa CTMS sa paspas nga panahon!
Salamat ug amping mong tanan!
