04/04/2026
๐๐๐ ๐๐๐๐ - ๐๐ง ๐๐ค๐๐๐ฎ๐ฐ๐๐ง๐ ๐๐๐๐ญ๐๐ง๐
Sa ikaduwang kabtang kan An Pasyon ni Kristo, mas nahihiling ta an rarom kan saiyang pag-sakit asin an dakulang sakripisyo na ginibo niya para sa gabos.
Sa paghusga asin paghampak sa saiya, narurumduman ta na may mga pagkakataon na an katotoohan dai tulos inaako, asin minsan an tawo nakukulugan dahil sa paghusga kan iba. Iniimbitaran kita na magin mas makatao, makiintindi, asin nagpapahiling nin hustisya asin malasakit sa kapwa.
Sa dalan na saiyang inaagihan, nahihiling ta na bako man madali an pagdara kan krus. May mga oras nin kaluyahan asin pagkatumba, pero may mga tawo man na andam na magtabang asin magpahiling nin pagkamoot. Ini pagiromdom na sa satong sadiring buhay, dai man kita nagsosolo sa pag atubang kan mga agyat sa buhay.
Asin sa huring eksena kan pagsakit asin kagadanan ni Kristo, nahihiling ta an pinakadakulang anyo kan pagkamoot โ an pag-alay kan sadiri para sa kaligtasan kan iba.
Sa aldaw na ini kan Semana Santa, napatunayan ta na sa pagtuninong makapaghorop horop kita kun pano ta dinadara an satong sadiring krus, kun paano kita nagiging ilaw asin tabang sa kapwa, asin kun paano ta mas pinapararom an satong pagtubod sa Diyos.
