TATAK Delos Santos

15/08/2026

Ampunin mo kami't kupkop, Roqueng kapalara'y puspos. Nang kami'y maging karapat dapat kay Hesukristong Panginoon. 🤎

04/07/2026

Mula sa Marikina patungong Antipolo, sama sama nating ipagdiwang ang pananampalataya at debosyon. Halina at makiisa sa maringal na prusisyon ni Tata Tonio sa pagtatapos ng Panahon ng Ahunan. Viva San Antonio de Padua.

𝗣𝗔𝗔𝗡𝗬𝗔𝗬𝗔 | Bilang pagtatapos ng ating taunang Ahunan sa Antipolo. Inaanyayahan ang lahat ng mga deboto at mananampalataya na makibahagi sa makabuluhang pagdiriwang na ito.

Halina at sama-sama nating tapusin ang Ahunan sa Antipolo nang may pusong puno ng pasasalamat at pananampalataya.

20/05/2026

Tena’t ating samahan si Tata Tonio at ang Mahal na Birhen Sa darating na Mayo 23 alas-5 ng hapon.

𝗣𝗔𝗔𝗡𝗬𝗔𝗬𝗔 | Inaanyayahan ang lahat na makiisa sa 𝐏𝐚𝐧𝐚𝐩𝐨𝐬 𝐧𝐚 𝐏𝐚𝐠𝐝𝐢𝐫𝐢𝐰𝐚𝐧𝐠 𝐧𝐠 𝐊𝐚𝐩𝐢𝐬𝐭𝐚𝐡𝐚𝐧 𝐧𝐠 𝐍𝐮𝐞𝐬𝐭𝐫𝐚 𝐒𝐞ñ𝐨𝐫𝐚 𝐃𝐞 𝐋𝐨𝐬 𝐃𝐞𝐬𝐚𝐦𝐩𝐚𝐫𝐚𝐝𝐨𝐬.

Makiisa sa banal na pagdiriwang ngayong Mayo 23, 2026 bilang pagpupugay at pasasalamat sa ating mahal na Ina.

4:30 PM – Banal na Misa sa Diocesan Shrine and Parish of Nuestra Señora de los Desamparados
5:30 PM – Maringal na Prusisyon kasama ang ating patron na si San Antonio at ang Iba’t-ibang Parokya sa Bikaryato ng Nuestra Señora de los Desamparados.

Sama-sama nating ipahayag ang ating pananampalataya at debosyon sa pamamagitan ng panalangin at pakikiisa.

15/05/2026

Sa bawat hakbang ng “SUNDUAN” muling nabubuhay ang pananampalatayang minana natin sa ating mga ninuno. Hindi lamang ito paglalakad sa lansangan, kundi taimtim na paglalakbay ng puso tungo sa pagkakaisa, debosyon, at pag-alala sa mga banal na patron na naging saksi sa kasaysayan ng ating bayan.

Sa paglalapit nina Tata Tonio at Tata Roque, nawa’y manatiling buhay ang tradisyong sumasalamin sa ating kultura, pananampalataya, at pagmamahal sa Diyos, isang pamana ng kahapon na patuloy nating isinasabuhay at patuloy na sinasangkapan ng pagmamahal para sa susunod na salinlahi.

01/05/2026

Tena na, sa Lutrina Marikina! Unang araw ng tradisyong karu-karuhan ng mga kabataan. Sama-sama tayo sa pagpapatuloy ng kulturang pamamanata ng mga batang Marikenyo.

Muling makikita sa taunang paglabas ng mga maliliit na imahen at karosa! ❤️