स-क्ह्रोँए क्ल्हेप्री समूह बन्कट्टा

31/05/2026

03/05/2026

प्रयास जारि छ 😊 अमन गुरूङ ।
स क्ह्रोँए क्ल्हेप्री समुह (छ्युलु) नाच

24/04/2026

स्व. दर्पण तमुलाई गुमाएको घाउ अझै ताजै रहँदै गर्दा, ठिक ११ दिनको अन्तरमै उहाँकी बजै आमालाई पनि गुमाउनुपरेको खबरले हामी सबैलाई पुनः मर्माहत बनाएको छ।

समूहका हरेक भेटघाट, हरेक जमघटमा आज पनि उहाँको अभाव खड्किन्छ। कतै न कतै एक जना अपूरो भएको, एक स्वर कम भएको अनुभूति बारम्बार भइरहन्छ। त्यो हाँसो, त्यो उपस्थिती अब सम्झनामा मात्र सीमित भएको छ।

११ दिनको छोटो अन्तरालमा ११ जना पितृहरूलाई एकैपटक पायक कार्य गर्नु परिरहेको यो क्षणले हाम्रो मनलाई झन् भारी बनाएको छ। यस्तो पीडादायी घडीमा शब्दहरू पनि कमजोर भई जान्छन्।

स्व. दर्पण तमु र उहाँकी बजै आमा प्रति हार्दिक श्रद्धाञ्जलि अर्पण गर्दै, शोकसन्तप्त परिवारजनमा धैर्य धारण गर्ने शक्ति प्राप्त होस् भनी कामना गर्दछौँ। उहाँहरूको आत्माले चिरशान्ति पाओस् ।

20/04/2026

स क्ह्रोँए क्ल्हेप्री समुह बनकट्टाको मुटुमा अझै ताजा रहेको घाउ फेरि बल्झिएको छ। ११ दिनको छोटो अन्तरालमै, हाम्रो आफ्नै स्व. दर्पण तमुका प्रिय बजै आमा हिरा माया तमुस्यो लाई पनि गुमाउनु परेको यो क्षण शब्दले व्यक्त गर्न नसकिने पीडादायी बनेको छ।

१९९६/०३/०८ मा जन्मिएकी उहाँले २०८३/०१/०६ बिहान यस संसारबाट बिदा लिनु भयो। दर्पणसँग जोडिएको स्मृतिहरू अझै ओझेलमा जान नपाउँदै, उहाँको बजै आमा हिरा माया तमुस्यो को यो असमायिक बिछोडले हामी सबैलाई पुनः स्तब्ध बनाएको छ।

दर्पण र उहाँको परिवारसँग जोडिएका हरेक सम्झनाहरू अहिले झन् भारी बनेका छन्। नाताको गहिराइ, मायाको उचाइ, र सँगै बिताएका पलहरू आज आँसु बनेर झरिरहेका छन्। एउटै परिवारमाथि छोटो समयमा परेको यो दोहोरो चोटले हाम्रो समुहलाई नै शोकमग्न बनाएको छ।

स्व. दर्पण तमु र उहाँकी बजै आमा हिरा माया तमुस्यो — तपाईंहरू हाम्रो मन र सम्झनामा सधैं जीवित रहनुहुनेछ। तपाईंहरूले छोड्नुभएको माया, आत्मीयता र सम्झनाहरूले हामीलाई सधैं एकजुट बनाइरहनेछ।

यस कठिन घडीमा हामी सम्पूर्ण स क्ह्रोँए क्ल्हेप्री समुह बनकट्टा, शोकाकुल परिवारप्रति गहिरो समवेदना व्यक्त गर्दै, दिवंगत आत्माहरूको चिरशान्तिको कामना गर्दछौं।

14/04/2026

हार्दिक श्रद्धाञ्जलि

वालिङ–८, आग्री डाँडा निवासी गुन बहादुर गुरूङज्यूको मिति २०८२ साल चैत्र २९ गते असामयिक देहावसान भएको दुःखद खबरले हामी अत्यन्त मर्माहत भएका छौँ।

स्वर्गीय गुरूङज्यूको निधनले परिवार, आफन्तजन तथा समग्र समुदायमा अपूरणीय क्षति पुगेको छ। उहाँको सरल स्वभाव, मिलनसार व्यवहार र समाजप्रतिको योगदान सधैं स्मरणीय रहनेछ।

यस दुःखद घडीमा शोकाकुल परिवारजनप्रति हार्दिक समवेदना व्यक्त गर्दै दिवंगत आत्माको चिर शान्तिको कामना गर्दछौँ।

भावपूर्ण श्रद्धाञ्जलि

13/04/2026

स क्ह्रोँए क्ल्हेप्री समुहका प्रिय सदस्य दर्पण गुरूङ अब हाम्रो माझ रहनु भएको छैन। 😔

उहाँको असमायिक निधनले हामी सबै स्तब्ध र मर्माहत भएका छौँ। उहाँप्रति हार्दिक श्रद्धाञ्जलि व्यक्त गर्दै, आत्माको चिरशान्तिको कामना गर्दछौँ। 🙏

💔 स क्ह्रोँए क्ल्हेप्री समुह परिवार
#श्रद्धाञ्जलि

10/04/2026

हामी स क्ह्रोए क्ल्हेप्री समुहले मिति २०८२/१२/२५ मा घटेको असमायिक घटनामा आफ्नो एक होनहार युवा सदस्य दर्पण गुरूङलाई गुमाएका छौँ। यो अपूरणीय क्षतिले सम्पूर्ण समुह स्तब्ध र मर्माहत भएको छ… 😔

उहाँ सधैं सबैलाई दाजुभाइझैँ माया गर्ने, साथ दिने र सकारात्मक सोचले अगाडि बढ्ने प्रेरणादायी व्यक्ति हुनुहुन्थ्यो। उमेरले सानो भए पनि व्यवहार, सोच र सिक्ने इच्छाले सबैका लागि उदाहरण बन्नु भएको थियो। उहाँसँग बिताएका क्षणहरू, कुराकानीहरू र सम्झनाहरू सधैं हाम्रो मनमा जिउँदै रहनेछन्।

आज सामाजिक सञ्जालभरि श्रद्धाञ्जलिका शब्दहरू देख्दा पनि, उहाँको अभावलाई शब्दमा व्यक्त गर्न असम्भवजस्तै लागिरहेको छ। कहिलेकाहीँ अझै पनि उहाँ समुहमा सँगै रहेको देखिनु हुन्छ कि भन्ने आशामा नजर दौडाउँछौँ… तर वास्तविकता निकै पीडादायी छ—उहाँ अब हाम्रो बीचमा रहनु भएन… 😢

हामी सम्पूर्ण समुह परिवार उहाँप्रति हार्दिक श्रद्धाञ्जलि व्यक्त गर्दछौँ। उहाँको आत्माले चिरशान्ति पाओस् भन्ने कामना गर्दछौँ।

🙏 हार्दिक श्रद्धाञ्जलि
💔 स क्ह्रोए क्ल्हेप्री समुह परिवार

#श्रद्धाञ्जलि

22/03/2026

22/03/2026

क्ल्हेप्री छ्युलु