MUDHE Bazaar

04/08/2026

💧💧💧💧

04/08/2026

02/08/2026

मुढे बजारको फोहोर व्यवस्थापन आखिर कसको जिम्मेवारी हो?

नगरपालिकाले फोहोर व्यवस्थापनका लागि बजेट छुट्याएको भनिन्छ, तर त्यो बजेट कहाँ खर्च भयो? यदि बजेट छुट्याइएको हो भने आजसम्म बजारभरि यसरी फोहोर किन थुप्रिएको छ?

हामीले फेसबुकमार्फत पटक,पटक आवाज उठायौँ, तस्बिरसहित सम्बन्धित निकायको ध्यानाकर्षण गरायौँ। तर न नगरपालिकाले चासो दियो, न बजार व्यवस्थापन समितिले, न त टोल विकास समितिले आफ्नो जिम्मेवारी पूरा गर्‍यो।
जनताको करबाट आएको बजेटको हिसाब कसले दिन्छ? फोहोर उठाउन पनि बारम्बार अनुरोध गर्नुपर्ने हो? के सम्बन्धित निकाय घटना वा रोग फैलिएको पर्खेर बसेको हो?
मुढे बजारको विभिन्न स्थान, विशेषगरी लामो समयदेखि फोहोर व्यवस्थापन हुन नसक्दा दुर्गन्ध अत्यधिक फैलिएको छ। फोहोर थुप्रिएर बसेकाले लामखुट्टेको संख्या पनि दिनप्रतिदिन बढिरहेको छ, जसले स्थानीय बासिन्दा, व्यवसायी तथा यहाँ आउने सर्वसाधारणको स्वास्थ्यमा प्रत्यक्ष असर पार्ने जोखिम बढाएको छ। वर्षायाममा यस्तो अवस्था अझ गम्भीर बन्ने भएकाले समयमै व्यवस्थापन गर्नु अत्यन्त आवश्यक छ।
अब मौन बस्ने अवस्था छैन। जनताले उत्तर चाहेका छन् बजेट कहाँ गयो? काम किन भएन? र फोहोर व्यवस्थापन कहिले हुन्छ? सम्बन्धित निकायले जनताप्रति जवाफदेही भएर सार्वजनिक रूपमा स्पष्ट जानकारी दिनुपर्छ।
सबैभन्दा दुःखद पक्ष के भने, नगरपालिकासँग फोहोर संकलन गर्ने सवारीसाधन हुँदाहुँदै पनि त्यसको प्रभावकारी प्रयोग हुन सकेको देखिँदैन। बजारको सरसफाइलाई व्यवस्थित बनाउन कम्तीमा हप्तामा दुई पटक नियमित रूपमा फोहोर संकलन गर्ने व्यवस्था मिलाइनुपर्छ। यसले बजारमा फोहोर थुप्रिन नदिई वातावरण स्वच्छ राख्न तथा दुर्गन्ध र रोगको जोखिम न्यूनीकरण गर्न ठूलो सहयोग पुग्नेछ।
मुढे बजारलाई दुर्गन्ध र फोहोरको बजार होइन, सफा र व्यवस्थित बजार बनाउने जिम्मेवारी सम्बन्धित निकायले तुरुन्त पूरा गरोस्। यसले वातावरण प्रदूषित गर्नुका साथै स्थानीय बासिन्दा, व्यवसायी र यहाँ आउने पर्यटकहरूको स्वास्थ्यमा समेत नकारात्मक असर पारिरहेको छ।
मुढे बजार सफा, सुन्दर र व्यवस्थित बनाउने जिम्मेवारी सबैको हो, तर यसको नेतृत्व सम्बन्धित निकायले लिनैपर्छ। अब तत्काल प्रभावकारी फोहोर व्यवस्थापन गरी बजारलाई स्वच्छ, स्वस्थ र व्यवस्थित बनाइयोस्। जनताको आवाजलाई बेवास्ता नगरी सम्बन्धित निकायले आफ्नो जिम्मेवारी इमान्दारीपूर्वक पूरा गरोस्। 🙏🙏🙏

02/08/2026

Cinematic photo of home town 🏡

02/08/2026

जय धर्मादेवी दर्शन सम्पर्क व्यक्ति भुवन पौडेल सम्पर्क नम्बर ९८४५४२९५५२/९८२९३९९३५६ इभ सेवा दैनिक मुढे बजार देखि इटहरी सुनसरी

01/08/2026

हिमालले आफ्नो छोरालाई फिर्ता लिएको छ।
हिमालका चुचुराहरूले उनको ज्यान लिएका होलान्, तर तिनले उनको विरासत कहिल्यै खोस्न सक्दैनन्
भावपूर्ण श्रद्धाञ्जली…

पाकिस्तानको ब्रड पिकको हिमपहिरोमा परि ज्यान गुमाउनुहुने विश्व विख्यात किर्तिमानी पर्वतारोही निर्मल पुर्जा (निम्स दाइ) लगायत सम्पूर्ण वीर आरोहीहरूप्रति हार्दिक श्रद्धाञ्जली अर्पण गर्दछु।

उहाँहरूको साहस, समर्पण र पर्वतारोहण क्षेत्रमा पुर्‍याउनुभएको अतुलनीय योगदान सधैं सम्मानका साथ स्मरणीय रहनेछ।

यस दुःखद घडीमा शोकसन्तप्त परिवारजन तथा सम्पूर्ण शुभेच्छुकहरूमा गहिरो समवेदना व्यक्त गर्दछु।

29/07/2026

💚 green everywhere

28/07/2026

मुढे बजार, जो हाम्रो नगरपालिकाको मुख्य बजार (मुख्य केन्द्र) पनि हो, यहाँ नगरपालिकाद्वारा हालै जडान गरिएको CCTV प्रणाली सञ्चालनमा आएको करिब एक महिना हुन लाग्दासमेत क्यामेराले खिचेका भिडियोहरू रेकर्ड नहुने समस्या अझै समाधान भएको छैन भन्ने स्थानीयवासीहरूको गुनासो रहेको छ। सार्वजनिक सुरक्षा, चोरी नियन्त्रण, दुर्घटना तथा अन्य आकस्मिक घटनामा CCTV अत्यन्तै आवश्यक पूर्वाधार हो। तर आवश्यक पर्दा नै रेकर्डिङ प्रणाली सञ्चालनमा नहुनु गम्भीर लापरवाही हो।
यस अवस्थामा नगरपालिका र नेपाल प्रहरीबीच आवश्यक समन्वय तथा नियमित अनुगमनको कमी भएको हो कि भन्ने गम्भीर प्रश्न उठेको छ। CCTV जडान गरेर मात्र दायित्व पूरा हुँदैन, त्यसलाई नियमित रूपमा सञ्चालनमा राख्ने र रेकर्डिङ प्रणाली प्रभावकारी बनाउने जिम्मेवारी पनि सम्बन्धित निकायकै हो।
हालै सार्वजनिक भएको नगरपालिकाको बजेटमा CCTV प्रणालीको मर्मत, सञ्चालन तथा स्तरोन्नतिका लागि बजेट छुट्याइएको छ कि छैन? यदि छुट्याइएको छ भने रेकर्डिङ प्रणाली किन अझै सञ्चालनमा आएको छैन? यदि छुट्याइएको छैन भने मुढे बजारजस्तो मुख्य बजारको सुरक्षालाई प्राथमिकतामा किन नराखिएको हो?
सार्वजनिक सुरक्षा र जनहितसँग प्रत्यक्ष जोडिएको यस गम्भीर विषयमा सम्बन्धित नगरपालिका तथा नेपाल प्रहरीले तत्काल ध्यान दिई CCTV को रेकर्डिङ प्रणाली पूर्ण रूपमा सञ्चालनमा ल्याई नियमित अनुगमनको व्यवस्था मिलाइदिन हार्दिक अनुरोध गर्दछौँ। 🙏🙏

25/07/2026

Home is where the heart will always belong.💗❣️