01/06/2026
स्व. मेनकाजी गुरुङको योगदान स्मरण गर्दै पाँचौं स्मृति सभा सम्पन्न
पोखरा, २०८३ जेठ १७— वरिष्ठ संस्कृतिकर्मी, नृत्य निर्देशक तथा हिमाली साँस्कृतिक परिवारका संस्थापक उपाध्यक्ष स्वर्गीय मेनकाजी गुरुङको पाँचौं स्मृति दिवस विविध कार्यक्रमसहित सम्पन्न गरिएको छ। हिमाली साँस्कृतिक परिवार र तमु धिं नेपालको संयुक्त आयोजनामा आयोजित स्मृति सभा तमु धिं नेपालको प्राङ्गणमा सम्पन्न भएको हो।
https://www.facebook.com/media/set/?set=a.882817731506167&type=3
स्व. मेनकाजी गुरुङको योगदान स्मरण गर्दै पाँचौं स्मृति सभा सम्पन्न
पोखरा, २०८३ जेठ १७ — वरिष्ठ संस्कृतिकर्मी, नृत्य निर्देशक तथा हिमाली साँस्कृतिक परिवारका संस्थापक उपाध्यक्ष स्वर्गीय मेनकाजी गुरुङको पाँचौं स्मृति दिवस विविध कार्यक्रमसहित सम्पन्न गरिएको छ। हिमाली साँस्कृतिक परिवार र तमु धिं नेपालको संयुक्त आयोजनामा आयोजित स्मृति सभा तमु धिं नेपालको प्राङ्गणमा सम्पन्न भएको हो।
कार्यक्रममा संरक्षक नरबहादुर शेरचन, मानार्थ सदस्य सुवेदार जसबहादुर गुरुङ, सल्लाहकार शान्ति गुरुङ, तमु धिं नेपालका अध्यक्ष हुमबहादुर गुरुङ, तमु साँस्कृतिक प्रतिष्ठान नेपालका निवर्तमान अध्यक्ष चित्रबहादुर गुरुङ, चिउली पार्चे तमु समाजका अध्यक्ष क्याप्टेन शमशेर गुरुङ, वातावरणविद् डा. हुम गुरुङ तथा पोखरा प्रज्ञा प्रतिष्ठानका संस्थापक कुलपति पद्मराज ढकाललगायतका व्यक्तित्वहरूले स्व. गुरुङको तस्बिरमा दीप प्रज्वलन तथा पुष्प अर्पण गर्दै श्रद्धाञ्जली व्यक्त गरेका थिए।
वक्ताहरूले हिमाली साँस्कृतिक परिवारको स्थापना कालदेखि नै स्व. गुरुङले प्रदान गरेको नेतृत्व, मार्गदर्शन, सल्लाह तथा संस्थागत विकासमा पुर्याएको योगदानको स्मरण गर्दै उनको व्यक्तित्व र कृतित्वको प्रशंसा गरेका थिए। उनी नेपाली लोककला, नृत्य, साहित्य तथा संस्कृतिको संरक्षण र प्रवर्द्धनमा समर्पित व्यक्तित्व भएको उल्लेख गर्दै सांस्कृतिक क्षेत्रले एक असल अभियन्ता गुमाएको धारणा व्यक्त गरिएको थियो।
कार्यक्रमका अध्यक्ष ज्ञानबहादुर थापाले स्व. गुरुङ बहुआयामिक व्यक्तित्वका धनी, सामाजिक अभियन्ता तथा कलाकारहरूको हकहितका पक्षमा निरन्तर आवाज उठाउने प्रेरणादायी व्यक्तित्व भएको बताए। उनले भने, “स्वर्गीय मेनकाजी गुरुङको भौतिक उपस्थिति आज हामीबीच नरहे पनि उहाँले नेपाली लोककला, साहित्य, नृत्य र संस्कृतिको क्षेत्रमा पुर्याउनुभएको योगदान, प्रदान गर्नुभएको ज्ञान, संस्कार र नेतृत्व सधैं जीवित रहनेछ। उहाँका आदर्श र मूल्यहरू नयाँ पुस्ताका लागि प्रेरणाको स्रोत बनिरहनेछन्।”
ज्ञानबहादुर थापाको अध्यक्षतामा सम्पन्न कार्यक्रममा तमु धिं नेपालका उपाध्यक्ष श्रीप्रसाद गुरुङले स्वागत मन्तव्य व्यक्त गरेका थिए भने परिवारका तर्फबाट स्व. गुरुङका माइला भाइ श्रीजंग गुरुङले उपस्थित सबैप्रति धन्यवाद ज्ञापन गरेका थिए। कार्यक्रमको सञ्चालन हिमाली साँस्कृतिक परिवारका सचिव डविन गुरुङले गरेका थिए।
Tamu Gurung
Mani Tamu
