20/10/2026
हार्दिक बधाई तथा शुभकामना! 🏆
सम्भवतः किस्पाङको फुटबल इतिहासमै पहिलोपटक हुन सक्छ हाम्रो किस्पाङ युवा क्लबका अध्यक्ष श्री गणेश घले ज्यूले अन्तर्राष्ट्रिय फुटबल महासङ्घ (FIFA) तथा अखिल नेपाल फुटबल सङ्घ (ANFA) द्वारा प्रदान गरिने ‘D श्रेणीको फुटबल प्रशिक्षक लाइसेन्स’ प्राप्त गर्नुभएको र उहाँलाई हार्दिक बधाई तथा शुभकामना व्यक्त गर्दछौँ।
यो उपलब्धि गणेश घले ज्यूको व्यक्तिगत सफलता मात्र नभई समग्र किस्पाङको खेलकुद क्षेत्रका लागि पनि गौरवको विषय हो। उहाँको मेहनत, लगनशीलता, समर्पण र फुटबलप्रतिको निरन्तर लगावले किस्पाङमा फुटबलको विकास, नयाँ प्रतिभाको पहिचान तथा युवा खेलाडीहरूलाई उचित मार्गदर्शन गर्न महत्त्वपूर्ण योगदान पुग्ने विश्वास लिएका छौँ।
⚽ आजको यो उपलब्धिले भोलिको समृद्ध किस्पाङको फुटबल यात्रालाई नयाँ दिशा दिनेछ।💪🏻
हामी आशा गर्दछौँ, उहाँको यो सफलताले किस्पाङका अन्य युवाहरूलाई पनि खेलकुद क्षेत्रमा अघि बढ्न प्रेरणा प्रदान गर्नेछ र हाम्रो क्षेत्रबाट दक्ष खेलाडी तथा प्रशिक्षक उत्पादन गर्ने अभियानमा थप ऊर्जा मिल्नेछ।
