14/06/2023
अछाममा खेतमा सिचाई गर्न गएका एक जना बेपत्ता भएका छन् । जिल्लाको पन्चदेवल विनायक नगरपालिका ४ का ५५ वर्षीय पदम बहादुर बिस्ट सम्पर्क विहीन भएका हुन ।
सोही वडाको बेलेखतमा धानको बिउमा सिचाई गर्न भनेर निस्केका बिस्ट ८ दिन देखी बेपत्ता भएको आफन्तले जानकारी दिएका छन् । उनी जेस्ठ २४ गते राती ९ बजे देखी सम्पर्क विहीन भएका हुन । खेतको आलिमा चप्पल छोडेर उनी बेपत्ता भएका आफन्त जीवन बिस्टले जानकारी दिए ।
उनी हराएको दिन देखी परिवार र प्रहरीले खोजी गरिरहेको छ । नजिकै कर्णाली नदी भएकाले नदिले बगाएको हुनसक्ने परिवारको आशङ्का छ ।
