19/04/2026
Rana ta biyu kenan na bikin yaye malamai a shirin horas da su ilimin kwamfuta (Computer Training), inda jagoranmu, Malam Jamilu Kabir Bichi (Sabon Shafi), ya halarta domin ƙarfafa gwiwa da nuna cikakken goyon baya ga wannan gagarumin shiri.
Wannan shiri ya fara ne da malamai 100 a matsayin rukuni na farko (first batch), cikin babban shirin horas da malamai 1000 gaba ɗaya.
A yayin taron, an gabatar da kyautar girmamawa ta musamman ga jagoranmu bisa jajircewa da gagarumar gudunmawar da yake bayarwa wajen bunƙasa ilimi.
Haka kuma, an rabawa wasu daga cikin mahalarta kayan aiki na zamani, ciki har da kwamfutocin tafi-da-gidanka (laptops), domin sauƙaƙa musu gudanar da ayyukansu cikin inganci da ƙwarewa.
A cikin jawabin malan jamilu kabiru , ya bayyana matuƙar godiyarsa ga ɗan Majalisar Tarayya, Hon. Hon. Abubakar Kabiru Abubakar Bichi Bichi, bisa irin goyon baya da haɗin kai da ya bayar wajen ganin wannan shiri ya zama gaskiya.
Lallai wannan haɗin kai tsakanin shugabanni alama ce ta kishin al’umma da ƙudurin bunƙasa ilimi a yankinmu. Muna addu’ar Allah Ya saka da alheri, Ya kuma ba da nasara wajen ci gaba da wannan aiki mai albarka. Ameen.
Yamuhd
19/4/2026
