![တယ်လီပသီ (ခေါ်) ထူးခြားအာရုံစွမ်းအင်များ[ဒီ Telepathy ပိုစ်တင်တဲ့ ရည်ရွယ်ချက် အရင်ပြောပါမယ်။][[ စိတ်ဖြင့်အရာဝတ္ထုများကို...](https://img3.photlo.com/816/895/381353158168953.jpg)
14/02/2024
တယ်လီပသီ (ခေါ်) ထူးခြားအာရုံစွမ်းအင်များ
[ဒီ Telepathy ပိုစ်တင်တဲ့ ရည်ရွယ်ချက် အရင်ပြောပါမယ်။]
[[ စိတ်ဖြင့်အရာဝတ္ထုများကို ရွှေ့လျားစေနိုင်သောပညာရပ် (Telekinesis)
ဒီပညာရပ်ကို မြင်လိုက်သည့်အခါ လူတိုင်းတတ်ချင်စိတ်များ ပြင်းပြလာလိမ့်မည်ဟု ထင်မြင်မိပါသည်။
ဒီပညာရပ်ကို မစတင်မီ
တယ်လီပသီ (ခေါ်)
ထူးခြားအာရုံစွမ်းအင်များ နှင့်
စိတ်ညှို့ပညာ ကို
အရင်ဆုံးဖတ်ရှုပြီး (လေ့ကျင့်) နားလည်ထားမှသာလျှင် ဒီပညာရပ်ကို လုပ်ဆောင်ဖို့ အထောက်အကူ ဖြစ်ပါလိမ့်မည်။ ဒီ Telekinesis ပညာရပ်ကို ရေးသားစေချင်သည့်ဆန္ဒကြောင့်
ခုလို အထောက်အကူပြုပညာရပ်များကို ရေးသားခြင်း ဖြစ်ပါသည်။
တယ်လီပသီ (ခေါ်) ထူးခြားအာရုံစွမ်းအင်များ
တယ်လီပသီဆိုသည်မှာ ကျွန်တော်တို့ပြောချင်တဲ့စကားလုံးကို စိတ်ကနေပြောပြီး သူတစ်ပါးရဲ့စိတ်ထဲမှာ နားလည်အောင် ပြောခြင်းပဲ ဖြစ်ပါသည်။ စိတ်ချင်းဆက်သွယ်မှု၊ စိတ်စွမ်းအင်ဖြင့်ပတ်သတ်သည့်အကြောင်းအရာများကို လေ့လာသူများစွာ ရှိခဲ့ပါသည်။
အဲဒီအထဲတွင် အမေရိကန်လူမျိုး ဒေါက်တာ ဂျေဘီရိုင်း(Dr.J.B.Rhine)လို့ နာမည်အတိုဖြင့် လူသိများတဲ့ ဒေါက်တာဂျိုးဇက်ဘဏ်ရိုင်း(Dr.Joseph Banks Rhine)ပဲ ဖြစ်ပါသည်။ သူက အမေရိကန်ပြည်ထောင်စု North Carolina ပြည်နယ် Durham(ဒါရမ်မြို့) Duke University တွင်ရှိတဲ့ နယ်လွန်စိတ္တဗေဒဓာတ်ခွဲဌာနကို တည်ထောင်ခဲ့သူဖြစ်ပါသည်။
ထူးခြားသောအာရုံခံစားမှုတွင် အဓိက အမျိုးအစားခွဲခြားမှုကြီး(၃)ခု ရှိပါသည်။
အဲဒါက
(၁) တယ်လီပသီ (Telepathy) လို့ခေါ်တဲ့
စိတ်ချင်းဆက်ဆံမှု
(၂) ကလယ်ယာဗွိုင်းယင့် (Clairvoyance) လို့ခေါ်တဲ့ အမြင်ရခြင်း တတိယမျက်လုံး
(၃) ပရီကော့ဂနစ်ရှင်း (Precognition) လို့ခေါ်တဲ့ ကြိုတင်သိမြင်ခြင်း တို့ပင် ဖြစ်သည်။
စိတ်ချင်းဆက်ဆံမှု အဓိပ္ပာယ်မှာ သာမန်ဆက်သွယ်ရေးနည်းလမ်းများအားဖြင့် မဟုတ်ဘဲ သူတစ်ပါး၏စိတ်ကူးများကို သိရှိရခြင်း ကို ဆိုလိုသည်။
(၁) တယ်လီပသီကို စမ်းသပ်ကြည့်ရအောင်ဗျာ။ ကျွန်တော်တို့ အန်စာတုံးတစ်လုံးကို လိမ့်လိုက်တယ်ထားပါစို့။ အဲဒီကနေ ကျလာတဲ့ ဂဏန်းကို လူ(၁)က မြင်လိုက်တယ်။ ဒါပေမယ့် လူ(၂)ကို ပြောမပြ။ လူ(၂)က အာရုံပြုပြီး ထိုဟာသည် ဘာဂဏန်းဖြစ်သည်ဟု မှန်အောင် ပြောနိုင်မယ်ဆိုလျှင် လူ(၂)တွင် စိတ်ချင်းဆက်ဆံနိုင်သော စွမ်းရည်ရှိနေပြီဟု ပြောဆိုရပေမည်။
(၂) တစ်ခါတစ်ခါ လူတစ်ဦးတစ်ယောက်၏အာရုံထဲတွင် လူမရှိသော အခန်းတစ်ခုအတွင်းတွင် ရှိသော ပစ္စည်းတစ်ခုခု ပြုတ်ကျသွားသည်ကို မြင်လိုက်ရသလိုလို အာရုံခံစားမိလိုက်တယ်ဆိုရင် ဒီအကြောင်းအရာသည် တစ်နေရာတွင် တကယ်ဖြစ်ပွားနေသည်ကို စိတ်အာရုံဖြင့် မြင်လိုက်ရခြင်း ဖြစ်၍ တတိယ်မျက်လုံး ဒိဗ္ဗစက္ခု ခေါ် အမြင်ရခြင်းဟူ သတ်မှတ်နိုင်ပါတယ်။
(၃) Tarrot ကတ်တစ်ကတ်မှ ကတ်တစ်ကတ်ကို ဆွဲလိုက်ပြီး မှောက်လျက်သား စားပွဲပေါ်မှာ တင်ထားပါတယ်။ အဲဒီကတ်သည် ဘာကတ်မှန်းမသိချေ။ အဲဒီကတ်ကို ကျွန်တော်အာရုံယူလိုက်သည်။ ကျွန်တော့်စိတ်ထဲတွင် ဒီကတ်သည် မယ်တော်ကြီးခေါ်ကတ်နံပါတ်(၂)ကို မြင်သည်ထင်မြင်မိသည်။ ကတ်ကို လှန်ကြည့်လိုက်တဲ့အခါ အဲဒီကတ်အတိုင်း မှန်ကန်နေပြီဆိုရင် ကျွန်တော်သည် အမြင်ရနေပေပြီဟု ဆိုရပေမည်။ အနာဂတ်တွင် ဘာဖြစ်မလဲဆိုသောအချက်သည် ကြိုတင်သိမြင်ခြင်း ခေါ် ပရီကော့ဂနစ်ရှင်းဖြစ်သည်။
( သတိပြုရန် ) လူတိုင်းလူတိုင်း မိမိကြိုတင်သတ်မှတ်ထားသည့်အချက်များ မဟုတ်လျှင် မည်သူမျှ အနာဂတ်ကို မသိပါ။
ထူးခြားအာရုံဆိုသည်မှာ စိတ်ပိုင်းဆိုင်ရာ ဖြစ်ရပ်များထဲတွင် တစ်ခုအပါအဝင်ဖြစ်သည်။ စိတ်ဝိညာဉ်လေ့လာရေးနယ်ပယ်တွင် တယ်လီပသီနေရာတွင် ESP (extra sensory perception) ဆိုသော အင်္ဂလိပ်ဝေါဟာရ စကားလုံးတစ်လုံး ခေတ်စားလာသည်။ အီးအက်ပီ၏ အဓိပ္ပာယ်မှာ လူတစ်ယောက်၏အတိတ် သို့မဟုတ် ပစ္စုပ္ပန် အနာဂတ်ဖြစ်ပျက်မှုကို အလိုလိုသိရှိမှု ဖြစ်ပါသည်။
တယ်လီပသီ ခေါ် စိတ်ချင်းဆက်ဆံမှု ရရှိအောင် ဘယ်လိုလေ့ကျင့်မလဲ။ လေ့ကျင့်နည်းတွေ ကျင့်စဉ်တွေကို အခု ဆဋ္ဌမအာရုံမဂ္ဂဇင်းမှတစ်ဆင့် စာဖတ်သူများကို ဖော်ပြပေးပါမည်။
တယ်လီပသီမှာ ကျင့်စဉ်တွေ နည်းလမ်းတွေ အများကြီး ရှိပါသည်။ ဥပမာအနေနှင့် ပြောပြရရင်တော့ ပုံဆွဲခြင်းကျင့်စဉ် ၊ အရောင်ပုံစံများဖြင့်လေ့ကျင့်နည်း စသဖြင့် နည်းလမ်းတွေ ရှိပါသည်။
အခုဖော်ပြပေးမည့် လေ့ကျင့်နည်း ခေါ် ကျင့်စဉ်မှာတော့ ဘာပစ္စည်းမှ မလိုအပ်ဘဲ မိမိ၏စိတ်ကိုပဲ အသုံးချရပါမည်။
တယ်လီပသီကို လေ့ကျင့်ရန်အတွက် ပထမဆုံးသိထားသင့်သည်မှာ သဘာဝနှင့်သက်ဆိုင်သော အံ့ဖွယ်ဖြစ်ရပ်များကိုပင် ဖြစ်ပါသည်။
မှန်ကန်သောနယ်မြေတစ်ခုတွင် မိမိတို့၏သက်ရောက်အားကို စုစည်းနိုင်စေရန် သဘာဝသည် ရုပ်ပိုင်းဆိုင်ရာဖြစ်တည်မှုတွေထက် ပိုမိုသာလွန်သည် ဆိုသောအချက်ကို အရင်ဆုံး နားလည်ထားသင့်ပေသည်။
တယ်လီပသီ(ခေါ်) စိတ်ပိုင်းဆိုင်ရာဆက်ဆံခြင်းကို ရုပ်ခန္ဓာက ပါဝင်လုပ်ဆောင်နေသည်မဟုတ်ချေ။ ထို့ကြောင့် စိတ်ခြင်းဆက်နွယ်မှုဖြစ်စဉ်ကို အလုပ်ဖြစ်စေရန်အတွက် ကိုယ့ျရဲ့စိတျပိုငျးဆိုငျရာအာရုံစူးစိုကျမှုကို ရုပ်ခန္ဓာမှလုပ်ဆောင်သည် ဟူသောအတွေးများကို ပြောင်းလဲပစ်ရန် လိုအပ်ပေသည်။ တယ်လီပသီလေ့ကျင့်ခန်းကို မစတင်မီ ရုပ်ပိုင်းဆိုင်ရာ သက်တောင့်သက်သာ အနားယူမှုကို အရင်ဆုံးပြုလုပ်ထားဖို့ လိုအပ်ပါသည်။ အကယ်၍ ရုပ်ပိုင်းဆိုင်ရာ အာရုံခံစားမှုပိုင်းကို နည်းပါးစွာ အာရုံစူးစိုက်မှု ပြုလုပ်ခဲ့ပါက မိမိ၏ ဆိုက်ကိုဇိုးမား ဟုခေါ်သော စိတ်ဝိညာဉ် နှင့် ခန္ဓာကိုယ်စွမ်းအင်တို့ မှလာသော ဝင်ရောက်မှုအချို့ကို သတိပြုမိလာပါလိမ့်မည်။ အချို့သောကိစ္စတွေမှာတော့ အသံလှိုင်းတွေကို ကာကွယ်ဖို့အတွက် နားကြပ်တွေကို အသုံးပြုကြသည် ၊ အချို့ကြတော့ မျက်လုံးထိခိုက်မှုကို ကာကွယ်နိုင်ဖို့ နေကာ မိုးကာ လေကာမျက်မှန်များဖြင့် မျက်လုံးကို ကာကွယ်ထားကြပါသည်။ ဘာလို့ ဒီလူတွေ ကာကွယ်ထားကြသလဲဆိုတော့ အပြင်ပိုင်းဆိုင်ရာ သက်ရောက်မှုတွေကို ကာကွယ်နိုင်ဖို့အတွက်ကြောင့်ပဲ ဖြစ်ပါသည်။
စိတ်စွမ်းအင် နှင့် အာရုံစူးစိုက်နိုင်စွမ်းသည် အရေးအကြီးဆုံးကဏ္ဍတစ်ခု ဖြစ်ပြီး ကျွန်တော်တို့ပေးပို့လိုက်တဲ့ စွမ်းအင်အမြောက်အမြားကို ပိုမိုတိုးတက်စေနိုင်ပါသည်။ ထိုတိုးတက်မှုသည် စိတ်ချင်းဆက်နွယ်မှုလှိုင်းများအေပါ်တွင် အကျိုးပြုမှုရှိနိုင်ပြီး ထိုလှိုင်းများတွင် ကျွန်တော်တို့ပေးပို့လိုက်သည့် အတွေးပုံရိပ်များနှင့် အတွေးအချက်အလက်များကို ပိုမိုရှင်းလင်းစေနိုင်ပြီး စွမ်းအင်ပမာဏကိုလည်း တိုးတက်စေနိုင်ပါသည်။
ဒီတယ်လီပသီကျင့်စဉ်သည် အရင်ကတည်းက မကျင့်ရသေးသူတွေအတွက် အများကြီး အထောက်အကူဖြစ်ပါလိမ့်မည်။ ဒီနည်းစနစ်ကို သင်နဲ့ရင်းနှီးခဲ့တဲ့သူတစ်ယောက်နဲ့ ဆက်သွယ်ရန်အသုံးပြုကြပါသည်။
အကယ်၍သင်ဟာ တယ်လီပသီလုပ်ဖို့ ရည်ရွယ်ထားတဲ့အချိန်မှာ ရုပ်ရှင်များ တီဗီများကိုအချိန်အတော်ကြာကြာ ကြည့်ထားခြင်း ၊ တီဗီဂိမ်း ဖုန်းဂိမ်းများကို အချိန်ကြာမြင့်စွာ ကစားထားခြင်း နှင့် သီချင်းအကျယ်ကြီးကို အချိန်အတော်ကြာ နားထောင်ထားခြင်း တို့ပြုလုပ်ထားခဲ့သည် ဆိုရင်တော့ အချိန်တစ်နာရီလောက်ပေးကာ သစ်ပင်ပန်းမန်တွေရှိရာ စိမ်းလန်းလန်းဆန်းစေမယ့် နေရာမျိုးကို လမ်းလျှောက်ပြီးမှ တယ်လီပသီလုပ်ငန်းစဉ်ကို စတင်လုပ်ဆောင်သင့်ပါသည်။ ဒါဟာ စိတ်ပိုင်းဆိုင်ရာနဲ့ ရုပ်ပိုင်းဆိုင်ရာအား အနားယူခြင်းမျိုးပင်ဖြစ်ပြီး တယ်လီပသီလုပ်ငန်းစဉ်ကို အနှောက်အယှက်နည်းပါးစွာ လုပ်ဆောင်နိုင်ဖို့အတွက်ပဲ ဖြစ်ပါသည်။ ကျင့်စဉ်နှင့်နည်းလမ်းများကို အောက်ပါအချက်များဖြင့်
(၁) ပထမအဆင့်
ငါးမိနစ်ခန့် ခန္ဓာကိုယ်ကို ဆန့်ကာလဲလျောင်းရင်း အကြောများကိုဖြေလျော့ပြီး ကြွက်သားများ၊ အကြောများ၊ ကြွက်သားများအားလုံးကို ဖြေလျော့ထားရမည်။
(၂) ဒုတိယအဆင့်
နှာခေ့ါင်းနဲ့ဝင်လေထွက်လေကို အသက်ပြင်းစွာ (၁ဝ)မိနစ်ခန့်ရှူရှိုက်ပေးပါ။
ယခု့ အဆင့်(၃)ကို ရှင်းလင်းလှစွာသော ကြည်လင်ပြတ်သားလှစွာသောစိတ်ဖြင့် တက်လှမ်းနိုင်မည်ဖြစ်ပါသည်။
(၃) တတိယအဆင့်
လှဲချလိုက်ပါ (သို့မဟုတ်) သက်တောင့်သက်သာရှိအောင်ထိုင်ချလိုက်ပါ။ ထို့နောက် မျက်စိကိုမှိတ်ကာ ၁ဝဝ မှ ၁ အထိ နောက်ပြန်ရေတွက်ပေးပါ။ ဂဏာန်းတစ်လုံးချင်းစီတိုင်းကို သင့်ရဲ့စိတ်ထဲမှာ ပုံဖော်ကြည့်ရင်း အသက်ကို ပုံမှန်ငြိမ်သက်စွာရှူရှိုက်ပေးပါ။ ယခု သင်စိတ်ပိုင်းဆိုင်ရာဆက်သွယ်ရန်အတွက် သင့်တော်သော အခြေအနေသို့ရောက်ရှိသွားပြီဖြစ်ပြီး သင်ဘယ်လိုခံစားလိုသည် ဆက်သွယ်သည့်သူဆီသို့ ပို့ဆောင်သွားရောက်လိုသော ခံစားချက်မျိုးအထိရောက်အောင်ဆွဲတွေးပါ။ ယခုအဆင့်သည် အလွန်အရေးကြီးသောကြောင့် သေချာဂရုစိုက်၍ လုပ်ဆောင်ရမည်ဖြစ်သည်။
(၄) စတုတ္ထအဆင့်
မိမိကိုယ်ကို ဆိတ်ငြိမ်သောနေရာတစ်ခုမှာရောက်ရှိသွားပြီလို့ မြင်ယောင်ပါ။ ထိုနေရာဟာ ကမ်းခြေ၊ တောင်တန်း၊ ကန်တစ်ခုအနီး၊ စိမ်းလမ်းသောတောအုပ်၊ ပန်းခြံ၊ တိတ်ဆိတ်သောကန္တာရ သင်တိတ်ဆိတ်မည်ဟုယူဆရသောနေရာကိုမြင်ယောင်ပါ။ သင်ဟာထိုနေရာမှာ မည်သည့်စိတ်ဖိအားသက်ရောက်မှုမှ မပါဘဲ လွတ်လပ်စွာလျှောက်လမ်းနေသည်ဟု ဆက်လက်အာရုံပြုပါ။
(၅) ပဉ္စမအဆင့်
သင်ဆက်သွယ်လိုတဲ့သူ သင်သွားနေတဲ့လမ်းရှေ့မှာရောက်ရှိလာပြီလို့ ဆက်လက်အာရုံပြုပါ။ သင့်ရဲ့သူ့ကိုပြောကြားလိုတဲ့အေကြာင်းအရာကို သေချာအာရုံစူးစိုက်ပါ။ ထိုသို့အာရုံစူးစိုက်နေချိန်မှာ ထိုသူထံမှ စိတ်ဖိအားများစွာဟာ သင့်ဆီကို သက်ရောက်လာနိုင်ပြီး တယ်လီပသီကို စတင်လုပ်ဆောင်သူတော်တော်များများ ဒီလိုမျိုး စိတ်ဖိအားမျိုးကို အလွယ်တကူပဲလက်ခံမိလေ့ရှိတတ်ကြသည်။
သင်ဟာ ဘာကြောင့် သင့်ခံစားချက်ကို ကိုယ်တိုင်သိမြင်မှုဟာ အရေးကြီးလည်းဆိုသည်ကိုလည်း နားလည်ထားရပါမည်။ ထို့မှသာ သင်ဟာ သင့်ရဲ့ကိုယ်ပိုင်ခံစားချက်၊ ပြောကြားသောအကြောင်းအရာနှင့် အခြားသူထံမှ လက်ခံရရှိသောအချက်အလက်များကိုခွဲခြားသိမြင်နိုင်မည်ဖြစ်ပါသည်။
(၆) ဆဋ္ဌမအဆင့်
ကိစ္စပြီးပါက ပြောကြားမှုကိုအဆုံးသတ်ပြီး ထိုအကြောင်းအရာများအားလုံးကို ဘာမှမရှိတော့လောက်အောင် မေ့ပစ်လိုက်ပါ။ ထိုအရာသည် နောက်ဆုံးနှင့် အရေးအကြီးဆုံးအဆင့်ပင်ဖြစ်ပါသည်။
ယခုကဲ့သို့ သင် တစ်ဦးတစ်ယောက်နှင့် တယ်လီပသီနည်းအရဆက်သွယ်မှုပြုလုပ်လိုက်ချိန်တွင် သင်သည်ထိုသူ့ဆီသို့ အပြုသဘောဆန်သော ဖိအားနဲ့စွမ်းအင်များကို ပို့လွတ်နေသည်ဖြစ်သည်။ အကယ်၍ ပေးပို့ခြင်းခံရသူဟာ သင့်ရဲ့ဖိအားနဲ့စွမ်းအင်များကို ခံစားတုန့်ပြန်ပါက တယ်လီပသီလုပ်ခြင်း အောင်မြင်သွားပြီဖြစ်ပြီး ထိုသူသည် သင်ပို့လွတ်သော ပြောကြားသောအကြောင်းအရာများကို မတုံ့ပြန်ပါက ထိုအရာကိုမေ့ကာ စိတ်ထဲမှရုန်းထွက်ပြန်ထရမည်ဖြစ်သည်။ ထိုအရာသည် သင်တွေ့ဆုံလိုသောသူနှင့်ဆွဲဆောင်အားကို ဖန်တီးပေးပါသည်။
အကယ်၍ စိတ်ပိုင်းဆိုင်ရာအနားယူမှုပြုရာမှာ စိတ်အာရုံစုစည်းမှုနဲ့ သက်တောင့်သက်သာမှုတို့ကိုမရှိပါက သင် တယ်လီပသီကို ပိုမိုလေ့လာပြီးမှ ပြန်လည်လုပ်ဆောင်သင့်သည်။
သင်ဆက်သွယ်မှုရရှိသော်လည်း ဆိုးဝါးစွာဝမ်းနည်းမှုကို ခံစားနေရပါက အခြေအနေမကောင်းသောကြောင့် သင့်ရဲ့မေတ္တာတရားကိုသာ ထိုသူဆီပို့လွတ်ခဲ့ပြီး စိတ်တွင်းမှရုန်းထွက်ကာ လှိုင်းပို့လွတ်မှုကိုရပ်တန့်ရပါမည်။
မူရင်းရေးသားသူ - မိုးကြယ်စင်
Copy From MM - SEARCH Blog (OLEH - LINN NYO TARYAR)
Photo များအားလုံးကို သက်ဆိုင်ရာ Site များဆီသို့
ခရက်ဒစ်ပေးပါသည်။
