24/11/2024
တစ်ခါတစ်လေတော့ အများနဲ့ယှဥ်ပြီး
အားငယ်ရတယ်မလား
လှပလွန်းတဲ့ရုပ်ရည်တွေမြင်မိတိုင်း
အသင့်အတင့်ရှိတဲ့ မိမိရုပ်ရည်ကို အားမရဖြစ်မိတာမျိုး
ရွယ်တူတန်းတူတွေက နေရာတစ်ခုမှာ
အခြေတစ်ကျ ရပ်တည်နေနိုင်ချိန်မှာ
မရေရာ မသေချာဖြစ်နေတဲ့ကိုယ့်ကိုယ်ကို စိတ်ပျက်နေမိတာမျိုး
သူကြတော့ အကောင်းဆုံးတွေလုပ်ပြနိုင်ပြီး
ငါ့မှာတော့ ဒီနေရာမှာ ဟိုမရောက်ဒီမရောက်
လမ်းပျောက်နေတာမျိုး
တစ်ခြားသူတွေတော့လူချစ်လူခင်တွေပေါလှချည်ရဲ့
ငါ့နားတော့ဘယ်သူမှမရှိကြဘူး
ဘယ်သူမှ ချီးမွမ်းစကားမဆိုကြဘူး လို့
အထီးကျန်ခဲ့ရတဲ့ အချိန်တွေရှိနေတာမျိုး
ဒီလိုတွေစိတ်ပျက်အားငယ်တဲ့အခါ
ကိုယ့်ကိုယ်ကိုယ်ပြန်အမှတ်ရပေးပါ ကလေး
ကိုယ်လုပ်နိုင်ခဲ့တဲ့အောင်မြင်မှုတွေကိုပြန်တွေးကြည့်ပါ
အသေးအမွှားလေးက အစပေါ့
အချောအလှချည်းမဟူတ်ပေမယ့်
ကြည့်ကောင်းတဲ့အထဲမှာပါတဲ့ကိုယ့်ရုပ်ရည်အတွက်
ပြန်ဂုဏ်ယူပေးပါ။
တစ်ခြားသူတွေလောက် အောင်မြင်မှုမရသေးလည်း
ကြိုးစားနေတယ်ဆိုတဲ့ကိုယ့်ကိုယ်ကိုယ် ပြန်ပြီးအားကျကြည့်ပါ။
ကိုယ့်ကိုယ်ကိုယ် ဘယ်တော့မှအဆုံးစွန်ထိပစ်မချလိုက်ပါနဲ့
ကိုယ့်ကိုယ်ကိုယ် အရင်ဆုံးချစ်ကြည့်ပါ။
ကိုယ့်ဘဝကိုလက်ခံနိုင်အောင် ကြိုးစားကြည့်ပါ။
ကျေနပ်တင်းတိမ်စွာ နေထိုင်ကြည့်ပါ ။
ဘယ်သူမှပြည့်စုံတယ်ဆိုတာမရှိပါဘူး ကလေး
လူတွေအားလုံးက လိုအပ်ချက်
အနည်းအများရှိနေကြတာချည်းပဲ
မင်းမှာလည်း သူများတွေနဲ့မတူတဲ့
အရည်အချင်းတွေ
အားသာချက်တွေ ရှိနေသေးတယ်။
မင်းကိုယ်မင်းအပြစ်တင်ပြီး
သိမ်ငယ်မနေပါနဲ့
ကြိုးစား ရှင်သန်နေပါကွယ်..
#လင်းနန်
November 24
