16/05/2023
ဘဲလိုလူစား မကြီးပွား
📖📖📖📖📖📖📖📖📖
ဘဲဆိုသည့် သတ္တဝါဟာ
ပြေးတော့ ပြေးပါရဲ့။
ယုန်တစ်ကောင်လောက် သူမမြန်ပါဘူး။
အမြင့်ပျံတော့ ပျံပါရဲ့။
ငှက်လောက် မပျံနိုင်ပါဘူး။
ခုန်တော့လည်း ခုန်ပါရဲ့။
ရှဉ့်လောက်လည်း မခုန်နိုင်ပါဘူး။
ရေကူးတော့လည်း ကူးပါရဲ့။
ငါးလောက် မကူးနိုင်ပါဘူး။
ကောင်းကင် မြေပြင် ရေပြင်မကျန်
အဘယ်အရာကိုမဆို
ဟိုစပ်စပ် ဒီစပ်စပ် သူအကုန်တတ်ပါတယ်။
ဒါပေမဲ့
ဘယ်နယ်ပယ် ဘယ်အရာမှာမှ
professional က်က်
ကျွမ်းကျွမ်းကျင်ကျင် ပိုင်ပိုင်နိုင်နိုင်
သူမတတ်ပါဘူး။
လောကမှာ
အသိပညာတစ်ခုဖြစ်စေ
အတတ်ပညာတစ်ခုဖြစ်စေ
အဘယ်အရာကိုမဆို တစ်ခုခုကို ကျွမ်းကျင်ပိုင်နိုင်စွာ
သင်ယူ တတ်မြောက်ထားမှသာ
အောင်မြင်မှုလမ်းပေါ်ကို လျှောက်လှမ်းနိုင်မှာပါ။
လူတချို့ဟာ
ဟိုသင်တန်း ဒီသင်တန်း ဟိုပညာ ဒီပညာ
ဟိုအတတ်
ဒီအတတ် စသည်စသည်ဖြင့်
အချိန်ကုန်ခံ ငွေကုန်ခံ၍ မယောင်ရာ ဆီလူးရင်း
စမ်းတဝါးဝါးခြေလှမ်းဖြင့် သင်ယူနေတတ်ကြပါတယ်။
ရည်ရွယ်ချက်ရှိရှိ ကြီးပွား တိုးတက်ချင်သူများက
ထိုကဲ့သို့ အပြုအမူများကို မလုပ်တတ်ကြပါဘူး။
မိမိကြီးပွားတိုးတက်ခြင်းကို အထောက်အကူ
ဖြစ်မည့်
သင့်လျှော်ရာ အခြေခံပညာရပ်များကိုသာ
တစိုက်မတ်မတ် အဆုံးစွန်ထိ လေ့လာသင်ယူတတ်ကြ
ပါတယ်။
ဒါကြောင့်
တတ်ထားပညာ မမှားရာလည်း
ရည်ရွယ်ချက်မဲ့ ငွေကုန်ခံ၍
ဘာလားမသိ အချိန်ကုန်ပြီး
ဟိုအရာစပ် ဒီအရာတတ်ဟု
ဘဲလိုသင်၍ မထားနှင့်
ရည်ရွယ်ထားရာ မြင့်မားရာကို
တစ်ခုတည်းသာ ဦးတည်ထား၍
ဆုံးခန်းတိုင်ထိ မယိုင်မလဲ
တစိုက်မတ်မတ် ရှေ့ကိုဆက်ကာ
သင်ယူပါလေ
ထိုသို့သင်ယူ ကြိုးစားသူများမှာ မလွဲဧကန်
ကြီးပွားနိုင်ပါသည်။
မိတ်ဆွေလည်းပဲ
ဘဲလိုလူစား မဖြစ်စေနှင့်။
ဘဲလိုလူစား မဖြစ်ပါစေနှင့်
📖📖📖📖📖📖📖📖📖
Credit
Gin Gaung
#ခွန်အားဖြစ်စေသောစာများ
